سنيوريتا😍❤️

34

مشينا نغير لي الجرتق منذر مشى وانا جيت أغير الفستان وكان معاي البنات غيرت فستان الزفاف ولبست فستان الجرتق كان فستان احمر ما طويل يعني لحدي الركبة كدا ومعاه توب احمر خفيف ولبست الجدله والشبط شربت لي مويه وطلعت ومنذر جاء وكان لابس الجلابيه ومع الحنه دمااار🤤
قال لي : حلااااتها مرتي بالتوب
ابتسمت 😊🙈
... مشينا دخلنا الصاله وسوينا الجرتق ولمن جاء وقت أشرب اللبن وارشو في منذر
قال لي : اوووعِك
قلت ليه : لي؟؟
قال لي : لو رشيتي اللبن فيني والله بشرب جقمه كبيره وارشها فيك 😌وانت عارفه خشمي أكبر من خشمك عشان كدا من هسه ما تتهوري 😊
وحاتكم بس هو بتكلم كدا رشيت فيه اللبن 😂 وقعدت اضحك لمن اتشرقت 😂 طوالي هو قال الا بس يرش فيني اللبن زي ما رشيت فيه
قلت ليه: اوووعك الميكب دا بي قروووش حرام 😂😂
بقى بتكلم واللبن في خشمه قال لي : حرام يا كبيره 😂
قلت ليه : هيي الناس بعاينوا لينا ما تفضحينا
قال لي : حسابنا بعدين.. وبلع اللبن
قلت ليه :حلاااتو يا ناس شاااطر😂
... بعد خلاص خلصنا الجرتق وجينا ماشين ركبنا ومشينا البيت منذر وصلني البيت ومشى بيتهم يجيب شنطوا عشان مسافرين.. (وبالجد كان عرس خرااافي وفخم وكل الناس اتبسطت)
انا دخلت شلت شنطي وغيرت التوب بي فستان وقعدت مع ناس أمي شويه لحدي ما يجي منذر واصلا عمتي كانت قاعدة معانا
عمتي قالت : واخيرا بقيتي مرت ولدي بي حق وحقيقي ❤️ربنا يسعدكم ويبعد عنكم الحسد يا رب🤲🏻
قلت ليها : اللهم آمين 🤲🏻
امي قالت لي : والله حتفرقي معانا تاني انا اقعد مع منو والبساعدني منو 🥺
طوالي انا بكيت وقلت ليها : والله بجيكم كل جمعة 🥺
رائد دمع وقال لي : حنفقدك والله تاني نحن البهرشنا منو
ضحكت 😂وقلت ليه : ما تخاف لو ما جيت وهرشتكم بهرشكم بي التلفون 😉
آسر دمع وقال : والله حشتاق ليك ياخ يا عباس🥺 (طبعا عباس دي انا 😂 مرات بقولوا لي عباس عشان قاعده مع الاولاد وكدا يعني😂 وعشان لمن اقوم عليهم بخت انوثتي جانباً واعمل معاهم الواجب😌 وفعلا ببقى عباس😂)
قلت ليه : تتذكر لمن قلت لي اخيراً حتمشي وتريحينا وانا قلت ليك بعدين ببقى ليك بمبي اها بقى ليك بمبي ولا ما بقى؟ 😌
قال لي: والله بقى لي بمبي وبنفسجي وكلو😂
قلت ليه : جيب بوسه
قال لي: بطلي قلة ادب بوسه بتاع شنو 😒
قلت ليه : تعال ياخ😂
بستو هو ورائد وامي😘
ابوي كان واقف بعيد وزي الببكي مشيت عليه
قلت ليه : نبووو مالك بتبكي وواقف بعيد ما داير تودعني 🥺
قال لي : تعالى جيبي حضن
حضني وبكى (بالجد ابوي دا أقرب زول لي💕 ياخ هو بالنسبة لي صحبي وابوي وكل شي.. بالجد انا بحبووو شديييد💕 وما اتحرم منو أن شاء الله يا رب 🤲🏻)
قال لي : بقيتي كبيره وعرستي وبقى عندك راجل وبيت بتذكر لي الان وقت ولدوك وكنتي صغيرووونه🥺 هسه حتبعدي عننا ياخ نحن بعديك البيت ما بتقعد لينا😭 ياخ انتِ روح البيت وصوت البيت وفرحة البيت ورأس هوسنا🥺 ( وبالجد انا رأس الهوس في البيت لمن اكون قاعدة بجوط البيت دا كلو وأمسك دا وأفك دا 😂)
بكيت وقلت ليه : بالجد حشتاق ليك شديد🥺
قال لي : ما قدري والله
قلت ليه : خلي بالك من نفسك وانا بضرب ليك كل يوم تمام
قال لي : تمام وانتي كمان خلي بالك من نفسك ومن راجلك
قلت ليه : حااااضر😊
... جاء منذر وابوي نادانا نحن الاتنين
قال : منذر خلي بالك من وتين دي بتي الوحيده وما عندي غيرها 💕
منذر قال ليه : والله يا خالي وتين جوه عيني وفوق راسي وإن ما شالتها الأرض اشيلها جوه عيني ما توصي حريص وتين نعمة وما أنا البخلي النعمه 😊
ابوي قال ليه : انا واثق فيك عشان كدا اديتك بتي أبقى عليها عشره
منذر قال : ما تخاف يا خالي وما توصي حريص
ابوي قال لي : وتين خلي بالك من راجلك ومن نفسك ما تقصري معاه واحترميه وقدريه وابقى عليه عشره
وانا طبعا ببكي قلت ليه : حاضر يا بابا 🥺
ابوي قال : خلوا الحبل البينكم طويل وما تقطعوه واذا الأول رخى التاني يشد وإذا الأول شد التاني يرخي ما تشدوا انتوا الاتنين سوا تمام
قالوا ليه : حااااضر
ابوي قال : تعالوا جيبوا حضن
حضنا وطبطب علينا وحصنا وقرا لينا قرآن
وقال لينا : يلا امشوا بعد دا
جينا دايرين نمشي ابوي وقف منذر
قال ليه: تعال
انا خليتهم ومشيت....