السلام عليكم اخواتى واحبتى 😍موعدنا مع قصتنا اليوميه☺ويالا نصلى على الرسول وندخل ع قصتنا ع طووول😍🌹#يوميات_بيت_العيله_جيهان_سلامه
#محبه_الرحمنالحلقه الخامسه🌹
صابرين : حبيبتى يا ماما ..عامله ايه وحشتينى اووووى
ام صابرين بفرحه😊
انتى اكتر يا حبيبتى صباحيه مباركه يا عروسه
انا مرضيتش اتصل بيكى من بدرى واقلقك
قولت اتصل بيكى بالليل احسن
طمنينى عليكى يا نور عيني.... وعاطف عامل ايه معاكىصابرين: انا الحمد لله بخير ...وعاطف ده هديه
ربنا ليا بجد يا امى..ودعوتك الحلوة اللى كنتى دايما بتدعيهالى
ولو كان هنا كان كلمك وسلم عليكى بس هو نزل
يصلى العشاء وزمانه جاىام صابرين: تقبل الله يا حبيبتى ...عاطف ابن حلال وغلاوته من غلاوتك بالظبط....ابقى سلميلى عليه انتى بقا
صابرين: حاضر😊
المهم بقا طمنينى عليكى ...نمتى امبارح كويس
انا كنت قلقانه عليكى اوى وانتى نايمه لوحدكام صابرين :لاء يا حبيبتى متقلقيش عليا
بس البيت من غيرك ضلمه اوى يا صابرين
وملوش حس
بس يالا بقا هنعمل ايه ....المهم انتى تكونى مبسوطهصابرين : اه يا حبيبتى الحمد لله مبسوطه اوى
ام صابرين:طب طمنينى ..حماتك عامله معاكى ايه....وسلايفك طلعولك الصبحصابرين اتنهدت بحزن ...لاء😔
ام صابرين: ومالك بتقوليها كده ليه بزعل
هو حصل حاجه ولا ايه ......صابرين:😔
أم صابرين: يا بنتى طمنى قلبى عليكى وقوليلى مالك
صابرين : لاء يا حبييتى اطمنى انا بخير والله
بس لسه يعنى ما أخدتش عليهم هنا.....واحنا اللى نزلنا الصبح تحت نفطر وااااا .....ام صابرين قطعتها بصدمه😳
اييييه.... نزلتوا ؟؟؟..............نزلتوا فين🤔صابرين ندمت إنها غلطت بالكلام.......😔
نزلنا عند الحاجه تحت
بس مش احنا لوحدنا... ده كمان وولادها وسلايفى
علشان نفطر كلنا مع بعض ...هما متعودين على كده هناام صابرين:بزعل... متعودين حاجه😡 وإنك تنزلى يوم صباحيتك حاجه تانيه
ده المفروض هما اللى يطلعوا يشوفوكى
غريبه اوى دى والله😠
صابرين : ولا غريبه ولا حاجه يا ماما...هما عوايدهم هنا كده
وكمان انا نزلت علشان عاطف ميزعلش
بصراحه هو يستاهل أعمله اى حاجه وارضيه زى ما هو طول الوقت بيحاول يراضينىام صابرين: بصراحه.. عاطف جدع ابن حلال ويستاهل كل خير...ده كفايه مكلفنيش حاجه فى الجوازه غير شويه الجهاز اللى كنت جايبهم من زمان ... وهو اللى جاب كل حاجه.....ربنا يسعدكم ببعض يا بنتى
واخته بصراحه طيبه اوى وشكلها بتحبك
وكانت فرحانه بيكى طول الفرح ...وسلايفك كمان شكلهم طيبين
وحماتك بردوا.....شكلها ست طيبه...ربنا يهديهالك
أنت تقرأ
يوميات بيت العيله
Mystery / Thrillerتدور احداث بيت العيله فى جو عائلي مليان بالأحداث الواقعيه اللى موجوده بالفعل فى حياتنا وخصوصا اللى عايشين فى بيت عيله واتمنى اكون وفقت فى كتابتها ولمست كثير من الواقع