يوميات بيت العيله

الحلقه ال ٤٥

[السلام عليكم اخواتى واحبتى 😍موعدنا مع قصتنا اليوميه☺ويالا نصلى على الرسول وندخل ع قصتنا ع طووول😍🌹

اللهم ارزقنا تقواك....واجعل عملنا فى رضاك🤲

#يوميات_بيت_العيله_جيهان_سلامه
#محبه_الرحمن

الحلقه ال ٤٥ 🌹

بفضل الله حلقه مختلفه وهستنى رايكم
بس بلاش تبخلوا عليا بيهااا😁❤️

الحاجه بزعيق: اتصل بالبوليس ياا عدلى

عدلى بعصبيه: طبعا هتصل ...ده انتو نسب
عره صحيح 😡

ام غاده ساكته ومنهاره بالدموع😭 وبصه لبنتها ومش مصدقه اللى عاملته فيها ومستنيها تقول حاجه وتبرأها
وولادها الصغيرين ماسكين فيها وبيعطوا ماما.....ماما😭😭

غاده منهاره من العياط من فضحتها😭ومن كذبها وافترائها على امها....ومن منظرها قدامهم

عاطف بزعيق: انا عاوز افهم دلوقتى
انتى ليكى علاقه بالسرقه دى... ولا لااااااء😡

الحاجه بعصبيه: لااااء طبعاااا.....البت دى كويسه
امها هى اللى ايديها طويله...(وشاورتلها بإيدها)
منك لله يا شيخه 😡

ابراهيم: يا سلاااام ...وليه بقا إن شاء الله
ماهى تربيتها بردوا 😠

الحاجه: لاء البت كويسه ...انهارده كانت فى
الاوضه بتاعتى بتغير هدومها ...واول ما طلعت
من الاوضه اديتنى السلسله الكبيره بتاعتى

مش لو كانت حراميه بقاااا...مش كانت خديتها وسط اللمه والهيصه دى كلها.... ولا كان حد فينا هياخد باله.....ولا ايييييه
حتى اسألوا نوجا ...حصل يا بت يا نوجا كده قدامك.. ولا لاء 😠

نوجا بصيتلها وسكتت

الحاجه بزعيق: ما تنطقى يا بت....حصل ولا لاء

نوجا بنرفزه:حصل

عاطف: حصل......محصلش ...خلاااااص
الجوازه دى متنفعنيش ..واتفضلى بقا خدى امك واطلعوا بره 😡

عدلى بزعيق: يطلعوا بره ايه يا جدع انت
الست دى لازم اطلبلها البوليس دلوقتى ويجى ياخودها
ده حق مراتى ولا يمكن اسيبه😡

الحاجه: محدش قالك سيبوه يا حبيبى... حقك خدوا من الحرميه دى .....وشاورت على ام غاده
لكن البت الغلبانه دى لاء ........حراااام
وخديتها فى حضنها...بس يا غاده.. متعيطيش
يا حبيبتى

عدلى: والله بقا ..هى او امها .......مش فارقه
المهم مراتى كرامتها تتردلها قدام الكل😡

وبص لابراهيم بجنب عينه😒وبالذات اللى اتهموها بالسرقه

ابراهيم فهم كلام اخوه ونفخ😤
استغفر الله العظيم

فاطمه ووطت على نجوى وبصوت واطى
انا قلبى بيقولى غير كده يا نوجا
الست دى مظلومه...والبت هى اللى سرقت