يوميات بيت العيله

الحلقه ٣٥

السلام عليكم ورحمه الله وبركاته اخواتى واحبتى ❤️ موعدنا مع قصتنا اليوميه 😘
و يالا نصلى على الرسول وندخل ع قصتنا ع طووول😍🌹

اللهم ارزقنا تقواك....واجعل عملنا فى رضاك🤲

#يوميات_بيت_العيله_جيهان_سلامه
#محبه_الرحمن

الحلقه ال ٣٥ 🌹

عاطف داخل الاوضه وهو بينشف شعره بالفوطه
شاف مودى واقف مع غاده وبياخد منها فلوس
وبيحطها فى جيبه بسرعه وغاده بتقفل شنطتها

عاطف بزعيق: ولاااه😠و ضرب مودى على دماغه
بتعمل ايه ياض هنا....

مودى: اييييه.........اوضه ستووو 🥴

عاطف : طب إمشى اطلع بره يالا😠

مودى بص لغاده وضيق عينه ..أطلع يا غاااده😒

غاده بغيظ : لاء يا حبيبى خليك 😬سيبوا يا عاطف علشان خاطرى
ده كيوت اوووى ..وبصيت لمودى وضحكتله وهى مش طايقاه😬

مودى 😬 وانتى حلوة اوى يا غاده ..عارفه زى ايه

غاده: زي ايه يا حبيبى😬

مودى: زى الشكولاته الكبييييره اوى دى ام ١٠٠
جنيه ....وغمزلها😉 ...عرفاهااا

غاده بغيظ مسكته من خدوده😬
اه طبعا عرفاها .😬المره الجايه هجبهالك
معايا وانا جايه

مودى : لاااااء .....هاتى االفلوس وانا اللى هجيبها بنفسى🥴

عاطف بنرفزه: انت عبيط ياض ولا ايه
عيب كده ...ويالا إمشى إطلع بره 😠
عيل تنح صحيح....

مودى بتكشيره: متقولش تنح ....وطلع يجرى
على بره........يا ستوووووو🥴

عاطف : .عيل متخلف..... اسف يا غاده
اصل ده معروف عندنا فى العيله انه عيل متخلف وتنح وعبيط ..😄

غاده بغيظ: ده عبيط ده.....ده انصح واحد فى عيلتكم وانت الصادق😏
ويالا بقا نفطر بسرعه علشان مينفعش اتأخر انهارده

عاطف: واشمعنى يعنى انهارده

غاده ارتبكت: هاااا...اا..اا....اصل.اا اا.....اصل الراجل
صاحب الشغل زعل المره اللى فاتت علشان اتأخرت

عاطف: انا مش عارف انتى مبهدله نفسك ليه فى الشغل ده
مع انكم مستورين والحمد لله..ومش محتاجين

غاده : المساله مش مسألة فلوس يا عاطف. بالعكس
انا عاوزة اشتغل لاثبات الذات واعمل بالشهاده اللى تعبت فيها وخدتها
لكن مش علشان الفلوس خاااالص ...دى اخر حاجه افكر فيها

عاطف: طب لو طلبت منك تسيبى الشغل
هتسيبيه

غاده: والله بقااا... ساعتها افكر☺️
بس يالا ناكل الاول .....وبعدين نتكلم

دخلت اعتماد عليهم........هااااا
فطرتو يا ولاد ولا لسه😁

غاده اتخضيت لما لقيتها دخلت فجاءه عليهم 😳
وافتكرت مودى قالها على اللى شافه
وبلعت ريقها بصعوبه....اا..ااا....لسه يا ماما الحاجه