السلام عليكم اخواتى واحبتى 😍موعدنا مع قصتنا اليوميه☺ويالا نصلى على الرسول وندخل ع قصتنا ع طووول😍🌹
#يوميات_بيت_العيله_جيهان_سلامه
#محبه_الرحمن
الحلقه ال ٢٤🌹
فاديه : بقاا طارق قالك كده😳
محاسن بدلع: وميقولش ليه يختى.. هو كان يطول
فاديه: يا بنت المحظوووظه ...ده انا المؤخر بتاعى ١٠٠ الف جنيه
ومش انا بس ..ده كلنا كده بردوا
محاسن: اصل انتو لامؤخذه يعنى ستات خايبه مع رجالتكم 😏
مش عارفين تاخدوا حقكم وزياده منهم
مادام معاهم ومتريشين ...اطلبوا براحتكم وبزياده كمان يا خايبه انتى وهى😏
فاديه : تصدقى عندك حق يا بت يا محاسن
لكن خلاص.... من هنا ورااايح هاخد حقى تالت ومتلت كمان🤨
محاسن: ايوه كده يا بت جدعه....خليكى زى بنتك خالتك ناصحه😄
فاديه: وهتكتبوا الكتاب امتى بقا على كده
محاسن: هو لو عليه يختى عاوز يكتب دلوقتى قبل كمان شويه
لكن الظروف المنيله اللى جت ورا بعض دى عندكوا هى السبب
فاديه: ده من وشك النحس علينا 😠
محاسن بنرفزه: وانا مالى يختى... انتى هتلزقيها فيا ولا ايه 🤨
فاديه: طب يالا اشربى العصير بسرعه واتكلى
على بيتكوا قبل ما الأرشانه تندهلى وننزل
نحضر العشا للرجاله
محاسن:طب ومين قالك انى همشى دلوقتى
فاديه:يعنى ايه .. مش فاهمه
محاسن: اصلى قولت لطروقتى انك عزمانى
عندك انهارده على الغدا ..وفرح اوى انى جايه
ومتاكده انه هيجى عشان يشوفنى😁
ده يمكن كمان يكون جه تحت عند امه من بدرى
ومستنى يشوفنى نازله ولا طالعه
خليه كده ع ناره......هولعه☺️
فاديه: لااااء.....انسى يا حلوة ...مش لدرجه يعنى
بقاا طارق يسيب شغله ويجيلك انتى
ده يوم فرح عاطف راح الشغل ومرضيش يقعد
زى اخواته ...تقوليلى هيجى عشانك.....ده انتى بتحلمى
محاسن بدلع: هئ هئ ......هنشوووف☺️
فاديه.: طب تحبى اثبتلك كلامى علشان تهمدى وتنبطى 🤨
محاسن بدلعع: امممم....احب ....بس ازاى
فاديه: هشوف عربيته من الشباك وافقه تحت البيت ولا لاء....واحنا نعرف.....استنى....
وقامت فتحت الشباك وبتبص. ..مع انى واثقه ومتأكده إنه اااااا...😳
محاسن : هئ هئ هئ....مادام تنحتى كده
وتهتهتى فى الكلام ....يبقى جه....صح
طارق: يخربييييييتك ....انتى عملتى فى الواد ايه يا منيله🤔
أنت تقرأ
يوميات بيت العيله
Misterio / Suspensoتدور احداث بيت العيله فى جو عائلي مليان بالأحداث الواقعيه اللى موجوده بالفعل فى حياتنا وخصوصا اللى عايشين فى بيت عيله واتمنى اكون وفقت فى كتابتها ولمست كثير من الواقع
