السلام عليكم اخواتى واحبتى 😍موعدنا مع قصتنا اليوميه☺ويالا نصلى على الرسول وندخل ع قصتنا ع طووول😍🌹
#يوميات_بيت_العيله_جيهان_سلامه
#محبه_الرحمن
الحلقه ال ٢٨ 🌹
مروه منهاره ونبيله قاعده جنبها وبتحاول تهديها
نبيله: بس يا مروه كفايه يا حبيبتى حرام عليكى نفسك ....ده انسان حيوان 😠وميستهلش دمعه واحده منك
مروه بدموع: لاء يا نبيله ....طارق مش وحش
بالعكس ...طارق طول عيشتى معاه مشوفتش
منه حاجه وحشه ابدا وعلى طول كان بيدافع
عنى لما امه كانت بتجرحنى بكلامها
منهم لله اللى كانوا السبب.....منهم لله😭
نبيله: قصدك مين.....حماتك يعنى
مروه: حماتى وعدلى وفاديه ...حسبنا الله
ونعمه الوكيل فيهم😡ربنا قادر إنه يجيبلى حقى منهم 😭
نبيله أخدتها فى حضنها...وطبطبت عليها
يااارب يا حبيبتى .....ربنا كبير واكيد هيجبلك حقك
ده كفايه الدهب اللى خدتيه. منهم.....شوفتى هيموتوا عليه ازى........طبعاااات
ماهو يجي بالشئ الفلانى دلوقتى
بس جدعه بردوا انك خدتيه .. اهو تأمنى نفسك بيهم احسن من مفيش
طب والله انتى ارتاحتى من ارفهم وعيشتهم
والظلم اللى كنتى شايفاه هناك منهم
مروه: بس طارق هيوحشنى اوى يا نبيله 😭
نبيله: يختى بكره تنسى وتشوفى حياتك من تانى
وتتجوزى وتتهنى واااا....
قاطعتها مروه بنرفزه ودموع😡
جواز ايه اللى انتى بتتكلمى عليه دلوقتى
وحياتى ايه اللى اشوفها من تانى
ما خلاااااص ......طارق كان كل حياتى
سبينى يا نبيله لو سمحتى...عاوزه اقعد لوحدى شويه😭
نبيله طبطبت عليها.....حاضر يا حبيبتى هسيبك
بس حاولى تهدى وناميلك شويه علشان ترتاحى
وقامت خرجت وقفلت عليها الباب
واتصلت بالتليفون.........الوو.......ازيك يا سامى وازاى خالتى
........
الحمد لله كلنا كويسين
اسمع......عندى ليك اخبار هتفرحك اووووى
............
مروه يا سيدى...... اتطلقت😁
***************************
عاطف فى شقته ..نايم على سريره وحاضن اسدال صابرين و سرحان فى ذكرياته معهاا😥
فلااااش باك
صابرين: خلاص يا عاطف 😂
حرام عليك مش قادره ...بطنى وجعتنى من الضحك
عاطف: طب اقولك واحده تانيه ..مره واحد
صابرين: والله ما انت قايل ..خلاص
مش قادره ....بطنى وجعتنى من الضحك بقولك
عاطف: يا حبيبة قلبى خدى على كده منى
احنا حياتنا هتبقى ضحك وبس
مفيش نكد ولا غم ولا هم بعد كده
صابرين اتنهدت بحب : يارب يا حبيبى 😊
**********
عاطف بدموع فتح تليفونه وجاب صورها
وقعد يكلمها ...😭
حياتى بعدك مبقاش ليها طعم يا صابرين
انا ميت من غيرك يا حبيبتى 😭
أنت تقرأ
يوميات بيت العيله
Mystery / Thrillerتدور احداث بيت العيله فى جو عائلي مليان بالأحداث الواقعيه اللى موجوده بالفعل فى حياتنا وخصوصا اللى عايشين فى بيت عيله واتمنى اكون وفقت فى كتابتها ولمست كثير من الواقع
