.......
بدوا لي في الدخان واااي طبعا حار بي شكل انا اصرخ وأجري وتاني أجي اقعد😂 غايتو طلعت زيت امي وعمتي ديل معاي😂 وهم يقولوا لي اقعدي اقعدي وانا ما فضل لي إلا أبكي 😂ياخ حار اقسم بالله 😂...قعدت شويه وقمت مشيت غرفتي ضرب لي منذر
قال لي : وتييييني💘 وينك من الصباح
قلت ليه : وتييينك كانت بتتشوي😂
قال لي : شنووو؟!
قلت ليه : كنت بدخن
قعد يضحك😂 قال لي : الناس ديل عذبوك شكلهم كدا
قلت ليه : شديد😂 + ما تضحك بحظرك والله 😒
قال لي : لالا خلاص آسف آسف😂
قلت ليه : ايوه خليك كدا عسل😂💘 +اسمعني ماشه اصلي وبرجع ليك بعدين
قال لي : خلاص تمام يلا في امان الله😊
وقفل....
..........
مروا الشهرين زي كأنهم يومين......
وكان صابح بكره يوم العرس 💘 والبيت كان فيه ضيوف وملان عشان كدا مشيت قعدت مع وجدان في بيتهم وحنوم معاها... كنا قاعدين انا ووجدان جونا ناس لجين ولميس وسماح ورغد (بت خالتي) وقضوا اليوم معانا اتونسنا ومشوا معاي لي الحنانه عشان اتحنن لأنو بكره حنمشي الكوفير وما حيكون عندي زمن كتير...
.. الحنانه رسمت لي حنه خرااااافيه ياخ اقسم بالله خنفشااااااااريه عديل😍 والبنات زاتهم رسموا في يدينهم... بعد حنتنا نشفت غسلناها ومشينا بيت ناس وجدان
مريووومه عجبتها الحنه شديد ❤️... شويه كدا و جاتني امي شافت الحنه عجبتها😍
قالت لي : انا امشي البيت بعد دا عشان الضيوف تمام
قلت ليها : تمام
... امي مشت وجاتني عمتي طبعا عمتي شالت مقاساتي وقالت حتخيط لي فستان الزفاف في الإمارات وفعلا خيطتو لي.....
يلا جات قالت لي : مرت ولدي 😍هاك الفستان كدي شوفيه
طلعت الفستان وكان فظيييييييع قولة فظيييع دي عليه بسيطه ياخ حلووو بي شكل😍
عمتي قالت لي : اها رايك؟
حضنتها وقلت ليها : عجييييب تسلمي لي يا عسل انتِ😘
بس ضحكت فيني😂 وقالت لي : بخيييت وسعيييد ومشت....
وطبعا البنات انبرشوا في فستاني عجبهم شديد😂 لجين ولميس ووجدان ودلال وسماح ورغد كانوا إشبيناتي... كانوا مخيطين فساتين زي بعض بي اللون الرمادي 😊❤️
... لجين ولميس وسماح ورغد قعدوا معانا لحدي المغرب ومشوا وقالوا بجونا بكره في الكوفير
... فضلنا انا ووجدان ودلال ومريووومه اتونسنا شويه وصلينا المغرب ومريووومه ودلال مشوا غرفهم وانا ووجدان مشينا غرفت وجدان
وجدان قالت لي :يعني بكره خلاص حتمشي وتبعدي عني🥺
قلت ليها : والله اجيك كل فتره واعمل ليك وجع وش بس انتِ اصبري علي😂💔
قالت لي: بالجد حفتقدك🥺
قلت ليها : ما قدري
يلا حضنتها وقعدت اتونست معاها ... ضرب لي منذر شلت التلفون ومشيت البلكونه ورديت
قال لي: وتيييني💘 اخبارك
قلت ليه : تمام الحمد لله
قال لي : قبيل ضربت ليك ما رديتي
قلت ليه : اااا كنت في الحنانه
قال لي. : اتحننتي؟؟
قلت ليه : ااااي
قال لي :صوريها لي🙂
قلت ليه : مااااف ليك
قال لي : انتِ جاده؟
قلت ليه :اي جاده كل الجداد😂
قال لي : اسمعي برسل ليك صورت حنتي وانتِ بعديها رسلي لي ظابط👍 أسمعيني انا واثق فيك اوعى تغشيني
قلت ليه : ظابط لالا ما بغشك ما تخاف انت بس رسل الصوره😌
... قفل ورسل لي الصوره بالجد حنتو كانت واااقفه قنااا😍👍
وانا طبعا أبيت ارسل ليه صورت حنتي😂
ضرب لي قال لي : اها وريتك لي ما وريتيني؟؟
قلت ليه: ماف ليك
قال لي : غشيتيييني😳
قلت ليه : ايووااان
قال لي : لي كدا يا قااااسيه يا جاااافية💔
قلت ليه : بس كدا
قال لي : ما مشكلة بشوفها بكره😉
قلت ليه : اي اي😂
قال لي : اها حاسه بي شنو؟؟
قلت ليه : والله مبسوطه ومتوتره وخايفه في نفس الوقت
قال لي : دا كلووو😂
قلت ليه : اي.... وانت؟؟
قال لي : انا فرحاااان شديييييد 💕
قلت ليه : عساها فرحة دايمة😊
قال لي : بيييك💕
قلت ليه : خلاص يلا تصبح على خير عشان بكره ورانا يوم طويل
قال لي : وانتِ خيييري يا مجهجهاااني 💕
.......
يلا مشيت لي وجدان شاغلتني شويه كدا ونامت😂😂 وانا فكرت قلت يا ربي يوم بكره حيكون كيف 🤔في النهايه قلت.. بكره احلى😊 ويلا انوم بعد دا عشان بكره حصحى من الفجر عشان امشي الكوفير... وعلى كدا نمت😴.....
.....
بي لسان منذر : ......
اااااه ااااه انا بس اخيراً بكره اليوم البتمناااه والبحلم بيه😊 خلااااص لقيت نصي التاني💕وحأكمل نص ديني بكره ومع اكتر زوله عسسسل فيك يا دنيا بالجد الله يصبح الواطه.... ما كنت متوقع أخطبها زاتو وهسه حأعرسها عديل كدا وحتبقى حلاااالي خلاص اخيراً بعد صبر ححقق البحلم بيه واخيراً بكره يوووومي... يلا بعد دا انوم عشان بكره وراي مواضيع كتيره....
وعلى كدا نمت 😴...
....
# كسرة...
" لا يعلق الله قلب عبداً بشيء إلا وجاعله له 😊❤️"
......
#يتبع
أنت تقرأ
سنيوريتا😍❤️
Lãng mạn# رواية سودانية ❤️ بقلمي : آية هيثم ✨ سنيوريتا: آنسة باللغة الأسبانية ...! الإسم برجع لي لقب بطلتنا وتين {سنيورة}❤️ معنى الوتين : شريان متصل بالقلب ( شريان القلب) إذا إنقطع إنقطعت الحياة .... قال تعالى :( ثم لقطعنا الوتين) ....
