يوميات بيت العيله

الحلقه الاخيره

السلام عليكم اخواتى واحبتى💗💗💗

موعدنا مع الحلقه الاخيره😭

من قصتنا الحبيبه....يوميات بيت العيله💗😍

وندخل ع الحلقه  اللى يارب تعجبكم لانى كنت محتاره فى نهايتها بس بتوفيق من الله طلعت طبيعيه زى ما بيحصل فى حياتنا واتمنى ترضيكم 💗

ونقول بسم الله😁

ام صابرين مع ام احمد واقفين فى المطبخ بيعملوا الشاى

ام احمد بفرحه : طب وربنا انا ما مصدقه نفسى
..اخيرا وفقتى على الراجل اللى طلع عينه طول المده اللى فاتت دى كلها
ده انا حاسه انى بحلم......طب استنى كده وفضلت تدور حواليها على اى حاجه
وراحت فتحت المطبخ وخدت غطا حله
خدى يختى ....خدى اخبطينى بيه على راسى
يمكن اكون بحلم ولا حاجه

ام صابرين وافقه بتضحك على شكلها وكلامها
😃

ام صابرين : يا وليه اسكتى ...صوتى هيطلع بره للرجاله

ام احمد: ماشى هسكت ...بس قوليلى الاول
ازاى ده كله حصل
ده انا مكنتش مصدقه نفسى لما ابو احمد بيقولى البسى بسرعه يا ام احمد
قولت الراجل اتجنن فى عقله وهيفسحنى ولا
ايه بعد ١٦ سنه جواز

ام صابرين: 😄

ام احمد:لقيته بيقولى ...الاستاذ سيد فى بيت
ام صابرين دلوقتى وهيتفق معها على الجواز 
والست ام صابرين طلبت منه يتصل بينا الاول
ونيجى نحضر معاهم الاتفاق
مصدقتش  كلامه يختى ... وقولت الراجل باين
عليه كبر وبيخرف ولا ايه....سيد مين اللى عند ام صابرين دلوقتى
زعق فيا وقالى ....يا وليه  انتى لسه هترغى
يالا اوااام.....الراجل لوحده معها هناك ....ميصحش

ام صابرين: لاء ..مكنتش لوحدى ولا حاجه
عاطف كان هنا

ام احمد استغربت: عااااطف😳عاطف جوووز ااا
وسكتت

ام صابرين : ااه ..جوز بنتى ...الله يرحمها

ام احمد: وده ايه اللى جابه ده...مش كنا خلصنا منه

ام صابرين:بعدين هحكيلك....وشالت صنيه الشاى
تعالى بس الاول نطلع الشاى للرجاله بره لحسن يبرد

ام احمد خدت منها الصنيه ورزعتها على الرخامه
ان شاالله يبرد ولا يتلج حتى
مش هخرج من هنا  الا لما افهم الاول ايه اللى  حصل 😠

ام صابرين: هقولك بسرعه وامرى لله

وحكيتلها على حلم صابرين وزياره عاطف المفاجئه

ام احمد: يعنى تفتكرى هى دى الهديه اللى قالتلك
عليها صابرين فى الحلم

ام صابرين: انا الاول افتكرتها عاطف لما جه
وكنا لسه هننزل نروح لصابرين نزورها
الجرس رن...وخرج عاطف يشوف مين.....وسألته