سنيوريتا😍❤️

7

صحيت من الصباح الساعة 4:30   لحدي ما دخلت الحمام وجيت صليت وقريت قرآن ( سورة الكهف)❤️ قعدت شويه كدا ما كنت قادره انوم تاني...  اتزكرت كلام امي أمس  انو عمتي محاسن جايه وكدا.... يلا نزلت سويت الشاي ونضفت البيييت كلووو خليتو بسوي كدي👋👋👋وولعت البخور واحي كدا يا داب ارتحت. شويه كدا حتى امي وابوي واخواني جوا نازلين  قعدنا مع بعض اتونسنا وانا وآسر ورائد نشيل ونتناقر ونشاغل في بعض😂( قلت ليكم ما بنعرف نقعد بي أدب.... بنكبر عمراً😂 ونصغر عقلاً😂)
قمت قلت لي آسر:  آسر انت مش ممتحن لي ما بنشوفك بتقرا.....( لازم اشغلها ليه طبعا لو ما شغلتها ليه ما برتاح 😂)
ابوي قال لي : هو اصلا انا حالف لو ما جاب درجه كويسه ما بقعد معانا في البيت
امي قالت : هييييي مالو ولدي ما بجيب درجة كويسه شوفوا لو ما جاكم اول السودان مش يا آسر ( أمي طباااله كبييييره😂❤️.. مش قلت ليكم دا ود اموو آخر العنقود عاد 😂)
آسر : اي يا أمي تسلمي لي انتِ جيبي بوسه😘 ( وباسها في رأسها😘)
رائد : خلوه يا جماعه هو بقرا... مش يا آسر انت قاعد تقرأ
آسر : اي بقرا مالي ما بقرا مالك قايلني فلانه دي ولا شنو ( ما يفوت عليكم فلانه دي انا😂)
طوالي انا قلت ليه : فلانه البتتكلم عنها دي دخلت صيدلة الخرطوم 😌يعني ما اي جامعة وبي نسبتها يا عسل  😏( سكتوا ليكم ولا ما سكتو😂احي فديييتني 😌❤️)
آسر قال : اي اي خلاص سمح سمح
رائد : اي شااااطره بت ابوك انتِ مش 😂
انا قلت ليهم : اي بت ابوي يعني بت منو مثلا ومشيت بست بابا في راسه😘 من هناك امي بتعاين جيت بستها😂😘 ( قلت ليكم بتغيييييير 😂)
المهم على كدا بدينا نجهز في الفطور   انا وامي شويه كدا الفطور جهز قعدنا نفطر واثناء ما انا بفطر
آسر قال : شوفوها أكلت كم عيشه كملت الأولى وقبلت على التانيه 😂 جيبوا لي كيس العيش دا ختوه لي هنا جمبي😂 ( هوييي والله ما تظلموني دا ولد عولاق ساي وانا باكل براحه وهم بياكلوا سريع اعمل ليهم شنو يعني وغير كدا أمس ما إتعشيت .... جيعانين ديل😏... بعاينوا لي في اكلي عشان كدا انا زاتي ما بعرفه بمشي وييييين😂)
قلت ليه : انت مالك العيش دا بي قروشك( طيرت ليه جبهتو  بعييييد😂 )
طوالي نط رائد : اي ما بي قروشه لكن هو مشى وقف في صف العيش من قبل الصبح ( ليه حق يتكلم كان كدا انا اسكت ساي 🤐)
قلت لي رائد : انت الناطق الرسمي بي لسانو ولا شنو مالك ومالو خليه يتكلم براه (شايفين قصفت  ليه ام جبهتو زاااااتها 😂)
نط آسر قال: رائد أين جبهتك انا لا أراها ( شايفين الحاله رائد بدافع ليه واتقصف بي سببه وجاء هو يتريق عليه😂....... الحسنه في الملعون بس) ... يلا نرجع..
رائد قال ليه : غلطان انا البدافع ليك يا بقرررررره يلا كان اخليها تقصفك احسن ... غلطان انا 😒...
انتهينا من الفطور وانا غسلت  العدة وسويت ليهم الشاي وقعدنا شويه حتى مشينا نجهز انا وامي الغداء ( عشان زي ما قلت ليكم قبيل عمتي جايه)  أثناء ما نحن بنجهز في الغداء كدا اتذكرت وجدان قمت مشيت ضربت ليها
قلت ليها : دووودوو اخبارك شنو
قالت لي : سنيوره السجم  مشتاقين💕
قلت ليها : انا اقول ليك دودو تقولي لي سجم 😏( عشان كدا ما بنفع معاها غير اسم زفتوووووونه 😂)
قلت ليها: ما دايره اتلامض معاك بي رصيدي😂 تعالي لي في بيتنا الليله جايين ناس عمتي
بس شويه كدا جات وطبعا من الباب بتتشاكل مع رائد😂 ( قلت ليكم البت دي تربتي😂)
قام رائد جراها من كعكة شعرها بي ورا😂 وهي مسكتوا ردحت فيه وبعد انتهت منو وما خلت ليه جنبه ينوم عليها جاتنا في المطبخ طوالي سلمت علينا
وجدان : دووووودي ( طبعا دووودي  دي لي امي انا هنادي😂بتقول ليها دوودي )
قلت ليها : دووودي حاف كدا يا قليلة الادب
قالت لي : هييي انتِ مش قاعده تقولي لي امي مريوومه حصل سألتك😏 (جبهتتتتتي يا جماعة انا ما شايفها شايفنها انتوا؟؟؟ 😂)فتحت التلاجه وطلعت الاكل وبدت تأكل ( قلت ليكم ما عندها أهم من بطنها دي😂)
قلت ليها : نحن ما ضربنا ليك عشان تاكلي.. عشان تعملي معانا الاكل😏
طوالي قالت لي امي : دووودي شوفي وتين دي😔
امي قالت لي : خليها تاكل انتِ كمان هسه مش أكلتي... خليها تاكل يلا بي الهنااا يا وجدااان ❤️
انا طبعا سكت(سكتوني اعملي شنو يعني😂)
شويه كدا ابوي ورائد وآسر مشوا يجهزوا لي الصلاة طلعوا فوق ونحن بعد شويه انتهينا وانا سويت بسبووووسه ❤️( طبعا بمووووت في البسبوسه انا 😍🤤)  جوا نازلين الجلاليب دي تسوي كدي 👋👋👋 طوالي بدينا نشاغل فيهم انا ووجدان😂 ( قلة أدب مننا بس )...
     
    # يتبع