السلام عليكم اخواتى واحبتى 😍موعدنا مع قصتنا اليوميه☺ويالا نصلى على الرسول وندخل ع قصتنا ع طووول😍🌹
#يوميات_بيت_العيله_جيهان_سلامه
#محبه_الرحمن
الحلقه السادسه🌹
تليفون ام صابرين رن برقم غريب اول مره تشوفه
ام صابرين استغربت.. وخافت لتكون حماة بنتها بتتصل تشتكى من صابرين
ام صابرين: استر يارب ..... ورديت وهى خايفه
ام صابرين : السلام عليكم
المتصل : عليكم السلام
ام صابرين استغربت الصوت......هو مين حضرتك
المتصل : حضرتك الست ام صابرين ..مش كده
ام صابرين بلهجه حاده: إنت مين ...وعاوز ايه
المتصل : طب براحه عليا يا ستى شويه
انا سيد العربى زميل الاستاذ راضى فى الشغل
وكنت اااا............قاطعته ام صابرين بعصبيه 😡
سيد ميين وراضى ميين....اسمع يا جدع انت لما اقولك😠
الرقم ده حسك عينك تتصل بيه تانى....لإما قسما بالله هبلغ عنك البوليس..... انت فااااااهم
المتصل: يا ستى انا والله مش بعااااا......والخط اتقفل فى وشه
ام صابرين: ايه البلاوى دى....واستغربت ....مين ده......وجاب رقمى منين
وبحيره اكتر 🤔ده كمان عارف اسمى
وفضلت قاعده محتاره وبتفكر.......يا ترى مين ده؟
**************************
فاطمه : سالخير يا نينه
الحاجه:بقلبة وش....اخيرا يختى إتفتكرى تتزلى
ونازله بعد اييييه.....بعد ما نوجا و مروه خلصوا عمايل الأكل لوحدهم
فاطمه: والله يا نينه كان عندى صداع جامد اوى
فقولت اريح شويه ...وياريتنى عرفت انام
ولا ارتاح من دوشة العيال
مروه خارجه من المطبخ: خلصت الملوخيه يا نينه
وبصت لفاطمه بلوم
اخس عليكى يا بطه...طب كنتى بعتيهم يقعدوا معايا ....ما انتى عارفه انى بحبهم اوى
فاطمه : انا قولت تكونى نايمه ولا حاجه
بس ولا يهمك يختى ابعتهوملك المره الجايه
ده انا محبب على قلبى ..اهو يريحونى شويه
من دوشتهم
الحاجه اعتماد: اتغاظت منهم هما الاتنين 😡
وانتى يا ست مروه خلاااص.. سكيتى على كده
مروه: على ايه يا نينه مش فاهمه
الحاجه : بزعيق... انتى هتعملى فيها عبيطه 😠
ناويه تكشفى امتى تانى و تشوفيلك دكتور عدل
على الاقل نعرف ناويه تحملى والواد هيشوفله حته عيل منك ...ولا هيفضل كده يا حبة عين امه محروم من الخلفه
وانتى دايره على كل وحده شويه و بتشحتى عيالها
أنت تقرأ
يوميات بيت العيله
Mystery / Thrillerتدور احداث بيت العيله فى جو عائلي مليان بالأحداث الواقعيه اللى موجوده بالفعل فى حياتنا وخصوصا اللى عايشين فى بيت عيله واتمنى اكون وفقت فى كتابتها ولمست كثير من الواقع
