بمن اقتدى معذبي

اعترافات عاشق

باول البارت اطلب منكم تسمعون الشعر ....واشكر اخيتي الي دلتني عالقصيدة يسلموا😘
Mnmn78 

كنت كاعد بالظلام وحدي وسلاحي يمي وجكارتي اللي ما تركتها من يوم فارقتني كنت مقاوم لفراقها بشوفتها واليوم انحرمت حيل وهاج بيه الشوق لدرجة الرغبة بالبكاء ...

اربع سنوات مرت حاربتها واذيتها وحاصرتها بحصار ابنها واليوم ادري بي بحضنها وادري حياتي عن موتي شعرة وان متت فراح تكون الاسعد ...ذبيت نفسي بنص الموت لان بس هو يخلصها مني...وصيتي لاهلي كانت ابنها يرجع لحضنها وترتاح ...

وصلنا لحدود المجهول شباب هواي كل واحد بينا اله اسباب لخروجه لهاي الحرب اللي جاي للدفاع عن ارض وعرض واللي جاي منتقم لمقتل صاحبه او اخوه واللي جاي مهزوم من واقعه واكيد عرفتوا منو اني بيهم ؟؟

اني اللي طلعت لاجلهن كلهن ...اني اللي فاقد لكل مقومات الفرد الصالح انا المذنب ..انا المسئ الغير مرجو انعداله..اجيت اليوم اصحح حياتي هنا لو ارجع انسان سوي لو ارجع انام بقبري وارتاح من ظلام افكاري وترتاح الناس من شري ...

عمري كله قضيته متخاصم حتى ويه نفسي وبعمري ما حبيت احد ولا كدرت اعطف على احد كنت اظن قلبي مات بمكان قلب عمي ...اني اللي صدره تلقى الرصاص قبل صدره كان الصاحب والاخ والاب والناصح والمعلم ...عمي قدوة كنت اقتدي بخطاه متدين ويعرف حق الله وما بيوم اذى اي بشر ..ولعنة الحب ما ان حلت عليه سرعان ما تهادى بخطواته للموت ....

بعيني شهدت خيانة وانتحار وبايدي نظفت عار ....عار بقى ينهش بداخلي ويزيدني حقد على حقد لحد ما ادركت وتأكدت اني مريض باخطر امراض البشر ...حقد ..شك ..وازدواجية ....كنت اشوف روحي مرتاح بعيد عن الناس وبالاخص عن جنس حواء اللي كرهته من اوله لاخره وبمن فيهم امي ومن تلاها من النساء ...ما كنت مفكر بيوم ارتبط بانثى وان ارتبطت تكون الاتعس حظا وان خلفت منها الفتيات فراح اكون اشد كفرا من اعراب الجاهيلة وادفن بناتي بايدي تحت التراب ..اني الحاقد المضطهد لحقوقهن لا احترم احد منهن ولا بعمري فكرت اعطف لو ارحم وحده بيهن ..دائما بنظري المرأة مخطئة وان كانت اقرب الناس لقلبي .....

لحد ما شاء القدر توكع بدربي هي يمكن سوء طالعها ويمكن حسن حظي ....خل انطيكم شبه الها ...كانت يمامه بيضاء حطت بنص دياري الخربة ...لا اصح كانت زهرة تفتحت بنص لهيب حقدي ...كانت البسمة اللي تخللت لنواعي حزني ...انتقمت منها اشد انتقام ...كنت استمتع بعذابها واستنجادها واستمتع ببكائها ونحيبها وعتبها لاهلها مريض وكلتها وما الكم بعد الا ان تفرغون ما بدواخلكم عني لاني استحق كل كلمة وبجدارة

....اشوف ضربها واجب وخيانتها فرض ...استغليتها واستغليت وحدتها واستغليت نفوذي عليها....اعرف هي لا حول ولا قوة وادري باهلها ما يوكفون بدربي ولا احد يصدني واعرف المجتمع واعرف ظروفها وافهم واميز كل الخطأ اللي اقترفته بحقها....ازيد باحتقار ابوها واتعمد اغيضها بي حتى بعد ما صارت الي تزعل يوم وارجع اراضيها وسهلة عندي اجرحها مو هي من صنف حواء معناها افعى متلونة وحرباء واجب قطع رأسها ...