السلام عليكم اخواتى واحبتى 😍موعدنا مع قصتنا اليوميه☺ويالا نصلى على الرسول وندخل ع قصتنا ع طووول😍🌹
#يوميات_بيت_العيله_جيهان_سلامه
#محبه_الرحمن
الحلقه ال ٢٢🌹
طارق:قاعد متضايق ومتعصب وعمال يهز فى رجله بعصبيه .... وبص لعدلى😒
عدلى........تعالى عاوزك فى كلمتين
عدلى استغرب شكله وعصبيته ....ماشى
هشوف أخوك يا ابراهيم عاوز ايه واجيلك تانى
ابراهيم استغرب:ماشى....بس بسرعه
وكلم نفسه
هو فيه ايه بالظبط....عدلى بيتكلم فى التليفون بصوت واطى ومش قدامنا
وطارق عاوز عدلى لوحده ومش عوايده
انا مبقتش فاهم حاجه 🤔
طار ق بنرفزه : عجبك كده يعنى 😡
عدلى: لاء طبعا ميعجبنيش .......دى اتجننت دى ولا ايه
خلاص... كبر دماغك منها ..وبلاش من الموضوع
ده من اساسه
طارق اتفزع : لااااااء 😳.......بلاش ده ايه
اهدى يا عم كده و وحد الله
عدلى: ومالك اتخضيت كده ليه.....انت وقعت ولا ايه يا عم طارق😄
طارق ارتبك: ااا...اا.....لااااا يا عم... اقع ايه بس
انا بقول يعنى احنا عرفين اصلها ...وعارفين هى مين واهلها مين وكفايه انها تبعك انت ومراتك
ومش غريبه عنا.....
خلى انت بس فاديه تتكلم معها تانى وتقنعها
ان الطلبات دى كده كتير ومتنفعش
وانا هراضيها بردوا...بس بالاصول
عدلى: والله شكلك وقعت ولا حد سمى عليك
ماشى يا عم طارق......لما نروح فى ليلتنا دى
اللى شكلها باين عليه هتطول للصبح
طارق:ايه ده ... هو انا لسه هستنى يا عدلى لما نروح البيت😠
عدلى : يعنى عاوزنى اعملك ايه طيب
طارق: تتصل بيها دلوقتى وتقولها تكلمها
معلش ....عشان خاطرى
عدلى: حااااضر ...ما انا عارفك هتفضل تزن فى ودنى لحد ما تزهقنى
وطلع تليفونه من جيبه ....واتصل بفاديه
طارق مال عليه وباس كتفه ..... حبيبى يا عدول
عدلى: ييييي......حظك نيله
التليفون مقفوول........اصبر بقا لما نروح
طارق: لااااء... اصبر ايه بس ......انت ما صدقت ولا ايه
استتى .... انا هتصرف......وطلع تليفونه اتصل
***********************************
مروه: الووو...ايوه يا حبييى ...وحشتينى اوى🥰
طمنى عليك وعلى عصام عامل ايه دلوقت
طارق: بخنقه.....بعدين يا مروه ..بعدين 😠
المهم دلوقتى ..فاديه جنبك
مروه: اتضايقت من طريقته معها😔
لاء .....انا فى شقتى فوق
طارق: طب شوفيها عند الحاجه كده
ولا فى شقتها
وقوللها تفتح تليفونها عشان عدلى عاوزها ضرورى
أنت تقرأ
يوميات بيت العيله
Misteri / Thrillerتدور احداث بيت العيله فى جو عائلي مليان بالأحداث الواقعيه اللى موجوده بالفعل فى حياتنا وخصوصا اللى عايشين فى بيت عيله واتمنى اكون وفقت فى كتابتها ولمست كثير من الواقع
