يوميات بيت العيله

الحلقه ال ٤٠

السلام عليكم اخواتى واحبتى 😍موعدنا مع قصتنا اليوميه☺ويالا نصلى على الرسول وندخل ع قصتنا ع طووول😍🌹

اللهم ارزقنا تقواك....واجعل عملنا فى رضاك🤲

#يوميات_بيت_العيله_جيهان_سلامه
#محبه_الرحمن

الحلقه ال ٤٠ 🌹

ام غاده قاعده على الكنبه فى الصاله وحاطه
ايديها على خدها وبتفكر وشايله الهم

غاده خارجه من الاوضه وحاطه الفوطه على
كتفها وبتتمطع........شافت امها قاعده  واستغربت قعدتها ...

ايه ده ..... مالك قاعده كده ليه.. ...وقعدت جنبها

ام غاده: مالى ايه بس .....سبينى فى حالى

غاده:  حالك اللى هو ايه بقااا ....قوليلى فيكى ايه بس  بسرعه علشان متأخرش على الشغل
ولا اقولك.... اصبري بقا لما اجى بالليل وابقى احكيلى براحتك.........ولسه هتقوم 

ام غاده: شغل......هو انتى هتروحى الشغل انهارده ازاى
احنا مش هننزل نجيب الشبكه ولا ايه

غاده: طب وانا اضيع عليا اليوم ليه ...انا اخدت
نص يوم بالعافيه ..... ..وهرجع جرى اغير هدومى واظبط نفسى واروحلهم

ام غاده: تروحى لمين ....مش الوليه قالت هنتقابل فى الصاغه

غاده: لاء ...ماهو انا غيرت را ئى وهروحلهم البيت
وانزل معاه كده  😁وانا ايدى فى ايده قدام الناس كلها
وامه معنا طبعا  .....مش كد احسن بردوا

ام غاده : لو هنتكلم  عن الاحسن يبقى يجى ياخدك من هنا ....دى الاصول😏

غاده: لاء عادى ....هنا او هناك مش هتفرق معايا
المهم....... إبقى إكوي الطرحه النبيتى عقبال ما
اجى.... علشان  البس وانزل  على طول
مش هيبقى فى وقت .....بس اوعى تتسى

ام غاده: بزعل: طب وانا ...مش هاجى معاكوا😔

غاده: لاء مش هينفع ...اصلى فكرت فيها
وبصراحه لقيتها زحمه على الفاضى ..وكمان
انتى و اخواتى معندكوش لبس عدل غير اللى روحنا به الفرح
يقولوا  علينا  ايه لما تروحوا به تانى.. شحاتين

ام غاده بزعل ونفس مكسوره: اه صح.عندك حق

غاده: شوفتى 😁....طب يالا بقا شوفيلى معاكى
١٥٠ جنيه بدل اللى خدتيهم منى امبارح

ام غاده: اتضايقت منها وزعقت فيها😡
انتى ايه يا بت....معندكيش دم كده خالص
هتحسى بيا انا واخواتك امتى وتبطلى انانيه
بقولك معييش.....معيييييش

غاده: انا انانيه.........ماشى الله يسامحك

ام غاده:لاااااء ..مفتكرش ان ربنا هيسمحنى
علشان معرفتيش اربيكى كويس😠

غاده: الله.......هو فى ايه بس يا ماما على الصبح

ام غاده: فى انك ورطتينا فى الخطوبه  😠