يوميات بيت العيله

الحلقه ٤٦

السلام عليكم اخواتى واحبتى 😍موعدنا مع قصتنا اليوميه☺ويالا نصلى على الرسول وندخل ع قصتنا ع طووول😍🌹

اللهم ارزقنا تقواك....واجعل عملنا فى رضاك🤲

#يوميات_بيت_العيله_جيهان_سلامه
#محبه_الرحمن

الحلقه ال  ٤٦🌹

فاطمه  واقفه عند الدولاب وبتعيط وهى بتلم هدومها فى الشنطه😭

ونجوى ماسكه الهدوم من فاطمه وبتشدها منها

يا بت متسمعيش كلامه وتمشى.. دى كلمه قالها فى ساعه غضب

فاطمه بعياط: لاء ...انا عارفه اخوكى كويس يا نوجا....وعلى العموم انا ليا بيت اهل ..مش جايه من الشارع😭

نجوى: اوعى كده هاتى الشنطه دى .وقولت مفيش خروج

فاطمه:  وانا بقولك  همشى يعنى همشى😭

مودى دخل على امه وفى ايده سندوتش حلاوه
و بياكل فيه.....ماما ....البس 🥴

نجوى بصيتله بغيظ : روح يا شيخ منك لله ....خربت الدنيا وعمال تاكل وتحش فى كرشك....ليك نفس  تااااكل بعد كل  الخراب ده بسببك😡

مودى: وانا ماااالى🥴مش هى اللى قالتلى اقول كده ....... وكمان تستاهل
دى معملتليش  الفرخه اللى قالتلى عليها
وكدبت عليا........هتروحى النار يا ماما على الكدب ده🤨

فاطمه قلعت فرده شبشب من رجلها وبكل غيظ حدفته بيها😠
غووور من وشى  يا ابو كرش يا ازوعه...منك لله يا مودى.........منك لله 😭

مودى بيغظهااا: مجاتش علياا😜
وطلع يجرى🏃‍♂️🏃‍♂️

فاطمه بغيظ: شوفتى الواااااد....هيموتنى 😡

نجوى : طب اقعدى كده واهدى وقوليلى
عملتى كده ليه فى فاديه...ده انتو طول عمركوا
حبايب مع بعض عنى انا و مروه كمان

فاطمه قعدت على السرير وبتعيط 😭
هى السبب

نجوى: هى السبب ازاى يعنى

فاطمه: بقيت تعمل حركات كده من تحت لتحت
من ساعة ما ظهرت  اللى ما تتسمى دى اللى
راحت جابتها وجوزتها لاخوكى 😡

نجوى: قطيعه...يارب تغور هى كمان زى ما غارت الملزقه من هنا......ها......وبعدين يختى كملى

فاطمه: فضلت  تقول لامك كلام حلو على فاديه
وانها بتشكر فيها وبتحبها وعملتلها البحر طحينه

نجوى ابتسمت بتريقه: وطبعا الكلام ده كله
محصلش😏

فاطمه: بصيتلها ومرضيتش تتكلم وتقولها اااه

المهم ...امك قربتها منها... والتانيه ما صدقت طبعا
وبقيت تطنش شغل البيت والاكل
وانا اللى كنت بشيل كله على دماغى..ماهو  كان
على يدك
وغير كده كمان ....بقيت تحرق الاكل  وتقول انا اللى حرقته....عشان امك متقلبش عليها تانى😭