سنيوريتا😍❤️

30

صحيت الصباح زي كل يوم دخلت الحمام استحميت واتوضيت وجيت صليت وقريت شويه قرآن ولبست لي الجامعة وقعدت شويه
ضرب لي منذر
قال لي : صباااحو💕
قلت ليه : يا هلا يا هلا
قال لي : كيف أصبحتي😊
قلت ليه : تماام الحمد لله وانت كيفك وكيف سماح وعمتو😊
قال لي : تمامين الحمد لله اها ماشه الجامعة؟
قلت ليه : اي ماشه
قال لي : خلاص يلا ما اعطلك امشي وبضرب ليك بعدين وخلي بالك من نفسك💕
قلت ليه : تمام وانت كمان
قال لي : يلا في امان الله😊
وقفل... انا نزلت تحت شربت الشاي ومشيت لي وجدان ركبنا ركشتنا (طاااااطااااااطاااااط😂وااي طولت من الحركة دي 😂)... وصلنا  نزلنا ودخلنا الجامعة سلمنا على لجين ولميس ودخلنا حضرنا المحاضره وكان عندنا اصلا محاضرتين خلصناهم ومشينا الكافتريا أكلنا وقعدنا نتونس
لميس قالت : والله امي مطلعة زيتي في البيت شي غسيل وشي نضافه والشغاله مؤجزه والشغل كلو واقع فيني عشان انا البت الوحيده😭💔
وجدان قالت : والعجب انا والله عندنا عرس ولد خالتي وامي مجرجراني معاها في الأسواق والحمد لله الليله العرس وهسه حرجع من الجامعه وحمشي العرس
قلت ليهم : حالتكم صعبه😂💔
بس قلنا لجين دي مالا ساكته كدا اتلفتنا عليها لقيناها بتبكي
قلنا ليها : بسم الله مالك😳
وهي بتبكي وبتتنهد انا مشيت جبت ليها مويه وجيت
قلت ليها : مالك؟
قالت لينا : انا امي متوفيه وهسه اتزكرتها واشتقت ليها شدييد😭💔
قلنا ليها : ربنا يرحمها ويجعل مثواها الجنه🥺 ( نحن لاحظنا كل ما نحكي عن أهلنا وكدا لجين دي بتكون ساكته وما بتشارك معانا نحن قلنا أحتمال امها تكون منفصله عن ابوها  عشان كدا هي عايشه مع ابوها وما عندها اخوان وما بتحب تتكلم في السيره دي لكن للاسف طلعت امها متوفيه 🥺💔)
قالت لينا : امي اتوفت قبل سبعة سنين بي حادث عربيه واصلا انا ما عندي اخوان وعايشه مع ابوي💔 انا موت امي دا أثر فيني شديد وغير شخصيتي تماماً🥺 انا ما اتصلحلت ورجعت زي ما كنت إلا بعد ما اتعرفت عليكم وما حكيت ليكم عنها عشان انا كل ما اتذكر واحكي بتعب شديد😭💔(كانت بتتكلم وبتبكي)
قلنا ليها : طلعتي متحمله دا كلو براك🥺
بس كلنا حاولنا ما نبكي قدامها حاولنا نسندها عشان ما تنتكس تاني
... ونحن قاعدين كدا جات سماح بس كلنا قشينا دموعنا
جات قالت لي : اووو مرت أخوي😍
قلنا ليها : اجي مرت اخوك عديل كدا😂😂
كلنا ضحكنا😂 حتى لجين💔... قعدنا شويه كدا وأي زول مشى بيته انا ووجدان ركبنا ركشتنا ومشينا انا اول ما دخلت البيت سلمت على ناس امي وطلعت فوق غرفتي غيرت هدومي وصليت وقعدت ابكي😭 بالجد لجين اثرتني شديد ما شفتوها وهي بتحكي ياخ بالجد بتحكي بي لهفه وشوووق انا بكيت لمن اتخنقت وصوتي راح😭... ضرب لي منذر  رديت ولقاني ببكي
قال لي : مالك خير
بس كنت ببكي وما رديت
قال لي : وتيني انتِ كويسه مالك بتبكي خوفتيني عليك مالك خير
قلت ليه : لجين يا منذر
قال لي : مالا؟؟
قالت ليه : طلعت امها متوفيه...بس وزدت في البكى
قال لي : ربنا يرحمها🤲🏻
حكيت ليه عنها لمن كانت بتحكي وبتبكي هو زاتو بكى معاي
قال لي : بالجد الأم دي ماف زيها وفقدها عظيم😔
قلت ليه : عظيم شدييد🥺
قال لي : ربنا يخلي لينا امهاتنا
قلت ليه : امين يا رب🤲🏻
قال لي : خلاص وقفي بكى وامشي صلى ركعتين وادعي ليها وانا بضرب ليك بعد شويه تمام
قلت ليه : خلاص تمام 👍 يلا سلام
قال لي : في امان الله ... وقفل
انا مشيت صليت ركعتين ودعيت لي أم لجين🥺
....
بي لسان منذر : 
بالجد وتين دي حساسه شديد يعني شالت مع صحبتها هماما ياخ بالجد وهي بتحكي وبتبكي لمن بكتني معاها  يارب تدي كل زول صحبة وصديقة زي وتين وبكرر وبقول يا بختي بيها ❤️
....
بعد صليت وجيت قعدت لجين ضربت لي طوالي وقفت بكى ورديت ليها
قلت ليها: يا هلااا😊
قالت لي: كيفك
قلت ليها : بخييير الحمد لله
قالت لي : اسمعيني في واحد من أهلنا وهو ولد خالتي أتقدم لي وابوي قال لي امشي اتعرف عليه ونطلع سوا ولو لقيتو بنفع معاي وفهمني وفهمته نحدد العرس بعد الجامعه😊 ودايراك تمشي معاي نلاقيه انا ضربت لي وجدان وقالت عندهم عرس ولميس بتغسل
قلت ليها : الف مبروك والله وربنا يقدم ليك الفيه الخير😊 خلاص يا زوله بمشي معاك طوالي انا عندي كم لجين بالله💕
قالت لي : تسلمي لي انتِ
بعد قفلت منها.. ضرب لي منذر
قال لي : بقيتي احسن؟
قلت ليه : الحمد لله .. اسمعني لجين ضربت لي قالت في زول متقدم ليها من اولاد أهلها ودايرين يطلعوا مع بعض نظام اتعرفوا على بعض وكدا وانا ماشه معاها
قال لي :  الف مبروك ليها.. خلاص ما ممكن تسوقيني معاك🙂
قلت ليه : تعال طوالي لو داير
قال لي : اي أكيد داير مش انتِ  خطبيتي😌رجلي على رجلك في أي مكان😉
قلت ليه: خلاص تمام😂 يلا المغرب كدا نمشي
قال لي : خلاص اجهزي وانا بجي بسوقك ونمشي
قلت ليه : تمام
وقفل
مشيت كلمت امي وقالت لي امشي اتغديت ..
وطلعت غرفتي وجهزت لي لبسه ( جم سوت بي اللون اللحمي ومعاه جكت مشكل بي اللحمي والاسود وطرحة بي اللون اللحمي وشبط اسود وشنطه صغيره سوده🖤..)
شويه كدا لبست لبستي ولبست معاها السلسل والساعة الجابهم لي منذر وعملت شوية ميكب  وطلعت توووووحفه 😍❤️... ضرب لي منذر
قال لي: يلا انا وصلت
اتريحت ونزلت كلمت ناس امي ومشيت على منذر من شافني بقى عامل كدا😍 وطلع هو زاتو لابس قميص لحمي مخطط بالاسود
قال لي : يا سبحان من خلقك ما شاء الله ومطقمه معاي كمان لالا عاد تمام ومافي كلام 💘
ضحكت 😂وقلت ليه : توارد خواطر😊
قال لي : تعالي احصنك عشان ما يسحروك لي😂
حصني ومشينا وصلنا المطعم القالتو لي لجين ودخلنا لاقينا لجين والولد سلمنا عليهم وقعدنا
لجين قالت لينا : دا محمد.. ويا محمد دي صحبتي وتين ودا خطيبها منذر
قال لينا : اتشرفنا
قلنا ليه :  الشرف لينا
( كان باين عليه ولد محترم ومهزب😊 وطلعت أمو برضو متوفيه💔.... لقيناهم بياكلوا في اسكريم... انا قلت ححاول اوصل ليهم المعلومه الو أمهاتهم عايشين اكيد كان حيوصلوها ليهم)
قلت ليهم : خلينا نخش في الموضوع طوالي عشان ما نطول عليكم.. قعدنا انا ومنذر جمب بعض ولجين ومحمد قصادنا
قلت لهم: يلا دايره اقول ليكم كلام اسمعوني كويس
قالوا لي : اتفضلي 😊
قلت ليهم : اول شي يا لجين اهل راجلك بعدين تختيهم جوه عينك وفوق راسك مهما عملوا وسوا وحتى لو طلعوا كعبين الناس بي المعامله الحلوه والطيبه بتعايشوا 😊 وراجلك ما تخليه لي زول ابقي ليه سندو وعكاز حياته 😊....
وتانياً يا محمد مرتك ما تقصر معاها😊 وانت برضو ختها جوه عينك وفوق راسك حبها حتفهمها وحتقدر تعيش معاها❤️ وأهلها برضو ختهم فوق راسك احترمها وقدرها.. وهي ما بنقصر معاك😊 وانتوا الاتنين ما تغلِطوا بعض قدام زول ادعموا بعضكم ودايما خليكم سند بعض ما تقصروا من بعض ابدااا.. ومهما الطرف التاني غلط الأول يقيف معاه وما يغلِطو قدام زول ويصبر عليه😊 خلوا بالكم طويل🙂 وما تدخِلوا طرف تالت بيناتكم خليكم سوا طول العمر وما بتجيكم عوجه بس اي واحد يتسند على التاني واي واحد يبقى عكاز التاني في النهايه انتوا ما ليكم غير بعض عيشوا بي قلب ابيض ما تدسوا من بعض شي خليكم صريحين مع بعض وكونوا واثقين من بعض الثقه اساس الحياة السعيده😊وانت يا محمد خلي مرتك تملأ عينك ❤️وانت يا لجين خلي راجلك يبقى ابوك واخوك وكلو شي ❤️ وبي كدا بتعيشوا احسن عيشه بس دايما خلو قلوبكم على بعض❤️ ... وصل👍
لجين بكت 😭وقالت لي : بالجد يا بختي بي صحبه زيك والله بقيتي لي زي امي🥺❤️
محمد قال : والله يا وتين انا لجين اختها جوه عيوني وفوق راسي وادخلها جوه قلبي واقفل عليها ودا وعد مني ليك وكلام رجال...!
منذر كان بعاين لي وبتبسم 😊
قلت ليهم : يلا نحن نمشي بعد دا انتوا زاتكم اكلتوا اسكريمكم براكم يا جبااارين😂 نحن ماشين ناكل اسكريم ونخليكم تقعدوا مع بعض شويه 😊
لجين قالت لي : هيي الاسكريم دا ما جبتو انا جابو لي خطيبي😂
قلت ليها: هيي انا زاتي بي خطيبي قوم يا ولد يا منذر ارح أكلني اسكريم😌
قال لي : حااااضر قومي بجيب ليك اسكريم أكبر من حقهم زاتو 😜
... ودعناهم وخليناهم بضحكوا فينا ومشينا شلنا اسكريمنا وبقينا بنتمشي في الشارع وناكل ومنذر ساكت ساي
قلت ليه : مالك ساكت؟
قال لي :  بحمد ربي عليك🤲🏻
بالجد كلامك قبيل دخل في قلبي قبل ما يدخل في قلب محمد ولجين ❤️ياخ بالجد البشوف شلاقتك وعوارتك وردحك وردمك بقول راسك فاضي😂❤️
قلت ليه : دا كلو فيني...انا شليقة ؟ انا عويرة ؟ انا ردامه ؟ ورداحه ؟ 🤨
قال لي: اي 😂لكن بعد دا بحبك😉
بس سكت ( اعمل شنو يعني سكتني😂)
قال لي : بالجد يا بختي بيك انتِ في كل موقف بتكبري في نظري اكتر
قلت ليه : دا الكان لازم اعملو هم لو كانو أمهاتهم عايشات كان قالوا ليهم الكلام دا صح ولا ما صح
قال لي : صاح وانت ما قصرتي وصلتي ليهم المعلومه واكتر
ابتسمت ليه 😊ورجعنا العربيه وصلني البيت ومشى
...
انا طلعت غرفتي صليت وجيت انوم ضرب لي منذر
قال لي : دايره تنومي؟؟
قلت ليه : اي
قال لي : خلاص بس كنت دايره اقول ليك تصبحي على خير
قالت ليه: وانت من اهلو... ونمت 😴

بس لسان منذر :
بالجد يا بختي بيها بت وااااعيه ومجنونه في نفس الوقت😂 بت عامله زي صباااح العيد وزي قطعت المارشملو على قول أسامة 😂❤️يلا انا بعد دا انوم وبضرب ليها الصباح 😴

بي لسان لجين :  
بي الجد وتين فرحتني شديد بي كلامها ياخ غطت مكان امي عديل كدا والله بت تستاهل يتقال عليها صحبه وصديقه واخت وأم في نفس الوقت بالجد يا بختي بي صحبه زي دي😊 ربنا يخليها ويحقق ليها مرادها ويسعدها🤲🏻...
...

كسرة.....
مجنونه حين احب❤️
طفله حين ابكي..
وكبيره عندما يتحدثون معي عن مشاكلهم😊..
وضعيفه جدا حين افقد من احب 💔
...

#يتبع