السلام عليكم اخواتى واحبتى 😍موعدنا مع قصتنا اليوميه☺ويالا نصلى على الرسول وندخل ع قصتنا ع طووول😍🌹
اللهم ارزقنا تقواك....واجعل عملنا فى رضاك🤲
#يوميات_بيت_العيله_جيهان_سلامه
#محبه_الرحمن
الحلقه ال ٤٣🌹
عدلى واقف وبيكلم امه بعصبيه وزعيق:
يعنى بالعقل كده ...هتاخودها تعمل بيها ايه 😠
ما عندها بدل الواحده اربعه وانا ولله الحمد
مش مخلى مراتى محتاجه حاجه 😠
وغير كده كمااان ....جايه من بيت شبعان
واهلها عنيهم مليانه ...وعايشه معاكى بقالها
سنين ....كان فى حاجه نقصت منك قبل كده😠
ابراهيم : اهدى بس يا عدلى واقعد كده
ووحد الله يا راجل
عدلى بزعيق : اقعد ايه انت كمان ...ماهو كله من تحت راس ابنك ربنا ياخدوه😠
ابراهيم بعصبيه: بعد الشر على الوااد....وبعدين
انت بتعلى صوتك عليا ولا ايه يا عدلى😡
طارق: بس يا جماعه ...اهدوا شويه مش كده
وصلوا على النبى ...انتو هتتخانقوا مع بعض ولا ايه
عدلى: عليه الصلاه والسلام
ما كله من زفت الطين ابنه اللى مترباش 😠
ابراهيم بعصبيه: طب لم لسانك واتكلم عدل😡
عاطف مسك عدلى من دراعه
تعالى يا عدلى معايا جوه ...لحد ما تروق
عدلى : اوعى انت راخر....لا جوه ولا بره😡
وبص لامه وشاورلها👈واعملى حسابك ...بيتك ده مش هدخله تانى
لا انا ولا مراتى ولا عيالى ..ماشى😠
الحاجه قاعده مربعه رجلها على الكنبه
وحاطه ايديها على خدها ورافعها حاجبها
و بتتفرج على خناقهم🤨
طارق بنرفزه: ما تهدا بقى يا عم انت واقعد بقا
عاوزين نتكلم براحه شويه ونفهم ايه اللى حصل
اجرى يا عاطف نادى لفاديه من فوق خليها تنزل
عدلى بزعيق: لاااااء ...انا قولتها كلمه
مش هتنزل هنا تانى 😡
الحاجه بزعيق: ما فى ستين داهيه يا خويا
ولا انا عاوزه اشوف سحنتها السوووده عندى هنا تانى.... بنت الحراميه دى😡
عدلى بنرفزه بص لطارق: شوووفت امك بتقول ايه
ابراهيم: ميصحش يامه كده ...احنا لسه متاكدناش
اطلع يا عاطف هاتلى الواد مودى من فوق
الحاجه: لييييه ...انتو عاوزبن ايه من الواد
هتخضوه كده حرام عليكو
ابراهيم: يا ستى متخافيش.... هسأله بس واشوف حصل ايه
عدلى بنرفزه: يعنى خايفه على الواد اللى داير
يخرب فى كل بيت شويه
واللى بتخدمك بعنيها .....ولا فارقه معاكى 😡
أنت تقرأ
يوميات بيت العيله
Mystery / Thrillerتدور احداث بيت العيله فى جو عائلي مليان بالأحداث الواقعيه اللى موجوده بالفعل فى حياتنا وخصوصا اللى عايشين فى بيت عيله واتمنى اكون وفقت فى كتابتها ولمست كثير من الواقع
