يوميات بيت العيله

الحلقه الثالثه

السلام عليكم اخواتى واحبتى 💗موعدنا مع قصتنا اليوميه ☺ويالا نصلى ع الرسول وندخل ع قصتنا ع طوووووول💗🌹
اللهم وفقنى لما تحب وترضى🤲

#يوميات_بيت_العيله_جيهان_سلامه
#محبه_الرحمن

الحلقه الثالثه🌹

نجوى فتحت باب الشقه ...

بسم الله........الله اكبر  ✋
إدخلى برجلك اليمين يا عروسه  عشان تبقى دخلت الهنا والفرح يارب 😁

الكل: لولولولولولوى ... لولولولولولوى

مروه: يجعلها يارب قدم السعد عليكم  يا حبيبتى

دخلت صابرين وهى فرحانه.... 😊
اللَّهُمَّ إِنِّي أَسْأَلُكَ خَيْرَ الْمَوْلَجِ وَخَيْرَ الْمَخْرَجِ، بِسْمِ اللَّهِ وَلَجْنَا، وَبِسْمِ اللَّهِ خَرَجْنَا، وَعَلَى اللَّهِ رَبِّنَا تَوَكَّلْنَا.

فاطمه:بخوف... بت يا فاديه......الحقى يا بت😳
دى شكلها بتحضر أرواح دى ولا إيه

فاديه: بسم الله الرحمن الرحيم ...إستنى يا بت يا فاطمه كده أما  أسألها

إلا قوليلى يختى هو  إنتى قولتى إيه  وإنتى داخله دلوقتى

صابرين: ده دعاء دخول المنزل

الرسول صل الله عليه وسلم وصانا نقوله لما ندخل البيت

الكل: عليه الصلاة والسلام

نجوى :طب إبقى علمهولى ينوبك فيا  ثواب 😁

مروه: وانا كمان  يا صابرين😊

صابرين: حاضر من عنيه ☺️

نجوى:يحضرلك الخير يا غاليه .... إدخلى بقا  إتفرجى على شقتك وسمى بالله

وفتحت نجوى ومروه  نجف الشقه كله

مروه: هاا.... إيه رايك بقااااا 😁

صابرين  بفرحه.....ماشاء الله لا قوة إلا بالله
الشقه جميله أوى اللهم بارك😊

نجوى: تتهنوا فيها يارب ...تعالى بقا  أفرحك
على أوضه النوم....دى  هتعجبك أوى
أنا فرشتها فى الاوضه دى عشان بحرى وهواها
يرد الروح  

وفتحت النجف ..هااااا .... إيه رأيك بقااا😁

صابرين:بفرحه أول ما شفتها .....الله.....بجد تسلم إيدك
ده  إنتى فرشتيها  حلو  أوى يا نوجا 😁

فاديه:قصدك تسلم إيدنا كلنا....ما إحنا طلع عينينا في فرشها  إحنا كمان🤨مش نوجا  لوحدها يعنى

صابرين بإحراج: ااه طبعا ...تسلم إيدكوا كلكم
ربنا يباركلكم فى صحتكم

والله أنا قولت لعاطف أجى أنا وماما نفرش معاكم الشقه.... قالى  أختى و مرتات إخواتى  هيعملوا كل
حاجه وهيقوموا بالواجب وزياده ....وشوفى انغتى اللى وراكى وخلصيه