السلام عليكم اخواتى واحبتى 😍موعدنا مع قصتنا اليوميه☺
ويالا نصلى على الرسول🤗 وندخل ع قصتنا ع طووول😍💗
#يوميات_بيت_العيله_جيهان_سلامه
#محبه_الرحمن
الحلقه الثامنه🌹
ام صابرين قلقت من نومها على خبط على الباب
ايه ده...مين اللى هيجيلى دلوقتى
الموبيل كان على التربيزه جنب السرير.....مسكته وبصيت فيه واستغربت......دى الساعه لسه ٨
يا ترى مين هيجيلى دلوقتى ....لتكون صابرين
حماتها اتخنقت معهاا😯 يا حبيبتى يا بنتى..
وقامت تجرى وهى مرعوبه وخرجت تفتح
و بصيت من العين السحريه لاقتها ام احمد واتنهدت بإرتياح .. وحطيت ايديها على صدرها
الحمد لله ...وفتحت الباب
ام احمد: يا خراااشى عليكى ...كل ده نووووم
ام صابرين: صباح الخير يا ام احمد ..تعالى ادخلى
ودخلت قعدت على الكنبه وفتحت الشباك
يختى نورى الدنيا كده بدل الضلمه دى😠
ايه يختى ...كنتى فى غيبوبه ولا ايه
خضيتينى عليكى تانى ...لاء بقولك اييييه
انا لسه ولادى صغيرين وعاوزه اربيهم مش
حمل خضه تانى كل شويه منك
ام صابرين:بعد الشر عليكى... ربنا يخليكى ليهم😊
اصلى مكنتش عارفه انام وفضلت قلقانه طول الليل لبعد الفجر
ويدوب صليت ونمت بعدها على طول
ام احمد : يا بختك ...نايمه ومرايحه دماغك
ومفيش ماما عاوز اكل .. ماما عاوزه اشرب
فين الاكل يا وليه😠
ده انا لو منك كنت خدتها نوم ليل ونهار متواصل
ام صابرين: متهيألك.ولله...دى الوحده وحشه اوى
ربنا يخليهم ودايما منورين البيت يارب هما وابوهم
ام احمد : امين يارب ...يختى الكلام خدنا و نسيت اسألك على عروستنا الحلوة اخبارها ايه
ام صابرين: بخير الحمد لله.. ..عقبال ولادك
ام احمد: امين يارب
ام صابرين:وانتى ايه اللى منزلك بدرى اوى كده
ام احمد: اصله يختى جوزى عازم واحد صاحبه على الغدا انهارده .هيجيبوا وهو جاى من الشغل
فقولت لنفسى اخلص حاجتى بدرى بدرى كده
واروح السوق اجيب الحاجه اللى هتطبخها بالمره واخلص
وقولت اعدى عليكى لتكونى عاوزة حاجه من
السوق اجيبهالك وانا جايه
ام صابرين: منحرمش منك ابدا يختى
بس انا عندى حاجتى كلها الحمد لله...
انتى اللى مش عاوزة منى حاجه .. اى مساعده
قولى متكسفيش احنا اخواتك
هو انا انسى بردوا وقفتكم جنبى انتى وام صباح وام محمود وام ازهار يوم فرح البت
ده انتو ونعمه الجيره والله... واحسن من الاهل
ام احمد: يووووو ...يختى متقوليش كده احنا اخوات
وبصيت ليها وضحكت ...😁
طب بصى .. لو مفيهاش رزاله يعنى تعمليلى صنيه الفته بتاعتك الطعمه دى اللى عملتيها يوم حنه صابرين😁
والبتنجان المخلل اللى محدش بيعرف يظبط تتبيلته الا انتى 😁
وانا هعمل باقى الاكل...اصله يختى قالى
شرفينى قدام زميلى واعمليلوا اكله هو بيحبها اوى ونفسه فيها
أنت تقرأ
يوميات بيت العيله
Mystery / Thrillerتدور احداث بيت العيله فى جو عائلي مليان بالأحداث الواقعيه اللى موجوده بالفعل فى حياتنا وخصوصا اللى عايشين فى بيت عيله واتمنى اكون وفقت فى كتابتها ولمست كثير من الواقع
