السلام عليكم اخواتى واحبتى 😍 موعدنا مع قصتنا اليوميه
ويالا نصلى ع الرسول 💟
وندخل ع قصتنا ع طووول😊
اولا بشكر زوجى الحبيب💗 على الفقره
القانونيه اللى ساعدنى فيها 💕ماهو حقوق بقاا😎
الحلقه ٤٢ 🌹
اعتماد: فى ايه ياولااااد..حد يرد و يطمنى
الستات جريو و بصوا من البلكونه والشباك
😳😳😳
عدلى واقف خايف وبيحاول يكون طبيعى
ابراهيم نزل وفتح البوابه بسرعه واخواته وراه
ابراهيم بقلق:ايوه يا حضرت الظابط...فى ايه
الظابط : مين فيكم المدعو عصام عبد العالى الحفناوى
كلهم بصوا لبعض.......عصاااااام 😳😳😳😳
عدلى: ده جوز اختى يا باشا ...بس هو مش موجود دلوقت
طارق: ليه ...هو عمل ايه يا باشا
الظابط: عليه حكم بتلات سنين سجن فى اصدار شيكات بدون رصيد بقيمه ١٠٠ الف جنيه
وتحرياتنا بتقول ..انه مقيم فى العنوان ده
عاطف: ااه هو العنوان.......ابراهيم مسك دراعه
بمعنى اسكت🤫
ابراهيم : لاء يا باشا ده كان ساكن هنا
بس دلوقتى طلق اختنا من زمان ومشي
الظابط: طب متعرفوش اى عنوان تانى ليه
طارق: للاسف منعرفش
ابراهيم : بس احنا ممكن ناخد اسامى وعناوين اصحاب الشيكات ونتصرف احنا لو مظهرش
هو بردوا كان واحد مننا وعياله عيالنا ومش
عاوزين فضايح
احنا ناس لينا سمعتنا بردوا يا باشا
الظابط: خلاص تمام
ممكن اى حد يروح المحكمه ويطلع على ملف القضيه وياخد اسامى وعناوين الناس اللى رفعوا عليه القواضى
والافضل توكلوا محامى يعمله معارضه فى الحكم لوقف التنفيذ لحين سداد الدين علشان مش كل شويه تلاقونا عندكوا ....مفهوم
ابراهيم: تمام يا باشا.....وبص لاخوه😒
عدلى ..اطلع البس انت وشوف الموضوع ده
مع المحامى ..خلينا نخلص
عدلى : ماشى يا خويا ...وطلع بسرعه يلبس
وبلع ريقه بارتياح.....الحمد لله
الحاجه شافته طالع بيجرى نادت عليه
عدلى ...فى ايه يا بنى .....طمن قلبى
عدلى: مفيش حاجه يا حاجه اطمنى .....فاديه تعالى اطلعى معايا اغير هدومى عشان اروح للمحامى واشوف موضوع المحكمه ده ايه
الحاجه بخضه وصوات😲ضربت كفها على صدرها
يالهووووى ....محكمه.......محكمه ايه
عملت ايه يا واااااااد 😳
عدلى: يا ستى اهدى معملتش حاجه وربنا
ده جوز بنتك يختى حبيب حماته.😏وسابها وطلع
وطلعوا الرجاله .....وعلى وشهم الهم والغم😡😠
أنت تقرأ
يوميات بيت العيله
Misteri / Thrillerتدور احداث بيت العيله فى جو عائلي مليان بالأحداث الواقعيه اللى موجوده بالفعل فى حياتنا وخصوصا اللى عايشين فى بيت عيله واتمنى اكون وفقت فى كتابتها ولمست كثير من الواقع
