السلام عليكم اخواتى واحبتى 😍موعدنا مع قصتنا اليوميه☺ويالا نصلى على الرسول وندخل ع قصتنا ع طووول😍🌹
#يوميات_بيت_العيله_جيهان_سلامه
#محبه_الرحمنالحلقه ال ٢٣🌹
صباح يوم جديد 🌤️
الحاجه اعتماد قلقت من النوم و بتقوم من جنب عاطف براحه علشان ميقلقش من نومه
وفضلت واقفه تبصيله وصعبان عليها حاله😔
وخرجت وقفلت الباب ......خرجت على الصاله وفتحت الشباك وقعدت
على الكنبه وسرحت فى حال ابنها وفضلت بتكلم فى نفسها
ياعينى عليك يا حبيبى ...ملحقتش تتهنى ولا تشوف الفرح......بس انا مش هسكت
لازم اخليه يخرج من اللى هو فيه ده
الواد هيموت منى كده ......ده الا عاطف
ده انا يجرالى حاجه لو بعد الشر جراله هو حاجهتليفونها رن.....وده مين اللى هيتصل بيا بدرى كده ......استر يارب........ الووووو
ابراهيم: صباح الفل يا حاجه
الحاجه بقلق : ايه.. فى ايه......عصام جراله حاجه
ابراهيم: لاء متخضيش كده...هو كويس الحمد لله بس احنا جينا وقلت اطمنك قبل ما انااام
شيلى يا فاطمه الاكل ....شبعت الحمد للهالحاجه:ايه ده ... هو انتو جيتوا امتى يا ولاه
ابراهيم: جينا من ساعه كده
الحاجه: ونجوى جت معاكم
ابراهيم: مرضيتش تيجى وقالتلى إبقا خلى فاطمه تخلى بالها من العيال
الحاجه: العيال يا حبة عينى نايمين عند مروه فوق من امبارح
طب طمنى على عصام عامل ايه دلوقتابراهيم بيتاوب🥱الحمد لله.... الدكتور طمنا ولسه لما يفوق هيشخص حالته ويطمنا اكتر بإذن الله
الحاجه: طب الحمد لله....خلاص يا حبيبى نام وارتاح...انت شكلك تعبت اوى ربنا يقعدوا فى صحتك وعافيتك
ابراهيم: يارب يا حاجه...اول ما اصحى هنزلك
على طول... تصبحى على خيرالحاجه: وانت من اهل الخير يا حبييى
نوم الصحه ياربوقفلت وهى متعصبه😡
بقا كدااااا...... مااااشى
وقعتك سوده منى يا فاطنه لما تنزليلى
سمعانى بتكلم وميطلعش من بؤئك صباح الخير
يا نينه حتى
ااااااه...تلاقيها خايفه اقولها انزلى
مااااااشى ..صبرك عليا بس لما اشوف وشك😡
*******************************
فاطمه : يعنى كنت لازم تقولى شيلى يا فاطمه
الاكل😠ابراهيم: طب وفيها ايه ...ولا كنتى عاوزانى
اقولك شيلى يا ست فاطمهفاطمه: ولا ست ولا بت.....امك كده هتنكد عليا
لما انزلها😠ابراهيم : وهتنكد عليكى ليه بس
فاطمه: عشان مخدتش منك التليفون وصبحت عليها
أنت تقرأ
يوميات بيت العيله
Misterio / Suspensoتدور احداث بيت العيله فى جو عائلي مليان بالأحداث الواقعيه اللى موجوده بالفعل فى حياتنا وخصوصا اللى عايشين فى بيت عيله واتمنى اكون وفقت فى كتابتها ولمست كثير من الواقع