السلام عليكم اخواتى واحبتى 😍موعدنا مع قصتنا اليوميه☺ويالا نصلى على الرسول وندخل ع قصتنا ع طووول😍🌹
اللهم ارزقنا تقواك....واجعل عملنا فى رضاك🤲
#يوميات_بيت_العيله_جيهان_سلامه
#محبه_الرحمن
الحلقه ال ٤٩🌹
نجوى وفاديه بصوا لبعض ومش مصدقين😳😳
طارق مستنى بخوف وقلق....... وبعصبيه
ايييه........فى ايييه 😡
طلعت كدابه ومش حامل ....صح
ما تنطقواااا 😠
الحاجه بزعيق: مالك يا بت انتى وهى تنحتوا
كده لييييييه ...ما تنطقوا منك ليها
هى الخرسه مسكتكوا ولا اييييه😡
محاسن فردت جسمها على الكنبه ورفعت رجلها فى وشهم...... ورفعت حاجبها🤨
ما تقولى يا حلوة انتى وهى ...الاختبار طلع ايه
ولا لسانكو كلتوا القطه: هئ هئ هئ هئ 🤣
طارق بص لمحاسن بلهفه: يعنى ايه يا محاسن
يعنى طلعتى اااا وبلع ريقه من الخوف
طلعتى حامل ولا لاء😧
محاسن بزعل مصطنع: ايوه حبيبى حامل😥
اومال هكون يعنى بكدب عليك زى ما قالولك الظالمه دول منهم لله 😭
طارق بفرحه: الحمد لله يارب ....الحمد لله☺️سامحينى يا حبيبتى
محاسن بدموع مصطنعه: لاء يا طروقتى....انا مش مسامحك
ومش انت بس......انا مش مسامحكوا كلكواا
انا هلم هدومى وهروح عند امى ..ومليش قاعده فى البيت ده تانى 😭
الحاجه: الله بقااا....هو كان حد عملك حاجه
احنا بس كنا عاوزين نتاكد ...مفيهاش حاجه دى
طارق: حقك عليا يا بسبوسه ...متزعليش منى
وبص لنجوى وفاديه بغيظ ونرفزه....ممكن بقااا
تلموا نفسكوا شويه وتبعدوا عنها وكفايكوا
توقيع وخراب بيوت 😠
نجوى بزعل: انا .....انا يا طارق عاوزة اخرب
بيتك ....الله يسامحك😞
محاسن بدموع مصطنعه: ومتخربيش ليه يا حبيبتشى....ما تلاقيكى متفقه مع العائر صحبتك
وعاوزه ترجعهالوا من تانى...منك لله 😭
نجوى بنرفزه:منك لله انتى يا شيخه 😠
واوعى تجيبى سيرتها على لسانك ده تانى مره
مروه دى احسن منك الف مره
محاسن: خلاص يا حبييتى ...روحى هاتيها
وخليها جنبه.... ويفضل طول عمره من غير ما
يلاقى اللى يقوله يا بابا عشان ترتاحى
اااه....ما انتو عاوزين كده عشان تورثوه..واااا😠
نجوى قاطعتها بزعيق: اخرسى .....ولا كلمه بعد كده......دى كدابه يا طارق اوعى تصدقها😠
وقامت محاسن وقفت واتعصبت 😠انا كدابه
طب انا ماشيه
الحاجه بزعيق: تمشى فييييين .....ما تلمى
نفسك بقاااا يا نوجا شويه 😠
ومروه العائر مين دى يختى اللى احسن من محاسن
بقولك ا ييييه... اطلعى شوفى جوزك وعيالك يالااا
😠
نجوى بزعل: بقا كده يامه...بتطردينى من بيت ابويا عشان دى😥
أنت تقرأ
يوميات بيت العيله
Mystery / Thrillerتدور احداث بيت العيله فى جو عائلي مليان بالأحداث الواقعيه اللى موجوده بالفعل فى حياتنا وخصوصا اللى عايشين فى بيت عيله واتمنى اكون وفقت فى كتابتها ولمست كثير من الواقع
