سنيوريتا😍❤️

11

                                  

  .... صحيت الصباح وعملت روتيني اليومي... وخلاص بديت اجهز عشان الجامعة.. لقيت سماح يا داب صحت....  لبست وجايه نازله
سماح قالت لي : ممكن تسوقوني معاكم انتِ ووجدان ( طبعا لمن استغربت قلت الزوق دا جاها فجأة كدا من وين 😂 سبحان مغير الاحوال😂 اول امس كانت بتتشاكل معاي في النور  هسه بتتكلم معاي بي زوق وكمان تقول لي" ممكن" لالا انا بي الطريقه دي بغمى على 😂)
انتظرتها لحدي ما لبست وقعدت تعمل في الميكب بتاعها دا ساااعة كامله لمن زهجتي😤 وبعد خلاص قلت بمشي بخليها.... جات لاحقاني طلعنا كدا شربنا الشاي سريع سريع عشان  اصلا نحن اتاخرنا  بي سبب فلانه دي حتى امي ما لاقيتها وما لاقيت اي زول... يلا طلعنا الشارع لقينا وجدان هايجه عشان اتاخرنا وبتاع الركشة زاتو زهج واستغرب لانو في العاده نحن بنشاكلوا لو اتأخر😂  مما جيت طالعه كدا وجدان بقت تعاين لي نظرات دي شنو الجايباها معاك دي ( معزوره طبعا شافتنا انا وسماح مع بعض وااااخر روااق😂)
وجدان قالت لي : اتاخرتي كدا مالك
قلت ليها : والله كنت منتظره الانسه سماح لمن لبست اتقول ماشين عرس  ما جامعه( بالجد 😂)
طبعا سماح سامعه كلامنا دا وبتعاين لينا وابت تتكلم وتتلائم عشان عارفه طبعا لو كترتها ولا قللتها ما بتركب معانا في ركشتنا ( مالكم مش ركشتنا نركب فيها العايزنو😌 حقارات مش 😂 )
وجدان قالت لي : فضل  للمحاضره اقل من 10 دقايق وانتِ عارفه الدكتور صعب غايتو الله يعدي اليوم دا على خير
قلت ليها : خير خير بنصل هسه
ووجدان تعاين لي سماح كدا 😒( نظام لو الدكتور ما دخلنا المحاضره بقتلك🔪)
  وسماح ساااكته سااااي لحدي ما وصلنا جينا داخلين على الجامعه سماح اتلاقت مع صحبتها ( ودي كانت نفس البت المعاها يوم  غشونا بي القاعه الغلط😂💔 الاتنين اي وحده أزبل من التانيه... خلاص بعد دا ما عندنا شغله حقنا وشلناه تااالت ومتلت 😂)  البت من شافتنا قعدت تعاين لينا كدا 😒 من فوق لي تحت ( لو ما كنت مستعجله عشان المحاضره كان انا ووجدان عملنا معاها الواجب 😌😂)
البت قالت لي سماح : هااااااي ( واي انا بس من ناس هااي ديل تفو تفو تفو 💔😩 + والله لو سمعتوهم بقولوها كيف بتكرهوا هاااي دي وبتكرهوا الانجليزي زاتو 😂 غايتو نسأل الله السلامه بس 🤲🏻)
سماح قالت لي البت : هاي اخبارك
قالت ليها  : تمام التمام..
ونحن خليناهم ومشينا اصلا اتاخرنا على المحاضره
جينا دايرين ندخل كدا لقينا الدكتور جاء دقينا الباب
الدكتور قال لينا : خير مالك متأخرين كدا؟؟
قلنا ليه : المواصلات يا دكتور والشوارع زحمه😥( استغفر الله كذبنا بي سبب سماح دي غايتو بس الحمد لله😂)
قال لينا : دي اول وآخر مره فاهمين
قلنا ليه : فاهمين ( الله يجازيها سماح احرجتنا... كلو بي سبب الميكب بتاعها دا بس اتقول دعاية لي بهياااات المهندس 😂)
 
........ عند سماح وصحبتها :
سماح : ما شفتي البنات المقلبناهم اول يوم ديلك
البت قالت ليها : اها مالهم لاقيتيهم تاني كيف
سماح : وحده منهم طلعت بت خالي 😂والبت شايلاها معاي شيله كعبه خلاص 😂
البت : غايتو لكن نحن ما قصرنا فيهم اليوم داك بكونوا اتحرجوا
سماح : ما شفتي يا نسرين اليوم كلو نتناقر ونتشاكل وكمان انا الايام دي قاعده معاهم في بيتهم ( يلا صحبت سماح دي اسمها نسرين )
نسرين : ياخ بس حاولي اتجاوزيها ولو كترتها اقصفيها وسكتيها طوالي ( هيهي ما عارفني انا بسكت وبقصف بلد😏 قال اقصفيها وسكتيها قال😒هيهي لسه انا ما قبلت ليها على الشغل الجد 😂 وما دايره اخرب معاها وش عشان خاطر عمتي العسل دي 😂❤️)
سماح : كلها يومين ونرجع بيتنا اصلا خلاص منذر اخوي جاء وحيقعد معانا كم يوم كدا ونرجع بيتنا مع بعض ...

..... نرجع لي وتين......
حضرنا المحاضره وقعدنا مع لجين ولميس نتونس شويه كدا ومشينا على الكافتريا قلت ليهم انا نفسي في اسكريم مشيت أكلت الاسكريم وخليت ديلك بياكلوا في فطاير خلصنا كدا واصلا كانت عندنا محاضره واحده بس وعلى كدا قلنا نرجع البيت انتظرنا سماح جات بعد ساعه سحنا في الشمس دي عديل كدا بي سببها😓  جات وركبنا ركشتنا ( طااااطاااااطاااااطااااطاااااط😂😂😂) عارفه نفسي شافعه بس خلوني 😂)  لحدي ما وصلنا البيت سماح دخلت وانا مشيت مع وجدان بيتهم عشان مريووومه قالوا  عيانه مشيت سلمت عليها وضحكتها شويه كدا ( قلت ليكم مع انو هي أم صحبتي لكن بحبها اكتر من صحبتي زاتها 😂).....
.... جيت بعديها راجعه البيت دايره اقطع الشارع كدا بس جات عربيه ماشه بي سرعه كانت حتطقشني  انا وقفت مخلوعه لمن قرب يغمى على بقيت بعاين كدا 😳 فجأة جاء نازل نفس الولد بتاع المره الفاتت الكان بدق لي في البوري وانا كنت خاته السماعات والاتشاكلت معاه داك... جاء نازل
قال لي : بالجد انتِ ما نصيحه ياخ الشارع دا للعربات ما ليك انتِ.... انتِ قايلة نفسك عربية؟؟ .. بس كدي وريني
وانا طبعا لسه تحت تأثير الصدمه 😳 شويه كدا استوعبت ولقيت الولد بشاكل فيني
قلت ليه : اسمع هنا انا بمشي محل ما عايزه ما عندك شغله بي.... ثم ثانياً أي انا عربيه عندك مانع؟! 😒
بقيت بشاكل في الولد ونفس حركة المره الفاتت اتكلمت معاه سرييييييع😂 وهو زاتو بقى ما فاهم وما قادر يرد😂 وانا بتكلم وبردح وبشاكل لحدي في النهايه تعبت وخليتو هو بعاين كدا 😳 ومشيت ما اديتو فرصه يدافع عن نفسه زاتو 😂(قلت ليكم انا كان قمممت صعببببه💔😌) .........

                        ..................
بي لسان الولد.....
  دي شنو دي البت الخشمها ما بتقفل دي اللسانها أطول منها ومني انا زاتي ... اقسسسم البت دي بالعه راديو 😂 نفس حركات المره الفاتت شكلها كدا ما نصيحه😂 لكن فيها حاجه كدا جذااابه وعيونها فيها لمعة كدا بس استغفر الله.. وبراءتها ظاهره في وشها.... وعفويتها ظاهره في كلامها  ........

............ بي لسان وتين............
    مشيت الدكان اشتري حاجات لي البيت وكدا وكان  نفسي في بسكويت بي الشاي  اشتريت حاجاتي وجيت دايره ادخل البيت لقيت عربية الولد واقفه بعيد من بيتنا شويه
قلت : دا شكلو كدا جاء سكن معانا في الحله يعني تاني اعمل حسابي وانا بقطع الشارع 😂( عمل لي رعب 😂) وعلى كدا جيت داخله البيت وانا مبسوطه شديد من فشتي في الولد دا ( لمن بطني بردت 😂)  جيت داخله كدا وبغني طوالي طقشت في زول وكيس البسكويت وقع دايره ارفع الكيس كدا رفعت عيني اشوف دا منو وكانت الصدمه 😳 .....

            # يتبع