سنيوريتا😍❤️

9

يلا احكي ليكم عن الدرامات الحصلت في الغرفه 😂 اصلا غرفتي فيها سرير واحد لكن كبيييير ( سرير دبل يعني) وسماح دي حتنوم معاي في السرير دا 💔طبعا جات رقدت اتقول سريرها 😂ما علينا بيها😏 بعد ما صليت جيت رقدت جمبها وبس حقااااره كدا رقدت في نص السرير 😂 ( خليها تقع انا مااالي😂 ) بعد ما رقدت
قالت لي : قومي طيري اقفلي النور دا
طبعا قلت ليها : انتِ بتتكلمي معاي انا😒
قالت لي : لالا مع قدام الوراك ( عويره مش 😂 لكن برضو قصفتني 😂 أنا كمان تجي تقصفني المااايعه دي دقيقه بس بسكتها ليكم هسه )
قلت ليها : اسفه قاطعتكم 😂( شايفين البرووود دا ؟؟ اها سكتها ولا ما سكتها 😂)
قالت لي : غايتو محن انا الله يمرقني من بيتكم دا
قلت ليها : نننننننن..... النور دا ما بتقفل انا ما بعرف انوم والنور قافل ( وحاااتكم كذااااابه انا اصلا لو ما قفلت النور ما بعرف انوم لكن بس عشااان خاطر عيونها السمحات ديل الليله بس النور يكون فاتح كدا 😂.. قلت ليكم انا كان قمت صعبببببببه.... 😂💔)
قالت لي : لا حنقفل النور
قلت ليها : اقفليه وبفتحو تاني ويين المشكله؟؟🙂
قالت لي : تمام... ومشت قفلت النور
طوالي انا قمت فتحت النور 😂
بقينا شغالين في النور طق طق طق طق طق لمن خفت اللمبة تحرق زاتو😂💔 في النهايه لمن هي تعبت قعدت تطنطن ونامت ( شفتوا كيف اصلا انا كدا عنييييييييده شديد ولو ختيت شي في راسي بعملو يعني بعملو 😌❤️)
و على كدا نمنا 😴......

........
الصباح صحيت زي الساعه 4:30 كدا دخلت الحمام وجيت صليت وقريت قرآن واصلا اليوم كان يوم سبت نزلت تحت وخليت سماح نايمه لسه نزلت سويت الشاي ورتبت البيت وشويه كدا وجوا عمتي وامي نازلين قعدوا شربوا معاي الشاي واتونسنا لحدي الساعه 8 كدا
عمتي قالت لي : يا وتين وين البت سماح دي
قلت ليها : نايمه يا عمتو ( نوم الظالم عباده😂)
قالت لي : واي منها علميها تبقى زيك كدا صاحيه من الصبح وعامله الشاي واي شي
قلت ليها : حاااضر يا عمتو ( هي دي بتتعلم بالله😒 خليني اقص ليها لسانها دا اول بعدين تعليم باقي الحاجات هييين😂)
سألت امي من آسر؟؟؟؟؟
قالت لي :بقرا في عرفته ( طبعا ما يفوت عليكم آسر دا بي لسانه الأطول منو دا ذكي وشااااااطر وما بقرا كتير لكن عقله ملان😂 احي عيني بارده عليه 😂)
مشيت لي آسر في غرفته وديت ليه الشاي وشاغلتو شويه كدا😂(قلت ليكم لو ما شاغلتهم ما برتاح ويومي ببقى مسيخ 😂) حتى تاني مشيت لي رائد
طبعا لقيته نايم بقيت بصحى فيه لكن المره دي صحيته بي أدب ( ما ذي المره الفاتت بي كباية المويه 😂 ربوني اليوم داك وتاني حرررمت الطريقه ديك 😂)
قلت ليه : رائد قوم خلاص كفاك نوم وآرث انت؟؟
قال لي : ياخ انتِ حتى في يوم اجازتي دايره تكرهيني😩
قلت ليه : غلطانه انا الدايره اصحيك😒
بعيده مشيت لبست عبايتي ومشيت لي وجدان وخليت سماح نايمه لسه فتحت لي الباب دلال سلمت عليها
قلت ليها : وين انتِ مختفيه كدا؟؟؟
قالت لي : والله مع الجامعه والمرمطه دي
قلت ليها : بالجد الله يعين بس
دخلت سلمت على مرييييييومه وبعديها سلمت على عمو حسام وقعدت اتونست معاهم شويه كدا حتى طلعت مع وجدان لي غرفتها
قالت لي: اها احكي حصل معاك شنو أمس انت والمايعه ديك
حكيييت ليها الدرامات ديك كلها وبعديها ضربنا لي لجين ولميس ( اشتقنا ليهم ياخ لينا يومين منهم❤️) برضو وجدان ما قصرت وحكت ليهم عن سماح بت عمتي وطلعت هي نفسها البت بتاعت الجامعه الغشتنا بي القاعه الغلط والكشحت فيها انا العصير😂 حكت ليهم الموضوع كلووو وبعديها عملنا قروب في الواتس قعدنا نتونس كدا لحدي ما انا رجعت البيت زي العصر كدا وبقيت متواصله معاهم في القروب وطبعا بكره يوم الأحد يعني حأمشي الجامعه بس دخلت البيت عملت مع امي الغدا وبرضو عمتي تشيل وتشكر فيني😌 بعد اتغدينا وغسلت العده دايره اطلع فوق لي غرفتي وسماح يا داب كانت صاحيه من النوم ( الساعه 3:30 يا جماعه دا ما نوم دي غيبوبه اقسم بالله 😂) لاقيتها في السلم طقشتني بي كتفها
وقالت لي : بالغلط
انا ما اشتغلت بيها كتير😏 وطلعت صليت العصر وجهزت حاجاتي لي الجامعه وأثناء ما انا بجهز في لبستي كدا جاتني سماح
قالت لي : انا جيعانه جيبي لي حاجه أكلها
وطبعا انا عملت فيها طرشاااااء 😂
في النهايه قالت لي: انا مش ضيفه عندكم ( ضيفه بتاع شنو بالله دي شويه وحتطردني من بيت ابوي 😂)
قلت ليها : أكلك في المطبخ.... بس وعلى كدا سكت 😂
شويه كدا بعد كويت لبستي ونزلت تحت لقيت عمتي وامي بتكلموا
عمتي قالت لي أمي : ولدي منذر دا قال بجي بكره هو الليله قاعد مع صاحبو.....
امي قالت ليها : حبااابو عشره
انا ما اهتميت بي الموضوع سلمت عليهم
عمتي قالت لي : سوي لينا شاي من يديك السمحات ديل ( اي اي عارفه يديني سمحات 😂 هييي والله عمتي دي بتكبر لي في راسي من جات 😂)
قلت ليها : حاااااضر يا عمتو بس كدا.. انتِ تامري أمر ( قلت ليكم إحترم تُحترم😌... عشان هي ظريفه معاي انا عسسسسسسل معاها ) سويت ليهم الشاي وطلعت فوق صليت المغرب وشويه كدا صليت العشاء ويا نوم جاك نفر وما عارفه سماح مشت وين زاتو المهم ما علي بيه نمت 😴.....

# يتبع