يالا نصلى على الرسول وندخل ع قصتنا طووول😍🌹
اللهم ارزقنا تقواك....واجعل عملنا فى رضاك🤲
#يوميات_بيت_العيله_جيهان_سلامه
#محبه_الرحمن
الحلقه ال ٣٦ 🌹
نجوى: وطوا صوتكوا يا عيال ابوكوا ناايم
ولموا اللعب دى ..بهدلتوا الدنيا وانا لسه منضفه
عصام قام من النوم وبصعوبه وبصوت متقطع
ن...ن...نجو...ااااا...ي..ااا..نج...وااا
نجوى زى ما تكون سمعت صوته ...واستغربت
ودخلت الاوضه لقيته صاحى و بينادى عليها
عصام: نااا..جوااا
نجوى بفرحه ....عصااام.......عصااام يا حبيبى انت نطقت☺️
وقربت منه وحضنته وفضلت تعيط من الفرحه
الحمد لله ....الف بركه يا حبيبى😭
وحشنى صوتك اوى......وفضلت تبوس ايده وراسه
عصام: سا...سام......حينى ...يا نا....جواااا😞
نجوى: يا حبيبى اسامحك على ايه بس......ده انا اخدمك برموش عنيا طول عمرى
وافضل تحت رجلك كمان ولا اشتكى ولا اتعب ابدا
واسكت بقا متتعبش نفسك اكتر من كده
وبفرحه: ولا اقولك ...لاء اتكلم😁 ....واتكلم
كتييير اوى كمان ....ده انا كان نفسى اسمع صوتك اوى يا حبيبي
الف حمد وشكر ليك يارب 🤲🏼😁
اما انزل افرح امى ..دى كانت على طول بتدعيلك....هنزلها وهرجعلك على طول
ونزلت تجرى على امها🏃🏃
عصام بيكلم نفسه بندم😞
ياريتنى ما خونتك...منها لله هى السبب......منها لله
يارب سامحنى.....واسترنى ومتفضحنيش قدامها😥
نجوى بصوت عالى وفرحه نازله تجرى على السلم: يامااااه ....ياماااااااه🏃😁
الحاجه اتخضيت: وضربت كفها على صدرها
مالك يا بت فى ايه 😳 اوعى تقولى عصام مااااات
نجوى بخضه : اخس عليكى يامه بعد الشر عليه
ربنا يخليه ويباركلى فى عمره يااارب
الحاجه: اومال فى ايه ..وايه الزيطه اللى انتى عملاها دى واتتى نازله
نجوى بفرحه: عصام يامه....عصام نطق😁
الحاجه بفرحه : بجد ...يا الف بركه لولولولوى😁
الحمد والشكر ليك يااارب
اخيرا بيتنا هيدخله الفرح من تانى
خرجت فاطمه من المطبخ تجرى وهى فرحانه باللى سمعته😁
مبروك يا نوجا ...الف مليون مبروك يا حبيبتى
وحضنتها
نجوى: الله يبارك فيكى يا فاطمه
الحاجه: إإإإف......ايه ريحه الظفاره دى يا بت يا فاطنه🤧
فاطمه: اصلى كنت بنضف السمك وسمعت نجوى وهى بتقول عصام نطق خرجت جرى اباركلها😁
نجوى: تسلمى يا فاطمه ...طب انا هطلع
بقا عشان مسيبوش لوحده
أنت تقرأ
يوميات بيت العيله
Misteri / Thrillerتدور احداث بيت العيله فى جو عائلي مليان بالأحداث الواقعيه اللى موجوده بالفعل فى حياتنا وخصوصا اللى عايشين فى بيت عيله واتمنى اكون وفقت فى كتابتها ولمست كثير من الواقع
