يوميات بيت العيله

الحلقه ٢١

السلام عليكم اخواتى واحبتى 😍موعدنا مع قصتنا اليوميه☺ويالا نصلى على الرسول وندخل ع قصتنا ع طووول😍🌹

#يوميات_بيت_العيله_جيهان_سلامه
#محبه_الرحمن

الحلقه ال ٢١ 🌹

ابراهيم :ها يا عدلى .... دفعت فلوس المستشفى وفلوس كمان تحت الحساب ليحتاجوا حاجه واحنا مش موجودين

عدلى: اه متقلقش.كله تمام.......ربنا يقومه بالسلامه

طارق:يارب..... انا خايف على نجوى اوى يا جماعه
دى حالتها صعبه اوى

ابراهيم: مش جوزها يا بنى ...واختك الشهاده لله اصيله طول عمرها

طارق: عارف طبعا......طب هو الدكتور قالك ايه

ابراهيم : قالى جلطه ...بس الحمد لله انكم لحقتوه وجبتواعلى هنا على طول
بس لسه لما يفوق هيتأكدوا انها مأثرتش على حاجه فيه

طارق: لا حول ولا قوه الا بالله.....هو اتخانق مع نجوى ولا ايه اللى حصل بالظبط

ابراهيم: وانا ايش عرفنى بس ...ما انا كنت معاك  وكلنا روحنا مع بعض

عدلى: انا وصلت الاول وسمعت صوت امك واختك بيصوتوا قلبى وقع فى رجلى و قولت باااااس
الواد عاطف عمل فى نفسه حاجه عشان مراته

طارق: فين عاطف صحيح ...هو مجاش ليه

ابراهيم: اكيد مش دريان بحاجه الله يصبره
كفايه عليه اللى هو فيه ....قلبى بيتقطع عشانه
ملحقش يفرح بنفسه زى اى عريس ولا حتى بمراته الله يرحمها

عدلى: نصيبه بقا ...ربنا يصبره...انا مش عارف
ايه اللى بيحصلنا ورا بعض ده

طارق:ربنا يسترها من عنده ..... انا هدخل اشوف نجوى واحاول اخليها تخرج تقعد  معنا شويه

دخل طارق .....شاف  نجوى نايمه تحت رجل جوزها  ودموعها على خدها 😭وعصام مش حاسس بحد
صعبت عليه اخته 😞وخرج وقفل الباب بالراحه

ابراهيم: ايه ...طمنى... خرجت بسرعه يعنى

طارق:اتنهد بحزن.... لاقتها نايمه تحت رجله ودموعها على خدها..

عدلى: اصيله ولله اختكم دى .... اومال يا خويا
معرفش مراتاتنا مطلعوش زيها كده ليه

ابراهيم: لاء...الشهاده لله فاطمه لو تعبت بتبقى
هتجنن و بتلف حوالين نفسها وبتخدمنى برموش عنيها......بس لسانها هو  اللى عاوز يتبرد شويه 😠

طارق: بحزن ...ومروه بردوا بنت اصول بصراحه
وبتتمنالى الرضا ارضى ....وبتخاف عليا و على زعلى

عدلى: اومال اشمعنى انا يا خويا   الوليه مراتى شبه
ريا وسكينه وعبدالعال وحسب الله كلهم مع بعض
ده انا لما بدخل البيت بتشاهد وبقرا المعوذتين
عشان ربنا يحفظنى منها ومن لسانهاا 😠