سنيوريتا😍❤️

23

صحيت الصباح الساعه 4:30 دخلت الحمام استحميت وجيت صليت الصبح وقريت سورة الكهف❤️بعديها رقدت شويه كدا وما قدرت انوم تاني... طوالي نزلت تحت نضفت البيت كلوووو وعملت البخور.. وفي الوقت دا كان امي صحت...شربنا الشاي وقعدنا نتونس
امي قالت : رايك شنو الليله نسوي صينية مكرونه بالبشمل
قلت ليها : وااو انا بحبها 😍خلاص من هسه بسويها انا
قالت لي : خلاص تمام وانا بعمل باقي الحاجات
... ونحن بنتكلم كدا جاء رائد نازل
قال : يمه اخبارك شنو + صباح الخير
قالت ليه : تمام الحمد لله + صباح النووور
قلت لي رائد : وانا هنا شفافه يعني ما شايفني
قال : يا أمي دا شنو الصوت دا انا سامع لي صوت من الكرسي دا بسم الله سلامٌ قولاً من رب رحيم ( واااي بمووووت💔😂)
وانا طبعا شايله لي صحن تسالي وباكل فيه
قلت ليه : انت بتستهبل ولا شنو😒
رائد قال : لالا يا أمي وكمان في صحن طاير دا شنو من متين الصحانه عندنا بتطير😂 وكمان لسه في أصوات لالا نحن لازم نجيب شيخ يقرأ لينا في البيت دا
وامي هناك تضضضضحك ساي😂
وانا خلاص فاض بي
قلت ليه : بتتلم وتتعدل ولا انادي ليك ابوي😒
قال لي : ابوك يا كبيييره😉
قلت ليه : احسن تتعدل في رأيي
قال لي : بس عشان الليله يوم الجمعه ما داير اتلامض معاك😒
قلت ليه : لاااا يا شيخ يعني دا كلو وما اتلامضه لسه لالا عليك  الله اتلامض
قال لي : احسن اعمل فيها ما سامع
قلت ليه : احسن😊
بس قعد وبقى بشرب في الشاي
انا قلت لي امي : ابوي وين؟؟
قالت لي : أبوك نايم
قلت ليها : طيب آسر وين
قالت لي :  آسر برضو نايم وقال ما يصحوه الا لي الصلاه
قلت ليها : اااا خلاص ارح نجهز الفطور عشان بعديه نبدأ نجهز الغدا
امي قالت لي : اي ارح
رائد قال لي : انت حياتك كلها بس اكل يعني دايره تفطري بس عشان تجهزي الغدا😒
قلت ليه  : ما حأرد عليك طبعا عشان فهمك زباااله😒
... مشينا جهزنا الفطور وانا مشيت صحيت ابوي وآسر وجينا فطرنا
رائد قال : يا وتين براحه على العيش ياخ انتِ عشان ما بتقيفي في الصف يعني دايره تاكلي على راحتك😒
قلت ليه : هسه انا  مالي😒
قال لي : كملتي العيشه التانيه وقبلتي على التالته😂
قلت ليه : وانت مالك... يا بابا شوف ولدك دا
ابوي قال  : شنو يا منذر بتحسب لي اختك في عيشها مالك
قلت ليه : شايف يا بابا بعاين لي في اكلي
رائد قال : ابوي بتك دي بتأكل وما بتسمن حيرتنا معاها زاتو😂
ابوي قال : خلوها بس انتوا بتغيروا منها مش😂
قلت ليه : اي بغير مني امشي يا حقووووود😌
قال لي : ما حأرد عليك
امي قالت : انتوا يا اولاد ما ادوكم آداب الاكل ولا شنو؟
انا قلت ليها : شكلوا كدا رائد دا كان داكي الحصه
رائد قال : ووتين دي شكلها كانت الوقت داك بتفكر في الفطور وزمنو حيجي متين عشان كدا ما ركزت في الحصه
آسر قال : اي شكلها كدا
يلا ابوي وامي قعدوا يضحكوا فينا 😂
... انا بعد فطرنا لميت العده وغسلتها وسويت الشاي ووديتو ليهم قعدنا اتونسنا لحدي الساعة 11 كدا ابوي ورائد وآسر  مشوا يجهزوا لي الصلاة... وانا ضربت لي وجدان
قلت ليها : ياا هلااا جمعة مباركه💕
قالت لي : سنيوره السجم
قلت ليها: انا اقول ليك جمعة مباركه تقولي لي سجم😒
قالت لي: اها اختصري عشان انا كنت نايمه وصحيتيني
قلت ليها : شنوووو نايمه لي هسه😳
قالت لي : اي صحيت صليت الصبح ونمت
قلت ليها : قومي المنومك شنو تعالى ساعديني في تجهيز الغدا عشان ناس عمتي ديل جايين
قالت لي: خلاص تمام يا عذابي
... وجدان جات وبدينا نجهز في الغدا والأولاد مشوا الصلاه وانا وامي ووجدان سوينا الغدا وبخرنا... شويه كدا الاولاد جوا من الصلاه وبعديهم جوا ناس عمتي مشيت فتحت ليهم الباب وسلمت عليهم وقعدنا اتونسنا ضيفتهم عصير.. ومشينا انا وسماح ووجدان  قعدنا برانا وهي بتشرب في عصير المنقه فجأة كدا ضحكتلمن اتشرقت😂 بقيت بضربها في ضهرها
قلت ليها: مالك
قالت لي : اتزكرت لمن كشحتي فيني عصير المنقه 😂
قلت ليها : وااي ما تزكريني
قال لي : كدي انت كشحتيه فيني لي
قلت ليها : اول مره عشان انتِ غشيتيني انا ووجدان واحرجتينا😂😂
قالت لي : اها والمره التانيه كنتي قاصده ولا لا
قلت ليها : لالا والله ما كنت قاصده لكن بعد اتكشح فيك قلت بررركة 😂
قالت لي : وااي منك مؤذيه😂💔
قلت ليها :  ايامٌ لها إيقاع 😂
... بعد كدا وجدان مشت بيتهم ونحن مشينا نرص الغدا رصيناه انا وسماح ونادينا ناس عمتي وامي واخواني وابوي ومنذر
... بدينا ناكل وعمتي تسأل فيني عن الجامعة والقرايه وكدا
وانا قلت ليها: تمام الحمد لله
عمتو عجبتها المكرونه بالبشمل شديييد
قالت لي أمي : يا هنادي المكرونه دي ما تنسي توريني وصفتها بعدين والله سممممحة شديد
منذر قال : بالجد خطيييييره
سماح قالت : رووووعه اقسم بالله
وبرضو اخواني وابوي عجبتهم
امي قالت ليهم :  سوتها وتين ما انا
كلهم بقوا بعاينوا لي😳
قلت ليهم : صُنع ايديّ وحيات عِنيّ
آسر قال : خلاص خلاص انا بسحب كلامي ياخ مالها مسييخه كدا
رائد قال : انا زاتي ما عجبتني معقوله وتين تعمل شي نافع😏 ( وااي أحرجوني مما عرفوا انا السويت الحاجه السمحه دي سحبوا كلامهم رمممم خلاص 😂💔)
كلهم بقوا بضحكوا على كلام آسر ورائد دا😂
عمتي قالت : طلعتي ما هينه يا وتين😂❤️
قلت ليها : هيهي بعجبك انا❤️والله يا عمتو انتِ لسه ما شفتي شي😂
سماح قالت لي : علميني ياخ انا غير البيض ما بعرف اعمل شي والبيض زاتو بعملو يا لطيف😂💔
قلت ليها : خلاص سمح  بعلمك
بعد اتغدينا سوينا ليهم الشاي وشربوا اتونسوا شويه وقالوا خلاص بعد دا ماشين مشوا وانا رتبت البيت وغسلت عدة الشاي وطلعت غرفتي صليت وجيت عشان انوم ضربت لي وجدان قالت لي اخوها جايي بكره من السفر
قلت ليها : اخوك منو؟؟
قالت لي : اخوي قيصر يا غبيه
قلت ليها : اهاااا اي صحي حكيتي لي عنه لكن ما حصل شفتو
قالت لي : يلا بس هو جايي بكره
قلت ليها : وما حتجي الجامعة يعني؟؟
قالت لي : ما بقدر اغيب من الجامعة عشان بكره عندما محاضره مهمه
قلت ليها : خلاص امشي الجامعة وتعالى اخوك ما طاير
قالت لي : خلاص بس المهم كلمتك ويلا تصبحي على خير
قلت ليها : وانتِ من اهلوا.... ونمت 😴
.....

بي لسان منذر :  ...
دي كانت احلى مكرونه بالبشمل أكلها ياخ حتى أكلها حلو زيها وكمان طلعت بتعرف تطبخ وست بيت لالا عاد تمام 😂وشايف سماح بقت مصاحباها شديد بالجد الزي وتين دي يستاهل يتصاحب💜...
....

#يتبع