يوميات بيت العيله

الحلقه الاول

السلام عليكم اخواتى واحبتى😊موعدنا مع قصتنا الجديده اللى مش هتلاقوها الا عندى وبس علشان من تاليفى طبعا😁واتمنى تنال اعجابكم زى قصتى الاولى جنه الدنيا 💗

واسيبكم مع الحلقه الاولى وركزوا فى الشخصيات علشان  بيت عيله بقا😊

واتخيلوها انتو بقا ويعلم ربى ان كلها من افكارى وتأليفى بس اكيد هنلاقى منهم فى حياتنا 😉
وعن اختيارى لإسم يوميات بيت العيله..
ده لانى ماشيه بأحداث الروايه يوم بيوم فيها
زى حياتنا بالظبط😉

ويالا نصلى ع الرسول 😍وندخل ع قصتنا ع طوووووول🌹💗

#يوميات_بيت_العيله_جيهان_سلامه
#محبه_الرحمن

الحلقه الاولى🌹

فى بيت فى حى شعبى بسيط

جيران الست ام صابرين قاعدين معها فى

الصاله وبيساعدوها فى كحك وبسكويت

العروسه😁 عقبال حبايبكم😃❤

أم صابرين: عقبال عندكم يا حبايب  ..أتعبلكم يوم فرح ولادكم يارب

أم صباح: لولولولولى...مبروك يا حبييتى ربنا يتمملها على خير

أم أحمد: هششش......واطى صوتك يا أم صباح
الناس لسه نايمه ..... خدى يختى الصاجات دى
رصيها جوه عقبال ما ننزلهم كلهم مره وحده
على الفرن.. وبالمره  تكون فتحت

أم محمود: وهاتيلى معاكى بالمره يا أم صابرين
مقادير الغريبه علشان أعملها

أم أزهار: بصوت واطى ..بمناسبه الغريبه ...غنوا معايا يالا يختى إنتى وهى 😁

أه يا نعمه يا غريبه ..يا بنت الناس الطيبه

الكل غنوا وراها...بصوت واطى وبيصقفوا
أه يا نعمه يا غريبه يا بنت الناس الطيبه😀😀😀

أم صابرين: ربنا يستر والجيران
ميطلعوش يتخنقوا معنا ... 😀

أم أزهار: ولا حد يقدر يتكلم  ..ده الكل فرحان
لصابرين والكل هنا بيحبكم .....وعلى العموم
إحنا موطين صوتنا أهو ..ملهومش حجه بقا

أم أحمد: بس إصتبرى علينا بس...... أول ما الكل
يصحى هنعلى صوتنا ونهيص براحتنا  😁

ام صابرين: 😄
خدى  يا أم محمود الحاجه الغريبه أهى
بس أنا عاوزها ناعمه زى الحرير إوعى تنشف منك

أم محمود : لاء بقا ..ده أنا  أحسن واحده تعمل
غريبه فى المنطقه كلها ولا إيه يا ست إنتى وهى...ما تردوا 😠

أم صباح: حقه بقا ..كل حاجه من إيدك عسل
يا أم محمود يختى 😁

أم صابرين : تسلم إيدك يا حبيبتى ..وإيدكو كلكو😁

أم أحمد:تسلمى يا حبيبتى.... طب يختى أنا هروح البيت أوام كده أحضر الفطار للراجل علشان ما يقلبش بوزو عليا على الصبح وأرجعلكو على طول