السلام عليكم اخواتى واحبتى 😍موعدنا مع قصتنا اليوميه☺ويالا نصلى على الرسول وندخل ع قصتنا ع طووول😍🌹
#يوميات_بيت_العيله_جيهان_سلامه
#محبه_الرحمن
عاطف بنرفزه : ما خلاص بقي يا صابرين كفايه عياط .......انا زهقت 😠
صابرين: بعياط وخلاص جابت اخرها منهم واتكلمت بنرفزه 😭
خلااااص...........خلاص ايه 😭
حرام عليكم بقا....اقسم بالله انا تعبت 😭
ده انا لسه عروسه مكملتش اسبوع في بيتكم
والدموع مبقتش تفارق عينى من اول يوم دخلت فيه هنا 😭
بحاول اراضى الكل وبردوا مفيش فايده
باجى على نفسى علشان خاطرك وببلع اى كلمه
بتوجعنى .. وبردوا مفيش فايده 😭
لكن لحد كرامة امى.......... لاااااااء 😠لاء يا عاطف
كفايه بقا...... ولازم نشوف حل للوضع ده 😭
وبقولهالك تانى .... الا امى يا عاطف.. الا امى 😭
عاطف بنرفزة.... طب وهو حصل ايه لامك يعنى 😠
ما امى قبلتها كويس وامك هى اللى مشيت ع طول
صابرين بصيت لعاطف باستغراب واتغاظت من كلامه 😠 امك ايه......اومال لو مكونتش قاعد وشايف كل اللى حصل قدام عينك والاحراج اللى اتحرجته امي بسبب امك وكلامها اللى مفيهوش ريحه الذوووق معها 😭
عاطف بزعيق... طب خلى بالك من كلامك يا صابرين... واحترمى نفسك 😠واوعى تفكرى تغلطى فى امى تانى ...انا بقولك اهو 😠وبطلى قلة ادب
صابرين بصدمه من كلامه🥺
انا قليلة الادب يا عاطف......الله يسامحك 😭
ما هو صحيح.... اللى يقول الحق عندكم يبقى قليل الادب
وفضلت تبصله بحزن وتهز راسهااا🥺بجد انا مش مصدقاك
انت عاطف اللى لسه كنت بتوعدنى بأيام حلوة جايه كلها سعاده 🥺
ده انا قولت انت اللى هتعوضنى عن حضن وحنان ابويا اللى ملحقتش حتى انطق اسمه🥺
يا خساره يا عاطف ....يا خساره 😞
عاطف بنرفزه 😠 يووووو بقا....... انا قرفت من النكد اللى بقا مكرر علينا كل يوم ده... دى كانت جوازه سوده على رأى امى .ياريتنى ما اتجوزت من اساسه 😠
صابرين اتصدمت من كلامه وصعبت عليها نفسها 🥺
ياااا....لدرجاتى ندمان على جوازك منى.....خلاص احنا فيها ...وكل واحد يروح لحاله 🥺
عاطف اتفاجأ بردهااا....وقرب منها .وفضل باصص ليها بغيظ.... وشاور بصباعه☝️
انا مش هرد عليكى دلوقتى ...علشان لو رديت
قسما بالله هتزعلى منى اوى يا صابرين 😠
وهتشوفى الوش التانى اللى هتكرهينى لو شفتيه منى 😠وسابها وخرج ورزع الباب وراه
صابرين صعب عليها نفسها من عاطف وحسيت انها اتصدمت فيه ورميت نفسها على السرير وفضلت تعيط 😭 ياريتنى ما اتجوزت وفضلت فى حضنك يا امى 😭
****************************
الحاجه اعتماد: ميييين....مين اللى ناازل
عاطف دخل وباين على وشه الزعل: انا يا حاجه
أنت تقرأ
يوميات بيت العيله
Mystery / Thrillerتدور احداث بيت العيله فى جو عائلي مليان بالأحداث الواقعيه اللى موجوده بالفعل فى حياتنا وخصوصا اللى عايشين فى بيت عيله واتمنى اكون وفقت فى كتابتها ولمست كثير من الواقع
