سنيوريتا😍❤️

2

..... الليله اول يوم لي في الجامعة  صحيت من الصباح الساعه 5 كدا دخلت الحمام استحميت وجيت صليت وقلت اقرا شوية قرآن ( اكتر سورة بحبها وبتريحني سورة يس💕) قريت كدا لحدي الساعة 6 وبعديها قمت قلت ألبس عشان ما اتأخر لانو مفروض اكون في الجامعه الساعه 7:30  لبست لي عباية بي اللون الكبدي والأسود وطرحتها كبديه ولبست معاها إسبورت اسود   وساعة  وشنطه ضهر صغيرة وعملت شوية ميكب  اصلا ما بحب الميكب الكتير  وطلعت توووووحفه..
      (  نوصف ليكم نفسي عشان تقدروا تتخيلوا معاي انا سمراء حبتين تلاته كدا 😂 شعري اسود وناااعم طولي ما طويله شديد وسط كدا يعني..  عيوني بين سوده وبنيه لكن فيها لمعه كدا مميزه حواجبي مقرونه وناعمه ومنظمه عندي غمازه في خدي اليسار  ).......

نرجع.....
   نزلت بنادي في امي لقيتهم كلهم مجتمعين سلمت على امي وابوي وصبحت عليهم شربت الشاي واتعاورت مع اخواني شويه كدا
بعد خلصت الشاي مرقت  بنمشي بي المواصلات انا ووجدان (يلا هي برضو برلومه معاي في نفس تخصصي ونفس الجامعه بي المختصر بنقرا مع بعض وقدر بعض ❤️) اصلا الجامعه ما بعيده شديد مننا مشينا  وقفنا لي المواصلات  لمن زيتنا طلع في النهايه  ركبنا ركشه 😂
   مشينا وكان أول  يوم لينا دخلنا  كدا ما عارفين  نعمل شنو ونسأل  منو لقينا لينا  بتين قاعدات وكانو مززززز بي شكل ما شاء الله سألتهم
قلت ليهم : لو سمحتوا ممكن سؤال
وحده ردت لي بي صوت مااااايع غايتو قربت اغمر😂
قالت لي: اتفضلي
سألتها من القاعه بتاعتنا وصفتها لي مشيت وريت وجدان الوصف ومشينا سوا على وصفها بس دايرين نتحرك كدا من جمبهم سمعناهم بضحكوا
ونحن ما اشتغلنا بيهم اصلا وما قايلنهم بتكلموا عننا مشينا مع الوصف وانا في الطريق بقلد في طريقة كلامهم ووجدان تشيل وتقلد
  مشينا ودخلنا في القاعه الوصفوها لينا لقينا الدكتور ياداب جاء بس قعدنا طوالي عاينا ورانا لقينا الناس ديل كلهم كبااااار ما اشتغلنا بي الموضوع😏
طوالي الدكتور قال لينا : يا بنات..
قلنا ليه: نعم
قال لي: انتوا برالمه؟؟؟؟؟
قلنا  ليه: أيوه
طبعاً القاعة كلها قعدت تضحك😂 ونحن ما فاهمين شي (بس بقينا زي الأطرش في الزفه) 😂
شويه كدا وياداب بدينا نستوعب !!!
     

# يتبع