بمن اقتدى معذبي

مجرم حقيقي

بارت مفاجئ😘😘واريد منكم تصويت +تعليق 

وهاا والسب والشتم حلال اني اكولها الكم واخلي مسؤوليتي تماما 😐😐

ما ردنا الطلايب بس تجي كوه 😏

احيانا نكون ممتنين للنهايات السيئة💔💔
لانها تسهل عملية الانفصال بشكل مقنع
...تجبرنا كل ما زارنا الحنين
نتذكر ...اللسعة الاخيرة
ونتراجع بقناعه 🖤🖤🖤

ندى:
كل انسان بداخله مباني ومستعمرات من الاخطاء التراكمية يحاول يخبيها ويخفيها عن انظار نفسه لداخله قبل انظار الناس ..يحط عليها اوراق خريفية بمجرد ما تهب اول عاصفة شتائية تترك مكانها مكشوف للعيان ...
هذا اللي صار وياي كل ذنبي كنت اتغاضى واقنع نفسي ..سنين مو سنه واثنين واني وياه امرر هواي اخطاء واصبر واكول اتحمل هاي المراة الاصيلة اللي تربيت على ان اكونها ..كل النساء بمجتمعي مثل حالي لكن بدرجات ...ترضى في بعض الاحيان بالمظلومية في سبيل لا تكون هي سبب الخراب والانفصال ...لكن الجزاء يختلف مرات تحصل خير مثل ما صار بزينب ومرات تجني المزيد من الندم والخذلان مثل حالتي ...كل ظني يتغير وكل ظني يحبني والي قيمة ومكانة عنده تخليه ما يكدر يستغني عن وجودي .

بوقتها كنت مرحلة ثالثة بكليتي ...توها الدنيا ضحكت الي ..حيدر هواي تبدل وياي ..يعاملني بحب فائق وما يرفض الي اي طلب ..حياتنا بسيطة بهالفترة بالذات وساكنه عكس اللي قبلها كان ..قضيتها بين شك وغيرة وتجريح واتهامات وياه وارتاحيت بعد العناء ...كل هاي كنت اكول ميخالف متعرض لموقف مو سهل يخليه يتوحش ومر باذن الله الصعب وكسبت رضاه وثقته وخليته يحبني اكثر وهو بمجرد اختياره الي كزوجة هذا بحد ذاته انجاز بالنسبة الي لان حيدر كان ما يفكر ابدا يرتبط بيوم ولا يستقر ..زوجة عمه والحديث اللي سمعته منه خلاني اتأكد هو عنده عقدة نفسية من كل النساء عدم الثقة واصل عنده لدرجة اخوانه واصدقاءه يشك بيهم مو بس بيه ...سولف الي سوالف يشيب الها الرضيع ما كدرت الا اعفو عن حاله واستمر وياه رغم المشاكل اللي فاقت حدود تحملي وعدم تقبلي عقدة النقص والشك المريض اللي بي...

ماكانت مثل ما كال مهزومة لا بل كامشيها متلبسة بالفراش ويه اقرب اصحابهم ويعتبروه اخ مو بس صديق بحيث من الصدمة ما عارف عمه يتصرف بعد ما مصفيهم الاثنين سويه وفاقد لعقله تماما بايد حيدر 

حيدر وعامر مكملين مهمة اخفاء امرهم للابد ..عمه وانتحاره والحمل اللي صار على حياته وهو بداية شبابه خلاه مختل عاطفيا ومعنويا تجاه اي انثى ..موقفها وشكلها بباله ما ينمحي ابدا ..والسنوات اللي بعدها قضوها مهزومين من عار وكلام يشاع بلا تاكيد لان همه مغطين السالفة بالكامل واللي رواها من قصه هي اللي عند الناس خبرها هي مهزومة وبس.. رغم هذا ما توقفت اذية اللي حواليهم الهم واضطروا ينقلون مكانهم ككل حتى تنسى السالفة ..عمامهم واقرب الناس الهم طاعنين بيهم بسببها وحيدر وكرهه الهم لهذا السبب حتى من يجي ذكرهم ما يجي بلسانه الا مسبة الهم ولنسوانهم اللي فضحن السالفة اكثر ما يستروها ...