سنيوريتا😍❤️

15

                             
بعد طلعنا من المحاضره لميس ولجين مشوا على بيوتهم وانا ووجدان انتظرنا سماح كانت لسه ما حلصت بس استنيناها وبعد نص ساعه كدا طلعنا استنينا الركشه لحدي ما جات ومشينا ( طاااطاااااااطاااااااطاااااطااااط😂 هييي خلاص بعد دا نبطل عواره لكن ياخ طاااطاااااطااااطاا دي حلوه خلاص 😂 ) يلا نواصل......
وصلنا وجدان دخلت بيتهم وانا وسماح دخلنا لقينا بابا في الشغل وامي وعمتي عند الجيران ورائد لسه ما جاء من الشغل وآسر بقرا عشان الامتحانات قربت بس دخلنا لقينا منذر قاعد سماح سلمت على منذر وانا من بعيد قلت السلام عليكم ومشيت طلعت فوق دخلت الحمام استحميت وجيت صليت العصر وقريت شوية قرآن واصلا كان في الجامعة امتحانات السمستر قربت بس قعدت اقرا شويه كدا جات  سماح دخلت الحمام وتاني شويه كدا باب الغرفه دق كنت قايلاه آسر
قلت ليه : آسر من بتين انت كمان بتدق الباب  حيرتني معاك😂
في صوت من ورا الباب قال لي : انا ما آسر انا منذر.. قلت دا كمان الجابو شنو... لبست لي توب وطلعت ليه
قلت ليه : نعم سماح في الحمام اها تاني داير شي
قال لي : اول شي انا ما سألت من سماح
قلت ليه : عندك حاجه تاني هنا غير سماح؟؟
قال لي : انا ما داير اتناقش معاك عشان انتِ زوله راسك فاضي وما عندك موضوع غير المشاكل
قلت ليه : انا رأسي فاضي ننننن لكن ما أفضى من راسك دا بي المناسبه 😊
قال لي : خلينا في المهم هسه.... دي شنو الشافعه دي يا الله...البسي انتِ وسماح عشان حوديكم السوق نشتري لي سماح دي كم لبسه عشان لبساتها ديل كلهم ضيقات...
قلت ليه : اااهااا خلاص تمام طيب من الاول ما كان تقول كدا غايتو بس امخاااخ زباااله
قال لي : هو انتِ بتدي الزول فرصه عشان يتكلم ( بالجد انا زاتي بالغت بووولييغ 😂) ياخ انتِ بالعه راديو ولا شنو  بتتكلمي سريع كدا زي الساكِنك
قلت ليه : ما عندك شغله اي بالعه راديو لو دايرو بطرشو ليك هسه... اها دايرو؟؟
قال لي : يااااع ياخ بطلي قرف وكمان علي العليه لسانك أطول منك
قلت ليه : ننننن خلاص شكرااااا ليك 😊 ويلا انزل نحن شويه كدا وبنجي
منذر نزل تحت وانا وسماح لبسنا عباياتنا ونزلنا
لقيت ناس امي لسه ما جوا من الجيران ركبنا في العربيه وسماح ركبت مع منذر بي قدام وانا ركبت بي ورا وصلنا السوق وكان زحمه شديده  دخلنا اشترينا تونكات طويله وبناطلين واسعه واسكيرتات واسبورتات ودا كلو لي سماح واي شي نكون دايرين نختاروا لازم نوريه لي استاذ  منذر عشان يدينا الاوكي ( غايتو جنس محن فيك يا زمن ) يلا بعد خلاص اشترينا الحاجات لي سماح 
منذر قال لي : انتِ ما دايره تشتري حاجه؟؟
قلت ليه : لا شكرا ما دايره
قال لي : لو عايزه قولي
قلت ليه : لالا ما عايزه
وعلى كدا شلنا حاجات سماح وركبنا انا وهي في العربيه ومنذر لحقنا.. وأثناء ما نحن في الشارع كدا شفت غزل البنات ( حلاوه قطن)
قلت لي منذر : كدي وقف دقيقه
قال لي : لي في شنو
قلت ليه : دايره من حلاوه قطن ديك
قام نزل من العربيه وجاب تلاته حلاوه قطن.. سماح  أداها قالت ما دايراها بتوسخها( غايتو 😏) أكلت انا اتنين ومنذر وحده
قال لي : شافعه خلاص
قلت ليه : نننن شكرراااا 😊
وعلى كدا وصلنا البيت ولقيت أمي وعمتي وابوي ورائد جوا  وامي سوت الغداء وقالت الا نأكل جينا قعدنا ناكل
آسر قال : انتِ يا وتين مش بدوك قروش لي الجامعة؟؟
قلت ليه: اي لي
قال لي : طيب لي ما بتاكلي هناك وتخلصينا.. القروش دي كلها بتوديها وين ولا بتاكلي مرتين انتِ؟؟ 😂
رائد قال : شكلها كدا بتاكل مرتين 😂
قلت ليهم : انتوا مالكم آكل مرتين ولا عشره في زول دافع جنيه واحد في الأكل دا؟...  مش بي قروش ابوي😌معناتها اصرف منها وآكل منها زي ما عايزه..
بابا قال : انتوا يا اولاد بتعاينوا لي اكل اختكم لي؟؟ وبعدين انا عندي كم وتين في الدنيا دي ياخ فداااها كل شي❤️
قلت ليه : احي يا بابا تسلم لي انت تعال كدي جيب بوسه وبسته في راسو 😘
وقلت لي رائد وآسر: عجبكم رد بابا العسل دا ولا ازيدوا ليكم؟
.. طبعا عملوا فيها طرش😂 (وابوي طبعا ما قصر قصف ليهم جبهتهم 😂 واي عجبني ليهم احي ابووووي يسلم لي😘) .....
قامت عمتي قالت : انتوا يا اولاد مالكم مع وتين دي... ياخ دي بت عسسسسل وسسسكر واي حاجه..... والله انتوا حاقرين بيها ساي بس عشان مسكينه
آسر  بي تحت بطنطن: مسسسسكينه النببببق 😂 قال مسكينه قال دي لو قرصتني بتشيل لحمي ولو ضربتني بتشلني😂
رائد قال ليها : هي مسكينه وعسل مع كل الناس الا معانا نحن بس
بي تحت منذر بطنطن قال :يا رائد ما تنساني بالله انا زاتي بتشاكلني ومطلعه زيتي  😂
قلت ليه : انتوا زاتكم ظريفين مع كل الناس الا معاي انا بس...... لمن تبقوا معاي ظريفين ببقى معاكم ظريفه لكن لو قعدتوا تتهابلوا وتتعاورا معاي بعمل معاكم الواجب 😌
عمتي قالت : والله يا وتين انت حتى بي شكَلك وردحك دا عسسسل 😘❤️
منذر بطنطن بي تحت قال : والله امي دي ما شافتها بتردح فيني كيف ياخ قال مسكينه قال والله مسكين انا  ومسكينه انتِ غشووووك يا حجه 😂
قلت لي عمتي : هسه يا عمتو انا يوم واااحد... بس يوم واحد كدا شاكلتك ولا قلت ليك كلمه كعبه
قالت لي : ابداااا انت ست البنات يوم واحد ما سمعت منك وعنك الا كلو خير
قلت ليها : شفتي انتِ عشان بتتكلمي معاي بي زوق وحنيه وحب انا عمري ما بزعلك  وكدي تعالى جيبي بوسه يا عسسسل انتِ بستها😘
من هناك امي وابوي بتبسموا ساااي رفعت عيني لقيت سماح بتتبسم ومنذر بتبسم وبعاين لي جوا عيوني انا طوالي بعدت نظري عنه بعد أكلنا شلت العده غسلتها وسماح ساعدتني في العده وعملت معاي الشاي ( تتخيلوا دي نفسها سماح الكانت قشه ما بترفعها بقت تساعدني.... تقدم ملحوووووووظ والله  😂
لازم انا زاتي احاول أتقرب منها شويه شويه) يلا سوينا ليهم الشاي وديناه وعمتي تشيل وتشكر فيني (قلت ليكم عمتي دي عسسسسسسل بنقط بس 😂❤️) يلا بعد ما ودينا الشاي نقلت مع سماح الحاجات الجبناهم من السوق لي الغرفه ومشيت صليت وسماح نامت جيت انا عايزه انوم كدا باب الغرفه دق مشيت فتحتو لقيت ماف زول دنقرت لقيت في كيس هدااايه لونوا اسود وفيه لمعه بي الذهبي عاينت يمين شمال ما لقيت زول شلت الكيس ودخلت.... فتحت الكيس وكانت المفاجئة 😳...
.........

... بي لسان منذر :
ااااه ااه انا بس ياخ طريقة معاملتها مع امي دي برااها تخليني أعجب بيها ياخ الحنيه ألفي صوتها ونستها وضحكتها واي شي فيها حلو وغريب ومختلف
... {لو شفتها كيف بتحكي سمعتوا صوتها لما تحكي...🎶}
وغير كدا لبسها محترم شديد وزوقها عالي يعني  اللبسات  الاختارتهم  قبيل لي سماح اي وحده فيهم احلى من التانيه بعدين لاحظت أنو هي بتميل لي اللون الرمادي والكبدي واللحمي كتير شكلو كدا دي ألوانها المفضله عشان كدا حبيت أقدم ليها هديه لكن ما بقدر اديها ليها بي نفسي عشان هي اكيد  حترفضها  انا بس اخت الهديه جمب الباب وادقو وامشي .........
.......

#يتبع