سنيوريتا😍❤️

3

شويه كدا وياداب بدينا نستوعب !!!😶
   البنات طلعوا غشونا 😂  عملوها فينا لكن. اتحرجنا حرجه انا ووجدان😂 طوالي اعتذرنا من الدكتور وخليناه يوصف لينا القاعه وعملنا انسحاب تكتيكي 😂 مشينا على وصف الدكتور لي القاعه ودخلنا لقينا ناس كتار  قعدنا انا ووجدان مع بعض مستنين الدكتور  وبقينا نخطط حنعمل شنو لي البنات الرمم الغشونا ديل وأثناء ما نحن بنخطط كدا الدكتور جاء داخل قعدنا  اتكلم عن الجامعه وأنها بتختلف عن الثانوي والاساس في شنو ومحتاجه اهتمام وما ادراك وما تعملوا حاجات غلط وركزوا في قرايتكم وبس انتوا جايين هنا عشان القرايه ما عشان حاجه تانيه ووو....  بعد انتهى طلعنا كدا مشينا الكافتريا كنت جيعانه شويه . وجدان اكلت شاورما اما انا اكتفيت بي عصير بس وقلت باكل لمن ارجع البيت  وجدان أكلت و شربت عصير
خلصنا واصلا ما كان عندنا محاضرات تاني .. وعلى كدا رجعنا البيت واتمرمطنا مرمطه في الطريق بي سبب المواصلات لحدي ما وصلنا البيت وجدان دخلت بيتهم  وانا دخلت بيتنا جيت العصر كدا لقيت آسر جاء وبياكل في شيبس وامي في المطبخ وابوي في الشغل
قلت لي آسر: اديني معاك شيبس
قال لي : ماف يا زوله
قلت ليه : ياخ بطل  عواره اديني
قال لي: ماااااااف😒
قلت ليه : اصبر الموز بجيبك يا قرد 😒😒
وعلى كدا طلعت غرفتي استحميت واتوضيت وطلعت صليت ورقدت نمت
صحاني آسر قال لي قومي  المغرب اذن  قمت صليت ونزلت آكل عشان جيعانه لقيت رائد وآسر ابوي وامي سلمت عليهم
امي : أمشي يا وتين اكلي اكلك في المطبخ
قلت ليها: خلاص سمح مشيت واكلت وطلعت غرفتي بس شويه كدا ضربت لي وجدان
قالت لي: مساء الخير..
قلت ليها: مساء النور 
قالت لي: اها بتعملي في شنو
قلت ليها : بتكلم معاك 😂
قالت لي: يا سجم ما تتلامضي معاي بي رصيدي   😂😂
قلت ليها: خايفه على رصيدك كدا مالك انتِ يا جبااااره يا مقحطه 😂😂😂
قالت لي : اها خلينا في المهم دايراك في موضوع
قلت ليها : اها شنو احكي
قالت لي: تعالي لي في البيت
قفلت منها و لبست توبي ومشيت ليها فتحت لي امها
طوالي نطيت فيها
قلت ليها : مريووووومه😍
قالت لي: يا بت انتِ حتكبري متين 😂
قلت ليها : ما بكبر بس بقعد اعذبكم كدا 😂😂 ( مريووومه دي ام وجدان وهم اصلا جيرانا من زماان شديد مما كنا صغار وهم أصحابنا شديد حتى ابو وجدان صاحب بابا وشغال معاه في الشركه.. وامها صحبت أمي وكدا يعني الحاله وحده..... وانا ما بحب اقول ليها خالتو مريم  بقول ليها مريووووومه صغيره وكيوت كدا عشان كدا ما بحب أكبرها بي خالتو دي😂)
  #نرجع....
مشيت لي وجدان  في غرفتها
قلت ليها : زفتووووووونه اخبااارك. 😂
قالت لي : سنيوره السجممممم... تماااام  هسه خلينا من زفتووونه وسجم.. ابوي قال حيشوف لينا ركشه تودينا وتجيبنا من الجامعه بدل المرمطه دي😂
قلت ليها : ظابط يا زوله
و على كدا رجعت البيت وكلمت امي وابوي بي كلام وجدان
قالوا لي : اي احسن ليكم من المرمطه دي لكن بس نشوف ليكم بتاع ركشه كويس
   ابوي وعمو حسام ( ابو وجدان ) مشوا مع بعض لي واحد محترم كدا هو في الحله معانا وعندو  ركشه كلموه ووافق ..
ضربت لي وجدان وكلمتها بي موضوع الركشه
  بس وعلى كدا صليت العشاء ونمت...
     
        # يتبع......