يوميات بيت العيله

الحلقه ال٣٢

السلام عليكم اخواتى واحبتى 😍موعدنا مع قصتنا اليوميه☺ويالا نصلى على الرسول وندخل ع قصتنا ع طووول😍🌹

#يوميات_بيت_العيله_جيهان_سلامه
#محبه_الرحمن

اللهم ارزقنا تقواك واجعل عملنا رضاك🤲

الحلقه ال ٣٢🌹

ام غاده دخلت على بنتها وهى بتلبس

ها يا بت يا غااااده......لبستى ولا لسه

غاده: لبست وهنزل حالا اهو

ام غاده: طب إستنى....خدى حطى من الروج ده ..هيبقى حلو عليكى اوى

غاده بقرف : ايه القرف ده ...ده لونه بلدى اوى
حد يحط روج برتقانى بردوا😠

ام غاده عوجت بؤئها😏
بلدي.........بلدى ايه ام بلدى
ده انا لما كنت بحطه لابوكى كان يقولى حلو عليكى اوى يا بت يا سنيه😁

غاده😳: لاء لاء لاء.. ..بقولك ايه
بلاش اسمك ده حد يعرفه.....انتى إسمك..مدام سوسو
لكن سنيه ده ...اوعى يطلع منك قدامهم

ام غاده بغيظ:ليه يختى .....ده حتى امه اسمها
اعتشماد.....ده اسم سنيه رقيق عنه كمان

غاده: رقيق ولا مش رقيق ....ميتقالش قدامهم وخلاص

ام غاده اتنرفزت عليها: بت ..بقولك اييييه
بلاها الجوازه دى من اصله
ناقص كمان تتبري منى انا واخواتك عشان
تعجبيه هو واهله

غاده : يا ماما افهمينى بس.. انا مش قصدى اللى جه فى دماغك ده
انا عاوزة اخلى صورتنا حلوة قدامها وقدام امه بالذات
اصل الست دى اهم حاجه عندها العيله والاصل

ام غاده: واحنا مالنا يا عين امك ...ما احنا
من عيله بردوا

غاده: اه من عيله .....بس على قد حالها
اومال هى ماكنتش بتحب صابرين ليه
ما هو علشان مش من عيله كبيره وكانوا
بردوا على قد حالهم زينا كده

ام غاده: اممممم.......قولتييييلى

غاده :علشان كده قولتلها إننا اغنيا اوى وعنينا مليانه

ام غاده: طب افردى بقا اتجوزتيه...هتعملى ايه
لو عرف اصلك وفصلك

غاده: بس قولى انتى يااارب ... وبإذن الله مش هيعرف حاجه

ام غاده: يااارب يختى
طب ما هما لازم يجوا يخطبوكى... وهيجوا بيتنا ويشوفوا العفش المخلع والبياض الواقع والفرش العره بتاعنا ده....هتعملى ايه ساعتها يا حلوه 🤨

غاده: لااااااء...انا فى دماغى تكتيك تانى خالص
بس اوقعه هو وامه الاول....واقولك نعمل ايه ساعتها

ام غاده: وقعيه هو ....لكن امه خلاص يا حبيبتى وقعت من زمان......😂

غاده: هيحصل😉....وانهارده....وهتشوفى
بس انتى ادعيلى