يالا نصلى على الرسول وندخل ع قصتنا ع طووول😍🌹
#يوميات_بيت_العيله_جيهان_سلامه
#محبه_الرحمن
الحلقه ال ١٨ 🌹
صابرين: طب وفيها ايه بس يا ماما
ام صابرين: ايه اللى فيها ايه دى ...لاء طبعا
عاطف:بس انا شايف يا حماتي انه انسان كويس وصريح معاكى من الاول... وحكالك على كل حاجه
انا من رأيي تفكرى
ام صابرين: لاء طبعا افكر ايه ...بقولكوا ايه
متوجعوش دماغى بقاااا....هو انتو مش كنتوا مسافرين.......يالا بقا علشان متتأخروش
صابرين:استنى بس يا ماما..... لو عامله علشانى
انا يا ستى والله العظيم موافقه وفرحانه كمان
على الاقل هكون مطمنه عليكى
متتخيليش يا ماما بقلق عليكى اد ايه وانتى
قاعده لوحدك وبخاف عليكى اوى
ام صابرين: يعنى عفريت هيطلعلى وياكلنى يا صابرين
وخلاص بقا ...متشغلوش دماغكوا بيا......ويالا بالسلامه سافروا وانبسطوا انتو..وبعدين نبقى نتكلم
عاطف: طب لو عاوزانى اسالك عليه....اااا....قاطعته
ام صابرين
تسأل على مين....وليه 😠
الموضوع ده خلاااص انا شيلته من دماغى
صابرين: يا ماما بالله عليكى فكرى تانى....وانا عن نفسى موافقه ...طب بصى
متفتحيش اى سيره مع طنط ام احمد لحد ما نجى من السفر ونتكلم تانى ... ...ماشى
ام صابرين بصيتلها...وسكتت 😞
صابرين: هااا........ماااااشى 🤔
عاطف: غمز لصابرين وضحك..السكوت علامه
الرضا 😁مش كده بردوا يا حماتى
ام صابرين: اتحرجت ...يالا يا واد انت وهى
سافروا بالسلامه ...ربنا يحفظكم
صابرين: ماشى يا عروسه 😂😂
ام صابرين: بس يا بت عيب كده😠
عاطف:. طب خلاص متزعليش 😀 نشوفك بخير
سلامو عليكم
وحضنت صابرين امها .....استودعك الله يا حبيبتى
وسلمت عليهم وودعتهم وقفلت الباب
وجريت على الشباك تبص عليهم ...وشاوروا لبعض وفضلت تدعيلهم بالسعاده والحفظ من الله من اى سوء لحد مامشيوا.......ومسكت تليفونها واتصلت
سلامو عليكو.... ازيك يا ام احمد
كنت عاوزاكى ضرورى
لاء دلوقتى مش هينفع ..الوقت اتأخر
خلاص بكره باذن الله اعدى عليكى بعد الضهر
ماشى يا حبيبتى مع السلامه
بقولك إيه صحيح...
مش موضوع السبوع بتاع صابرين اتحل الحمد لله من عند ربنا وعرفت هقول ايه للجيران 🙂
***********************************
محاسن بدلع: لاء يا حبيبى ....مش هينفع
طارق: ليه بس ...ده هما ربع ساعه بالكتير اشوفك فيهم......اصلى انا مش فاكرك خالص بصراحه
أنت تقرأ
يوميات بيت العيله
Mystery / Thrillerتدور احداث بيت العيله فى جو عائلي مليان بالأحداث الواقعيه اللى موجوده بالفعل فى حياتنا وخصوصا اللى عايشين فى بيت عيله واتمنى اكون وفقت فى كتابتها ولمست كثير من الواقع
