سنيوريتا😍❤️

12

جيت داخله كدا وبغني طوالي طقشت في زول وكيس البسكويت وقع دايره ارفع الكيس كدا رفعت عيني اشوف دا منو وكانت الصدمه 😳 اتخيلوا لقيت منو في بيتنا وخبطني منو؟! طلع  دا نفس الولد بتاع العربيه داك
قال لي : انتِ يا بت عميانه ولا حاجه بس كدي فهميني
قلت ليه : عميان انت ما عميانه انا... هسه الضرب التاني منو؟؟ ثم ثانياً انت المدخلك البيت دا شنو؟؟
قال لي : انا المفروض اسأل السؤال دا.. انتِ  المدخلك البيت دا شنو؟؟ يلا اطلعي بره ( اتخيلوا بس قالوا جدادة الشارع طردت جدادة البيت 😂)
قلت ليه : انت التطلع برا ما انا  تمام.... دا بيت ابوي انت جايي تطردني من بيت ابوي؟! يلا براااا
قال لي : بيت ابوك بتاع شنو انتِ منو اصلا؟؟
قلت ليه : انت مالك بس اطلع برا
قال لي : قولي اسمك وبطلي لماضه
قلت ليه : انا وتين
قال لي : وتين منو؟؟
قلت ليه : انت مالك داير تطلع لي بطاقه ولا جواز ولا شنو بالضبط؟؟
قال لي : يا حولاااا انا زوله زيك كدا ما لاقتني ولسان أطول من لسانك دا ما لاقاني
قلت له : شكرا😊 يلا اتخارج
قال لي : انتِ اسمك وتين نبيل؟؟؟
قلت ليه : اي كويس والله  طلعت بتفهم ما شاء الله من قبيل ما تشغل مخك دا 😏
قال لي : استغفر الله بس
ونحن بنتشاكل كدا جات امي قالت لي : وتين انتِ جيتي متين؟
قلت ليها : جيت هسه وطقشني الولد دا... دا منو يا أمي
قالت لي : دا منذر ولد عمتك محاسن ( تتخيلوا بس الولد دا طلع ولد عمتي 😂 عمتي العسل دي جايبه ليها ولد مووووتخلف😂 وبت عويييييره😂 الله يعينها..... عمتي دي ما تستاهل والله😂)
طبعا انا بقيت عامله كدا 😳 ومنذر بعاين لي بي طرف عينو😒
امي قالت : يا منذر دي بتي وتين ويا وتين دا ولد عمتك منذر زي ما قلت ليك
منذر بي تحت بطنطن.... بت السواد هسه دي بت😒...
امي قالت لينا : مالكم كانت أصواتكم عاليه كنتوا بتتكلموا في شنو؟؟ انتوا كنتوا بتعرفوا بعض قبل هسه؟؟
منذر قال : لالا ما كنا بنعرف بعض وما حصل اتلاقينا زاتو بس هسه طقشتها بي الغلط واعتذرت منها ( نكرني عديييل 😂 + كذاااااب ما اعتذر ولا شي.. من متين كان الاعتذار كدا شوفوا بالله😂)
قلت ليها : بري ما حصل شفتو قبل كدا بس هسه جيت داخله لاقيتو ( نكررررت الولد 😂 مش هو نكرني كمان انا زاتي دايره بيه شنو بالله😒)
امي قالت لينا : يلا خلاص خشوا جوه
دخلنا وانا اشيل واحمر لي منذر دا وهو زاتو يحمر لي  دخلت سلمت على عمتو وبابا وسماح........ رائد وآسر دايره افطهم كدا قلت عيب احرجهم قدام ناس عمتي وكدا😂💔 بس مديت يدي لي آسر سلم على بي أطراف أصابعه ( كلب خلاص 😒) جيت اسلم على رائد
قال لي : معليش ما بصافح 😊
قلت ليه : انا اختك يا بقره ما بتصافح بتاع شنو (واي طبعا اخرجني وطير جبهتي 😂 هسه بالله من الاول لو كان فطيتهم ما كان احسن 😂 غلطانه انا 😒 رمممممممم😂)
يلا قعدنا شويه كدا واشيل واتونس مع عمتي (بالجد حبيتها شديد وهي زاتها بقت قريبه مني شديييد❤️) شويه كدا جاء وقت الغداء طلعت فوق غرفتي دخلت الحمام استحميت وجيت صليت ونزلت تحت عشان اجهز مع امي الغداء جهزناه ورصينا الصينيه وقدنا أثناء ما نحن بناكل كدا
آسر قال لي منذر : هييي آكل سريع قبل ما وتين دي تخلص الاكل احسن ليك من هسه انا حزرتك ( واي التااافهه اخرجني 😂 في داعي هسه لي شيل الحال😂 الله يجازيهم )
طوالي منذر قعد يعاين لي ويضحك نظام فضحووووك😂
وانا من محلي بحمر لي آسر... خلصنا كدا لميت الصفره وساعدوني آسر ورائد ومنذر برضو ( اتخيلوا طلع منو فايده منذر دا 😂) انا غسلت العده وآسر مشى يخم الوسخ التحت الصفوه ( طبعا انا معوداه من نحن صغار اول مما ناكل يجي يخم تحت  الصفره 😌ديل تربتي ياخ😌.... نحن ما عندنا العنصريه بتاعت البت بس هي البتنضف لا والف لااااا اخواني بساعدوني وغير كدا عشان انا البت الوحيده زي ما قلت ليكم)
.. سويت ليهم الشاي ووديتو ليهم شربوه.. ووديت عدة الشاي غسلتها وطبعا سماح دي ملعقه ما بترفعها بتعاين وبتاكل وتشرب بس ياخ الاولاد ساعدوني وهي قاعده ساااي بس زيادة عدد😒 ما علينا بيها لكن انا إلا اجيب رأسها دا المفتريه دي.. وطبعا عمتي تشيييل وتشكر فيني وكل دقيقه تقول لي سماح شوفي واتعلمي 😂 طلعت غرفتي اصلي المغرب صليت كدا.. وضربت لي وجدان احكي ليها انو الولد بتاع العربيه طلع منو في الآخر.... بس ضربت ليها كدا قبل ما الجرس الأول يتم ردت علي
قلت ليها : زفتووووووونه اخبااارك
قالت لي : سنيووووره السجم.. تماام الحمد لله
قلت ليها : هسه خلينا من زفتووونه وسنيوووره وسجم
ما شفتي حصل معاي شنو
قالت لي : اها اها احكي احكي ( طبعا وجدان دي جنننها شمارات 😂)
قلت ليها : تتذكري لمن قلت ليك في ولد كان لاقاني بي العربيه لمن انا كنت بسمع في الاغاني بالسماعات وهو بضرب في البوري وانا ما كنت سامعاه واتشاكلت معاه وكدا
قالت لي : اهاااااااا اي اتذكرت مالو
قلت ليها : الليله لاقاني تاني لمن كنت راجعه من بيتكم وكان سايق العربيه بي سرعه وقرب يطقشني تاااني اتشاكلت معاه وردحت فيه ردح نضيييف 😂😂ما عارفه زاتي قلت شنو من شدة ما كنت بتكلم سريع
قالت لي : اها وتاني
قلت ليها : يلا  مشيت الدكان وجيت داخله البيت واتطاقشنا وتاني اتشاكلنا وفي النهايه طلع ولد عمتي محاسن
قال لي : شنو 😳 احلفي 
قلت ليها : اقسسسسسسسسم 😂
قالت لي لالا خلاص بكره من الصباح بجيكم اشوف الولد دا شكلو كدا قررررررض بي شكل 😂
قلت ليها : انا اقول ليك شاكاني وشاكلتو تقولي لي قرض يلا زاتو اقطعي وشك مني وقفلت ليها الخط في وشها
( قرض قال 😏 تصدقوا انا لي الان ما ركزت فيه وما عارفة شكلو كيف زاتو من كترة المشاكل 😂غايتو الله يهدينا😂) قلت غايتو لكن صدددف غريييبه..... وعلى كدا صليت العشاء ونمت 😴........

......... بي لسان منذر:
البت دي طلع اسمها وتييين وبت خالي نبيل كمان... لكن اسمها بالجد حلووووووو زيها كدا😍 ياخ فيها شي كدا مميييييز ومختلف عن كل البنات عندها لمعه كدا في عيونها جذاااابة وبتعكس ليك براءتها غايتو بس استغفر الله صحي لسانها طويل حبتين تلاته عشره كدا 😂 لكن  عفووووويه وغير كدا تعاملها حلوووو مع امي❤️ يعني بتحترم الناس شدييييد وقلبها ابيض .. لكن ما عارف هي  مالا معاي😒.. لكن بالجد حسيتها طفله عديل من تصرفاتها ... ما عارف لي انا بفكر فيها؟؟ يا ربي لي؟؟ احسن لي انوم وما افكر فيها كتير وعلى كدا نمت 😴.....

# يتبع