يوميات بيت العيله

الحلقه ٩

السلام عليكم اخواتى واحبتى😍موعدنا مع قصتنا اليوميه 😊
ويالا نصل ع الرسول وندخل ع قصتنا ع طووول💗💗

#يوميات_بيت_العيله_جيهان_سلامه
#محبه_الرحمن

الحلقه التاسعه🌹

عاطف مصدوم من صوت امه والكل مش فاهم حاجه وفضلو يبصوا لبعض بإستغراب 🤔😳🤔
ويبصوا لعاطف (بمعنى ) هو فى ايه

عاطف  مصدوم....... فى ايه بس يا حاجه
حصل ايه لكل ده😠

الحاجه بزعيق : فى اللى فى يا اخوياااا
ما انت خلااااص بقيت تحت طوعها بنت الشوارع اللى جبتهالنا دى... ولا نعرف اصلها ولا فصلهاااا

ابراهيم:لا حول ولا قوة الا بالله
ما تصلى ع النبى كده يا حاجه واهدى وقوللنا حصل ايه بس

عاطف بزعل:انا جايب بردوا  وحده من الشارع
الله يسامحك يامه ..اصلك معشرتهاش😔

الحاجه بعصبيه وزعيق : ولا عاوزة اعاشرهاااا من اصله يا حبيبي 😠
اللى تقوى قلبى ابنى عليا ويسمع كلامها ويقولها امييييين
تبقى متلزمنيش  يا حبيبى عشرتها ....بناقص يا خويا .....كفايه عليا مرتات اخواتك
ولا عمرى سمعت منهم كلمه وحشه عليا
واللى اقوله بيمشى على الكبير والصغير
وكلمة حاضر يا نينه على طول فى بؤئهم
عارف ليه....عشان انا  اللى نقتهم لاخواتك على الفرازه😠
وولاد ناس من بيت له اصل وفصل  مش ااااااا .....
ولا بلاش لحسن كلامى بيزعلك على النحنوحه بتاعتك😡

نجوى :قربت منها وطبطبت على كتفها
طب  اهدى كده... وقوللنا حصل ايه منها زعلاك اوى كده علشان نفهم  بس

طارق شد عاطف وقعدوا ..تعالى يا عاطف اقعد وقولى حصل ايه .....مراتك قالتلك ايه وفهمنا انت

عاطف بنرفزه:  مش لما افهم انا الاول فى ايه
   وبص لامه ودمه بيغلى...طب  قولى عملتلك ايه
و انا اقسم بالله لو غلطت فيكى هجبلك حقك

عدلى : استهدى بالله كده يا حاجه واحكلنا
حصل ايه .....اعمللها لمون يا فاديه

الحاجه: ولا لمون ولا غيره انا لسه مفطرتش
عاوز تهبطنى انت كمان ولا ايه😠

عدلى: بلاش يا ستى حقك على دماغ اللى جابونى
بس احكى بقا وخلاصينا

الحاجه  بصعبانيه فى الكلام  وبعياط مصطنع 🥺
وطلعت منديل من جيبها و بتمسح عنيها

ابدا....قعده فى حالى لا بيا ولا عليا بستغفر ربنا وبدعيلكم.. يسعدكم يا ولادى

سمعت صوت رجل نازله ...استغربت من صحى بدرى كده دلوقتى
لقيتها هى اللى نازلة...... بقولها من غير سلام ولا كلااام كده...طب حتى قولى صباح الخير
ده الصباح لله
مردتيتش عليا.....قولت يمكن مسمعتش
قولت اسألها لتكون عاوزة  حاجه
ادخل اجيبهالها من عندى  بدل ماتنزل وتتعب نفسها