يالا نصلى على الرسول وندخل ع قصتنا ع طووول😍🌹اللهم ارزقنا تقواك....واجعل عملنا فى رضاك🤲
يوميات_بيت_العيله_جيهان_سلامه
محبه_الرحمنغاده واقفه قدام المرايه بتعمل ماسك على وشها
وبتنادى على امها بصوت عااالى
يا مااماااا....ياا ماااامااام غاده داخله بتزعق فيها
اييييه فى اييييه......جرى ايه يا بت😠
صوتك جايب لاخر الشارع... ..عاوزة ايهوشهقت لما شافتها وضربت كفها عل صدرها😳
ينيلك........انتى يا بت خلصتى الخيار اللى كنت شايله للسلاطه على وشك.......منك لله
روحى يا شيخه😠غاده بنرفزه: خيار ايه بس دلوقتى
انا كان معايا ١٥٠ جنيه كنت شايلهم فى رف دولابى تحت الهدوم......راحوا فييييين بقااااا😠ام غاده بخبث : ايه ده....هما بتوعك
غاده بغيظ: لااااء... بتوع الجيران
يعنى فى اوضتى وفى دولابى يبقوا بتوع مينام غاده بخبث: اممم.......اصلى افتكرتهم بتوعى
ونسيت وحطتهم عندك😒غاده بنرفزه: يا شيييييخه......وهتحطيهم فى دولابى ليه بقااا ان شاء الله
على العموم ماااااااشى .......هاتيهم بقا😠ام غاده: اجيب ايه 😒
غاده بنرفزه: ايه هو اللى اجيب ايه....تجيبى الفلوس 🤨
ام غاده: هديهوملك طبعا.....يعنى هاكلهم عليكى
بس اصبرى بقا عليا لأول الشهر اكون قبضت المعاش😒غاده: نااااااعم.......ليه.....هما راحو فين 😠
ام غاده: هيكونوا راحوا فين يعنى غير عليكو
اصل بتاع النور جه الصبح ومكنش معايا فلوس
ولقتهم فى الدولاب وانا بحطلك الهدوم بتاعتكغاده بعصبيه : حرام عليكى يا شيخه ..ده انا كنت
هروح الكوافير بيهم ...بقولك ايه .....اتصرفى
وشوفيلى فلوس دلوقتى من تحت الارض.....مليش فيه😠ام غاده بزعل: طب اعمل ايه بس .اجبلكوا منين
المعاش بخدوا من هنا وبيتصرف كله على البيت
و على اخواتك ....ومش كده وبس ...لاااااااء
بجباروتك بتاخدى منى كمان 😠
واسمك قال ايه بتشتغلى..... ده مش بشوف منك جنيه واحد تساعدينى بيه
ده انا بستخسر اجيب لنفسى حاجه نفسى فيها اقول انتو أولى....وياريتنا عايشين زى الناس
وانتى مبقاش هاين عليكى تدفعى وتساعدى معايا
فى البيت... وكله رايح على لبسك...والاحمر
والاخضر اللى دهنه بيهم وشك على طول😠غاده: لبس ايه ده بس اللى بتتكلمى عنه
خلينى ساكته احسن
ده انا بنزل الوكاله وافضل الف و ادور على حاجات عدله ورخيصه عشان اقدر اوفر فلوس المواصلات لاخر الشهر.......اسكتى يامه اسكتى
لحسن انا على اخرى وربنا... ونفسى اعيش بقا زى الناس النضيفه😠
أنت تقرأ
يوميات بيت العيله
Misteri / Thrillerتدور احداث بيت العيله فى جو عائلي مليان بالأحداث الواقعيه اللى موجوده بالفعل فى حياتنا وخصوصا اللى عايشين فى بيت عيله واتمنى اكون وفقت فى كتابتها ولمست كثير من الواقع