يوميات بيت العيله

الحلقه السابعه

السلام عليكم اخواتى واحبتى 😍موعدنا مع قصتنا اليوميه☺ويالا نصلى على الرسول وندخل ع قصتنا ع طووول😍🌹

#يوميات_بيت_العيله_جيهان_سلامه
#محبه_الرحمن

الحلقه السابعه🌹

فاطمه وفاديه بيغسلوا مواعين العشا ف المطبخ
وواقفين بيتكلموا بصوت واطى وبيضحكوااا

فاطمه:هموت من الضحك على منظر الأرشانه لما عاطف كبسها.....فرحت فيها اوى😂

فاديه: يخربيتك وطى صوتك هتدودينا فى داهيه😂
انا كمان مش قادره امسك نفسى من الضحك
على شلطمت وشها وبوزها اللى بقى ٦ متر قدامها
😂
خدتى بالك يا بت يا فاطمه إنها ممدتش ايدها فى الاكل خالص....وفضلت تهرى وتنكوت فى نفسها ازاى😂
طب والله فرحت فيها اوى ...ده حق البت مروه

فاطمه: طب تصدقى بالله .. الواد عاطف ده
طلع جدع ...مش خايب زى رجلتنا ...بلا وكسه😏

مروه داخله بباقى الاطباق......

مروه : خودى يا فاديه ... فضى دول فى الحله
وارمى العضم ده فى الزباله

فاطمه: والله انتى بنت حلال يا بت يا مروه
وربنا رضاكى وجابلك حقك من الأرشانه😁

مروه باستغراب: مش فاهمه

فاديه: فاطمه قصدها كبسة حماتك من عاطف لما كسر كلامها وخد البت مراته فى ايده ومشى
شوفتى وشها جاب ميت لون ازاى....و بقيت شبه ريش البغبغان 😂

مروه بزعل: حرام عليكوا ..بطلوا تريقه عليها
دى صعبت عليا اوى والله

فاديه وفاطمه بصوا ليها بغيظ....😡😡

فاطمه: انتى عبيطه يا بت إنتى...دى لسه مدياكى
فى جنابك كلام زى السم

مروه: يا ستى الله يسامحها....اما اروح اجيب بقيت الأطباق
اه صحيح ..نينه بتقولكوا اعملوا الشاى للرجاله

فاطمه بغيظ:يا سلاااام......ما الست نجوى تيجى
تعمله ...ماهى قاعده فاضيه بره أهى

مروه: نجوى بتتكلم مع ابراهيم فى اوضة الانتريه

فاطمه رفعت حاجبها باستغراب🤨
ودى عاوزه منه ايه يختى

فاديه بهزار : تلاقيها عاوزه تجوزوا😂

فاطمه بصتلها بغيظ ورفعت حاجبها🤨
وحطت إيدها فى وسطها ومصمصيت شفايفها ..وكلمتها بدلع
تجوز مين يا حبيبتى.....ده برهومه ميقدرش يستغنى عن بطوط حبيبة قلبه
يمووووت كده لو بعد عنى يوم واحد😏

فاديه بتغيظها اكتر : اه ما انا واخده بالى بردوا
بأماره الشهر اللى فات لما بات فى دمياط
اسبوع 😂

فاطمه اتغاظت من كلامها اكتر : طب لمى نفسك بقا
يا فاديه وإدعكى الحله عدل لحسن وربنا اخرج
اقول لحماتك انك شيطتى تسبيكه المحشى
انهارده ومكانتش فوطة المطبخ زى ما قولتلها😠