السلام عليكم ورحمه الله اخواتى واحبتى 😍موعدنا مع قصتنا اليوميه☺
ويالا نصلى على الرسول وندخل ع قصتنا ع طووول😍🌹
#يوميات_بيت_العيله_جيهان_سلامه
#محبه_الرحمن
الحلقه ١٥ 🌹
ام صابرين: رنيت الجرس ...وكنت واخدلها معايا فضلت خيرك كام صنف خضار... على فرختين كبار
واتنين كيلو لحمه وكيلو مفروم وكيلو بوفتيك وكيلو بانيه
قولت اروحلها بيهم تحطهم فى تلاجتها بدل ما ادخل ايدى فاضيه عليهم
مع انى عارفه ان تلاجتها مليانه من كله ما شاء الله
بس قولت اجيب بردوا ...وماله
ما كله فى وش البت قدام جوزها واهله
ام احمد: وماله يختى ..واجب بردوا...عداكى العيب
هاا.... وبعدين
فلاااااااااااش بااااااللك
مودى: ميييييييين🥴
ام صابرين: انا يا حبييى ...خالتك ام صابرين
ونزلت صابرين فتحتلى الباب
صابرين: ماما حبيبتى وحشتينى اوى اوى اوى
وحضنوا بعض جامد و عيطوا من اشتياقهم
لبعض....
ام صابرين: وحشتينى يا قلب امك اوى اوى
الله... النقاب جميل عليكى اوى ما شاء الله
يا حبييه قلبى الف مبروك😊
صابرين: الله يبارك فيكى يا ماما 😊
اسكتى.....ده حصل بلاوى علشان النقاب ده
هبقى احكيلك لما نطلع.....وشافت الشنط اللى فى ايديها
ايه ده بس يا ماما... ايه اللى انتى جيباه ده كله
والله التلاجات فوق مليانه على اخرها الحمد لله
كلفتى نفسك ليه بس...وانا عارفه ظروفك
ام صابرين: دايما عندك الخير كله يا حبييتى
بس ده واجب... عشان عيب ادخل بإيدى فاضيه
وخصوصا انك لسه عروسه وفى بيت عيله
صابرين: كل ده ميهمنيش ..المهم انك جيتى
وشوفتك😁..........وحضنتها وباستها
تعالى يلا نطلع على عندى على طول اصلك وحشتنى أوى..ووحشتنى القاعده معاكى
وبعدين إبقى سلمي عليهم وانتى نازله
ام صابرين: لا يا بنتى عيب ميصحش ...ادخل اسلم الاول على حماتك وبعدين نبقى نطلع عندك ونقعد براحتنا...انا قاعده معاكى لاخر النهار
واخدت صابرين من امها الشنط وطلعوا ....
صابرين وقفت على السلم ومدخلتش لحماتها
ام صابرين: خبطت على الباب اللى كان مفتوح كالعاده.......ودخلت بإبتسامه😊
سلام عليكم يا حاجه....وقربت منها ومدت ايديها وباستها .....واعتماد قاعده و متحركتش من مكانها
الحاجه: بوش مقلوب وبقرف...اهلا يا ام صابرين
اتفضلى 😏
دخلت ام صابرين قعدت على الكرسى وسلمت على الستات كلهم
الكل: اهلا اهلا 😁....نورتى يا ام صابرين
خطوه عزيزه
الحاجه بنرفزه....😠
ما خلاص بقا وجعتوا دماغى.... يلا بقا كل وحده تطلع تشوف جوزها و حالها وبعدين انزلوا نخلص الاكل....مش فاضين للقاعده طول النهار
عاوزين نخلص بدرى.....مش عاوزه انده عليكوا
أنت تقرأ
يوميات بيت العيله
Mystery / Thrillerتدور احداث بيت العيله فى جو عائلي مليان بالأحداث الواقعيه اللى موجوده بالفعل فى حياتنا وخصوصا اللى عايشين فى بيت عيله واتمنى اكون وفقت فى كتابتها ولمست كثير من الواقع
