سنيوريتا😍❤️

1

يا نبع الحنان ... وييينك انا ماشه لي صحبتي وجدان بعد دا... اها يا بتي ماشه خلاص.. اي يا أمي ماشه معاها السوق نشتري حاجات لي الجامعه وكدا (طبعا وجدان دي بستي المبستته هي معاي في الحله بيتهم قصاد بيتنا طوالي) .. خلاص اها شربتي الشاي ... اي كمان يا أمي الشاي دا انا بقصر فيه 😂
آسر : هي بتعرف تقصر في الشاي دا؟؟؟.. لا الشاي لا الأكل كلو ما بتقصر فيه لكن المشكله نحن ما عارفين دا كلو بمشي وين بتودي الاكل دا وين انتِ ااا بس كدي وريني
رائد : بالجد كدي ورينا انتِ بتودي الأكل دا كلو وين 😂
قلت ليهم : طبعا ما حشتغل بيكم يا حاقدين عشان انا رشيقه  وانتوا سمان وكرشكم كبيييييره امشوا كدا ولا كدا الغيره والروح الشريره 😂( سمحه الغيره كعب الحسد😏) انتوا بتتمنوا تبقوا زيي ويبقى عندكم جسم زيي بتمشوا ليه الصالات عديل 😏 ......
.......

طلعت مشيت لي وجدان لقيتها مستنياني في الشارع وطلعنا الظلط ركبنا ركشه وطلعنا على السوق خمينا السوق كلوووو ورجعنا البيت رجعنا ذي العصر كدا انا دخلت استحميت وصليت الضهر والعصر ونمت شويه حتى صحيت  أكلت وطلعت عشان انوم لاقيت رائد (اخوي الكبير) في السلم
قال لي: كنتي تحت ولا شنو
قلت ليه :اي مشيت آكل
قال لي: غايتو انتِ غير الأكل ما عندك شي
قلت ليه: يلا اقطع وشك انا ماشه انوم ( طبعا انا زوله مزاااجيه لي درجه في الأكل دا مرات باكل كتير ومرات ممكن اليوم كلو ما آكل بس اكتر شي باكل لمن اكون زعلااانه شديد أو فرحااانه شديد😂 لكن لمن يكون مزاجي عادي ما باكل كتير) رجعت صليت المغرب و
العشاء وعلى كده نممممت😴............
......................................
#كسررره.......
( ما عرفتكم على نفسي انا وتين ❤️+ لقبي سنيوره😍.. البت الوحيده لي امي (هنادي) وابوي ( نبيل)....
عمري 17 سنه.. انا بقرا صيدلة في جامعة الخرطوم ❤️وياداب برلومه واصلا كانت رغبتي والحمد لله اتوفقت 🤲🏼)
بابا (نبيل) عندو شركات أدوية
( آسر اخوي الصغير ممتحن تالت... عمره 16 سنه... وشايل علمي أحياء طبعا عايز يقرأ طب علي حسب رغبتو هو وأمي وهو  آخر العنقود مددددددلع لي درجة وانا طبعا بغييير منو شدييد ياخ شافط الحنان كلو😂💔)
( رائد اخوي الكبير.... عمره 25سنه... ودا شغال في شركة اتصالات وبرضو مدلع لكن ما زي آسر وطبعا دا البكر العويييير😂)
اما انا لا لامه في البكر ولا في آخر العنقود بس ساندوتش في النص 😂
ما بنعرف نقعد بي أدب نهااااائي دايما نتناقر ونتشاكل وموقفين البيت على رجل وحده😂 مكرهين امي العيشه و امي بتقيف دايما مع الاولاد وانا مسكينه لي الله وما انسى ابوي برضو بقيف في صفي دايماً وبدافع لي😌
ما يفوتكم انا شليقه شدييييد وجني مناقرات امسك آسر افك رائد افك آسر امسك رائد وهكذا😂مطلعه زيتهم وهم زاتهم ما بقصروا فيني مطلعين زيتي لكن انا طبعا بي زياده بشاكلهم وبجري قبليهم اشتكي بس بطبق مقولة (ضربني وبكى سبقني واشتكى)
.. ماما (هنادي) ربة منزل كانت شغاله في الأول لكن نقينا فيها لمن خليناها تخلي الشغل 😂 بحبها تكون قاعده جمبي وببببببس❤️ وبحبهااا شدييييييد❤️
....................................

( وحاجه تانيه عن نفسي انا زوله صريحه لي ابعد الحدود ☺️والفي قلبي على رأس لساني "زوله كدا على الطبيعة" ولا بلف لا بدور فصيحه وما نصيحه😂 لكن بي دا كلو ظريييفه شديد ❤️وبخش في القلب طواااالي" .... وغير كدا بخش في الناس طوالي وبتعود على الناس بسرعه ممكن تقولوا ما برضي في نفسي ابداااااا كرامتي وعِزه نفسي فوق كل شيوأهلي خطييييين حمر تكون ظريف معاي بكون ظريفه معاك وعسل تتلائم تكترها تقللها ببقى ما زولتك نهااائي... لو ما عجبتني بقول ليك الكلام في وشك ما انا البي وشين وكرهتي فيك يا دنيا الزول البي وشين لانو بالجد بكون زباااااله بي طررريقة مبالغه . دي انا زوله بسيطه ممكن تقولوا لساني طويل حبتين تلاته كدا😂 لكن ما على اي زول شغاله بي نظرية ( إحترم تُحترم) تحترمني اختك جوووه عيوني وفوووق راسي❤️..... تكترها تقللها بردح فيك وبنزلك من بص حياتي مباااشرةً....... دايما اي زول بختوا في مكانه الطبيعي... بحب الكل وما بكرهه زول بس ما تهبشني ما بهبشك😶.. انا زوله بتكلم كتيييييير وسررريع😂 بالنسبه لي الهدوء دا واحد من أسباب الاكتئاب دايما بحب اعمل جو في أي مكان انا فيه لازم اخت بصمتي في أي مكان😂( عرفتوني من أي نوع ولا لسه؟؟) دي انا   
                                 #وتييييين
....................
اكتر زوله قريبه لي قلبي وبحبها وجدان❤️ دي بستي المبستته  ممكن تقولوا صديقة الطفوله صحي في الأول ما كنت بحبها ومطلعه زيتها و اي شي لكن في النهايه بقت صحبتي شديد شايفين الدنيا دي كيف  ممكن تقولوا هي اختي الما ولدتها امي.....

......................

سنيوريتا: آنسة باللغة الأسبانية✨
الاسم برجع لي لقب بطلتنا وتين {سنيورة}❤️

# يتبع