سنيوريتا😍❤️

13

   
                           
صحيت الصباح الساعه 4:30 كدا.... زي كل يوم  دخلت الحمام استحميت وجيت صليت وقريت حبة قرآن وبعديها صَحيت سماح لي الجامعة انتظرت لحدي الساعه  6 كدا حتى بديت البس لبست اسكيرت كحلي ومعاه فلينه كمها طويل مخططه وطرحة كحلية واسبورت اسود وشنطة ضهر صغيره سوده وعملت روج خفيف ...
نزلت تحت سويت الشاي ولقيت تحت في آسر وخلاص مارق على المدرسه.... ورائد ومنذر قاعدين ... وبابا مشى الشغل..  آسر شرب الشاي سريع سريع كدا واتخاج.. وقعدنا انا ورائد ومنذر..... فجاءه كدا انا اتذكرت البسكويت الجبتو أمس طلعت فوق غرفتي جبتو وجيت كانوا اصلا 4 شلت واحد واديت رائد واحد  ومنذر واحد.. والرابع دا خليتو لي سماح (مع انها ما بستاهل بي لسانها الأطول منها دا لكن ما علينا بيها😏) يلا بدينا نشرب الشاي
طوالي منذر قال : دا شنو البسكويت دا مالو مكسر كدا
رائد قال : اي صحي مالو مكسر كدا
قلت لي منذر : عشان  أمس انت حضرت سيادتك لمن كنت ماشي زي العميان وقعت مني الكيس وكسرت لي بسكويتي😒
طوالي رائد قال لي منذر : انت الكسرت البسكويت؟ 😂أحمد ربك وتين دي ما كسرتك ولحقتك لي البسكويت دا.... والله البت دي مجنونه 😂
قلت ليه : انت يا رائد ما داير تتعدل ولا شنو؟!
و منذر بعاين وعامل فيها اطرش 😂
قام رائد قال لي : انت مالك لي الان ما مشيتي الجامعة.. الساعه 7 ...
قلت ليه : منتظره سماح  ولي الان ما نزلت... واثناء ما انا بتكلم كدا جات سماح نازله كانت لابسه بنطلون أضيق من أخلاقي 😂 ياخ خليها أخلاقي دي هينه اضيق من إخلاق منذر زاتو😂ومعاه توتك قصير الركبه دي ما واصلها
انا بقيت بعاين ليها  من فوووق لي تحت نظام حتمشي معاي بي بنطلونك دا؟؟ ..
وهناك رائد مصدوم لكن ما بقدر يتكلم طبعا.... حيقول شنو يعني؟!
قام منذر قال : سماح دا شنو دا هسه حتمشي الجامعه  كدا ؟!
قالت ليه : اي  لي في شنو ( اتخيلوا قالت في شنو😂 هو شنو الماف بالله  يا عسل انتِ 😂)
منذر قال ليها : لا طبعا ما حتطلعي من البيت بي منظرك دا
قالت ليه : ياخ انا عشان كلامك الكتير دا لبست اكتر حاجه كويسه عندي ( قال اكتر حاجه كويسه😂 كدي ورينا يا فلانه الحاجات التانيه عامله كيف 😂💔)
قال ليها : لا ما حتمشي خلاص ماف داعي... احسن تمشي تغيري... والا تاني جامعة ليك ماف تقعدي في البيت بس..
قالت ليه : ما عندي حاجه تانيه احسن من كدا
قال ليها : شيلي من وتين لحدي ما بعدين اوديك السوق
طبعا سماح بقت تعاين لي كدا 😒 نظام طيري قدامي 😂
منذر قال لي : يا وتين امشي أدي سماح دي لبسه عليك الله لحدي ما بعدين اسوقكم السوق
قلت ليه : خلاص لكن سريع ما ممكن انا كل يوم إدوني هرشه بي سبب اختك دي مش كفايه أمس 😏
ويلا مشينا غرفتي وطلعت ليها كم لبسه كدا وأي لبسة اطلعها تقول لي واااسعه شديد أو ما عاجباني ( كمان هي لاقيه لمن اديها من هدومي😒 انا يا لطيف بدي وجدان😂 كمان هسه جاتني التانيه دي ودايره تتشرط كمان 😒 غايتو بس البوبااار وفك الزراار😂💔)
في النهايه أديتها عبايه باللون الرمادي ومعاها طرحتها (واي طبعا عبايتي دي غاليه على وبحبها شديد لكن بس عشان ننتهي من الموضوع ده بديها ليها😭💔) وطبعا هي اصلا ما عاجباها العبايه لابساها وتطنطن والطرحه خاتاها في رقبتها.. نزلنا تحت
منذر قال : سماح الطرحه البسيها كويس ( والله مؤدبها ومدخلها في فتيلها😂... ايوواااا ربيها بالله عفييييت منك... )
قالت ليه : ما بعرف
قال لي  :  وتين لبسيها الطرحه ( واي انا كان عندي سماح بس هسه بقت هي وأخوها بس غايتو  اللهم الثبات 🤲🏻)
لفيت ليها الطرحه وطلعت حلاااتها ( ماف احلى من الطرحه والحجاب يا جماعه ❤️)
منذر قال لينا : انتوا بتمشوا بي شنو
قلنا ليه: بي ركشه
قال لينا يعني  بتركبوا اي ركشه يعني
قلت ليه : لا في بتاع ركشه بجينا كل يوم زي الترحيل كدا يعني
قال لينا : خلاص ارح بوصلكم لحدي الركشه
مشينا انا قدام وهو وسماح وراي وصلت لي وجدان قلت ليها : كيييفك
وجدان : تماام انتِ كيف
قلت ليها : تمااام يلا ارح بعد دا عشان ما نتأخر
قالت لي : اي ارح ارح
يلا ماشين على اتجاه الركشه كدا
وجدان قالت لي : واااي دا منو القرررض الواقف مع سماح دا
قلت ليها : دا منذر ولد عمتي الحكيت ليك عنه أمس..
وجدان بقت عامله كدا😳
قالت لي :دا دا دا الاتشاكلتي معاه
قلت ليها : مالك بتتمتي اي دا ياهو البقره بتاع العربيه داك
قالت لي : بقرة؟! والله انتِ ماف بقرة غيرك 😒 هسه في زول بشاكل العسسسل دا يا قاااااسية ياااا جاااااافية ( يلا اوصف ليكم منذر دا.... عمره 25 سنة يعني قدر رائد .... هو طويل لكن ما شديد يعني طوله حلو كدا وعندو لحيه خفيفه وغمازات😍 نخرتو سيييف وعيونو واسعه وشعرو بين ناعم وخشن حبتين كدا وشغال في شركة بتاعت معدات طبيه يعني نفس مجال ابوي واصلا الشركة دي حقت ابوه لكن ابوه ممسكو الاداره )
.. يلا دا منذر المنبرشه فيه وجدان😂....
قلت ليها : هنداك العسل دا امشي اشبعي بيه عسل قال
مشينا وجدان سلمت على منذر وتعاين ليه كدا 😍
وعلى كدا ركبنا الركشه واتحركنا على الجامعة  بعد وصلنا دخلنا لاقينا لميس ولجين وطبعا وجدان لسه في انبراااشها داك 😂 وتشيل وتحكي لي لميس ولجين لحدي ما هم زاتهم قالوا الا يشوفوا دا منو الوجدان قاداهم بيه من صباح الرحمن دا 😂 وقعدت تغني وهم يغنوا معاها  :

سمح اللونو خدار يسوي كدي الجنا ودرني ودار  يسوي كدي👋..

خدره خاطف لون يسوي كدي خدرة الليمون يسوي كدي

الجنا دا عندو عيون يسوي كدي تنصح المجنون هوي يسوي كدي

سمح الونو خدار يسوي كدي الجنا ودرني ودار يسوي كدي

الجنا دا اسم الله عليه يسوي كدي الجبه يخلوها ليه كن ما قرعني ابوي قربت اغمز لي هوى يسوي كدي

سمح اللونو خدار يسوي كدي الجنا ودرني ودار يسوي كدي

جنن البنوت يسوي كدي قدامهن يقدل يفوت يسوي كدي

الفيو محيرني يسوي كدي لا خاطب لا مربوط هوي يسوي كدي👋🎶
...

بعد خلصوا من عوراتهم دي
وجدان قالت لي : صحي ما شاء الله الليله شايفه سماح لابسه عبايه ولافه الطرحه كمان 😂
قلت ليها : اي اي المنبرشه فيه من الصباح دا ادها محاضره في البيت وخلاها تلبس العبايه وتلف الطرحه 😂
قالت لي : احيييي هسه البت المووووتخلف دي😏 اخت العسسسل دا 😂
قلت ليها :  اااه هم الاتنين أزفت من بعض 😏
قالت لي : ياخ انتِ ظالمة الولد دا ساااي
قلت ليها : ننننن خلاص تمام تمام  😊
وعلى كدا دخلنا المحاضره........
.............

بس لسان سماح.......
ياخ هسه الاهبل دا خلاني البس العبايه الزي الشوال دي وكمان البس الطرحه.. ياخ السخانه قتلتني 😭انا بس الله يخارجني وكمان الهبله التانيه الاسمها وتين دي طلعت زيتي دا شنو دا ياخ ....
.... شويه كدا وجات نسرين
نسرين : خير مالك يا سمموووووحه مكرفثه وشك كدا... ومالك الليله لابسه عبايه ما عرفتك والله 😂وكمان معاها طرحه لالا كدي تعالى يا الأخت نتعرف 😂
قلت ليها : ياخ  امشي مني انتِ كمان ناقصه انا
قالت لي :هسه كدي  روقي المنقه واحكي لي مالك
... حكيت ليها اي شي..
قالت لي : سماح عليك الله بس عشان تسكتي اخوك دا البسي  الطرحه قدامو ولمن تصلي الجامعة فكيها ياخ اخوك دا من زمن الطرحه دي 😏(شايفين دي صحبة السواااااد 💔)
قلت ليها : اي صحي انا مالي وما الطرح والسخانه يلا بلا لمه وفكيت الطرحه وختيتها في  رقبتي
.......
#كسره...
     ( شايفين يا جماعه سماح وصحبتها... صحبتها قالت ليها كلام غلط وستين غلط لكن بعد دا هي نفذت كلامها
.....
......... عشان كدا انا بقول ليكم ما تصاحبوا اي زول ما اي زول بتصاحب... نحن لمن نجي نصاحب ما نصاحب ساي.... اختار صحبك وصديقك الصاح وفي الوقت الصاح... وصاحب ناس من عمرك وناس تكون احسن منك في الأخلاق عشان الزول دايما بِطَبع بي طباع صاحبو والزول البحتك  بيه ... دايما صاحب الزول البقول ليك تصرفك دا غلط👎 او بواجهك بي كل صراحه يعني ما البطبل ليك ساي في حين انو انت غلطان وستين غلطان...... كل الدايره اقوله ليكم  انو كلمة صديق أو صديقه دي كلمه حسااااااسه جداااا وليها مكانها ومعناها الخاص... عشان كدا ما نديها لي اي زول... وصل😉👍
........

#يتبع