يوميات بيت العيله

الحلقه ال ٥٠

السلام عليكم اخواتى واحبتى 😍موعدنا مع قصتنا اليوميه☺ويالا نصلى على الرسول وندخل ع قصتنا ع طووول😍🌹

اللهم ارزقنا تقواك....واجعل عملنا فى رضاك🤲

#يوميات_بيت_العيله_جيهان_سلامه
#محبه_الرحمن

الحلقه ال ٥٠🌹

مستعدين يا قمرات للمفاجاءت اللى فى الحلقه
😉مستتيه رايكم فيها 🌹

طارق بيسمع كل الكلام  بضهره وفهم ان ده عريس مروه...وحاسس انه هيموووووت ....وفجاااءه
وبدون ما يشعر 😠 
خبط الفاترينه الازاز بإيده خبطه جاااامده  وكسر الازاز .....والكل اتفزع من الصوت..وايده اتفتحت
والدم غرق المكان

مروه اتفزعت من الصوت  وقامت وقفت
و بدون ما تشعر😮  جريت عليه............طااارق 🥺

لحظه صمت بين الجميع ......
نظرات حب واشتياق.. بين طارق ومروه 😔

نظرات استغراب بين فارس واخته🤔

نظرات غيظ من محاسن ونبيله😠

الحاج: الف سلامه عليك يا طارق باشا هات بسرعه يا كرم شاش وقطن ومطهر للباشا

محاسن بعصبيه... مسكت مروه من دراعها وشدتها شده جامده كانت هتوقعها

اااوعى يختى كده..... ابعدى عن جووووزى
عاوزة منه ايه ....مش خلااااااص  .رماكى زى الكلبه  وسابك عشانى......ايييييه 😠 عاوزة منه ايه تانى

مروه اتحرجت قدام الكل من كلام محاسن
ودموعها على خدها 😭

فارس واقف متفاجأ بكلام محاسن و حاطط ايده فى جيبه وبيسمع هو واخته الكلام ...وبيحاولوا يفهموا ايه الحكايه

نبيله مقدرتش تسكت على كلام محاسن لاختها وردت عليها بنرفزه

انتى بتقولى  ايه يا ست انتى
مين ده اللى رماها ...انتى اتجننتى فى عقلك ولا اييييه😡

محاسن حطت ايديها فى وسطها....
لاء يا حبيبتشى...متجننتش ولا حاجه...بس اسألى الحلوة  كده الاول..وبصيت لمروه ورفعت حاجبها🤨
مش كده يا حلوة ...مش هو  رماكى بردوا
واتجوزنى انا عشان اااا....وحطيت ايديها على بطنها....😏
لكن انتى بردوا مفيش فايده شغاله عليه اتصالات وعماله تشغليه وهتموتى عليه  ونفسك ترجعيله.......وهو ولا معبرك😠

مروه قاعده مصدومه من كلامها وحاسه انها بتموت  و مش عارفه ترد عليها وفضلت بتعيط 😭

فارس قرب منها....وكلامها بهدوء.....مروه
ايه الكلام اللى الست دى بتقوله. هو ده طليقك فعلا

مروه مش قادره تتكلم .... 😭

طارق اتنرفز و قام شد محاسن من ايديها....اتفضلى
قدامى يالا ..وكفايه فضايح بقا لحد كده