سنيوريتا😍❤️

26

صحيت الصباح وصَحيت معاي سماح صلينا وقرينا شوية قرآن ونزلنا تحت سوينا الشاي ولقينا الاولاد وابوي جايين من الجامع شربوا معانا الشاي... شويه ونزلوا امي وعمتي سلموا وقعدنا شربنا الشاي
ابوي قال : اها نتحرك الساعه كم؟؟
عمتي قالت : والله هي المزرعه ما قريبه عشان كدا لازم نمشي بدري عشان نرجع بدري
امي قالت : خلاص نحن نتحرك الساعه ١١ كدا
ابوي وعمتي قالوا : اي كدا مناسب يلا يا بنات اجهزوا
قلنا ليهم : خلاص تمام
قلت لي امي : امي ممكن أكلم وجدان ولجين ولميس يمشوا معانا
قالت لي : اي كلميهم مالو يمشوا معانا طوالي
... بعد شربنا الشاي سوينا الفطور وفطرنا انا وسماح غسلنا العده طلعنا فوق نلبس وأي زول مشي يجهز عشان خلاص ساعه كدا ونطلع... انا بعد طلعت فوق ضربت لي لميس
قلت ليها : يا هلااا كيفك
قالت لي : تمام والله بس عندي إلتهاب
قلت ليها : سلامتك يعني ما حتقدري تمشي معانا المزرعه؟؟
قالت لي : لالا والله امشوا انتوا واتبسطوا لي معاكم😂
قلت ليها : خلاص سمح يلا سلام....... وعلى كدا قفلت
قلت اضرب لي لجين جنها مرقه😂... ضربت ليها
قلت ليها : يا هلا اخبارك
قالت لي : تمام
قلت ليها : بي اختصار كدا نحن مارقين لي المزرعه وحنمشي كلنا ومعانا سماح ووجدان اها بتمشي معانا؟
قالت لي : قدااام يا زوله هسه بلبس سريع وبجيكم( أصلها ما بفوت ليها مرقه 😂)
.... ضربت بعديها لي وجدان
قلت ليها : اسمعيني اجهزي سريع ماشين لي مزرعة جدي
قالت لي : خلاص بكلم امي وبجي
قلت ليها : سريع لكن
قالت لي : سمح
... بدينا نلبس انا طلعت لي كم لبسه كدا وسماح بدت تلبس لبست من دولابي فستان كبدي... انا جيت افتش لي شي ألبسه طلعت لي تلاته فساتين من ضمنهم كان الفستان الجابو لي منذر هديه داك ( اتذكرتوه؟؟؟) يلا بس سماح قالت لي الا تطقمي معاي الليله
قلت ليها : خلاص تمام👍... ولبست الفستان الكبدي مع الطرحه والشبط والشنطه وحبة ميكب طلعت تووووووووحفة😍❤️.... بعد لبسنا نزلنا تحت لقينا الاولاد قاعدين ومنتظرننا بس فضل امي وعمتي وابوي بس بعد نزلنا كدا جوا هم نازلين آسر ورائد يشيلوا ويشاغلوا فينا انا وسماح وانا اشيل واتعاور معاهم 😂 بعد شلنا أكلنا وحاجاتنا بقينا طالعين عمتي وامي وآسر ورائد ركبوا مع ابوي ونحن قالوا نمشي مع منذر عشان بعرف المزرعه وين وكدا
وكان اصلا فضلنا انا وسماح ومنذر يلا شويه كدا جات وجدان... وتاني شويه وجات لجين...
منذر قال : مدام كلكم جيتوا ارح بعد دا
... سماح ركبت قدام مع منذر وانا ووجدان ولجين ركبنا ورا والشارع كلو لجين بتقرص فيني
قالت لي : دا منو الولد السمح دا ما عرفتيني عليه من زمان مالك
قلت ليها : اسكتي يا فضيحه بعدين بعدين بوريك😂
....

بي لسان منذر : ...
والله والله لمن جات نازله من السلم ولابسة الفستان الجبتو ليها قلبي عمل شششششح ❤️ياخ بت آيه من الجمال انا لمن سرحت ياخ😂 بس كل البقدر اعملوا احصنها واقول الله يحفظها🤲🏻.....
........

اتونسنا لحدي ما وصلنا وكانت ما بعيده شديد لكن برضو ما قريبه... يلا وصلنا وكانت حاجه كدا في منتهى الوبعلي😍 سمحه سماااحه ونضيييييفه وشجرها كبيييير واخداااار وفيها نظام قطااطي وفيها بيت لكن ما كبير بي الخشب يعني بس لو شفتوها بتقولوا ما في السودان 😂 لقينا ناس امي وصلوا قدامنا مشينا عليهم وبقينا بنتونس وشويه كدا بدينا نجهز في الغداء جهزنا الشوايه والأولاد سوا اللحمه وكانت رهييييبة... رصينا الغداء
.......
بي لسان منذر : ...
وين اسامه دا رسلت ليه الموقع لكن لسه ما وصل.... بس فجأة تلفوني ضرب وكان دا اسامه
قال لي : وينك يا حبيبنا انا وصلت اطلع لي بره
قلت ليه : خلاص ظابط
... مشيت جبت اسامه وجيت...
.....

نحن رصينا الغداء وعملناه على صينتين عشان نحن كتار بعد اتغدينا ولمينا الصحانه كنا جايبين معانا ببسي وزعناه وقعدنا انا والبنات برانا وامي وعمتي براهم والأولاد براهم... كان العصر اذن صليناه وبقينا قاعدين
... جاء منذر قال داير يعرفنا على صحبو اسامه دا
جاء صحبو وسلم علينا ومشى
....
عند ناس منذر :....
اسامه : ااااوووبا دي منو المزه الجامده دي يا منذر😍
منذز : قصدك منو؟؟
قال ليه: اللابسه فستان كبدي
منذر : يا اهبل دي اختي كيف تقول عليها كدا😒
اسامه : ياخ اختك بعرفها انا قصدي التانيه
منذر : دي بت خالي وانا في رأيي احسن تتلم😒
اسامه : خلاص خلاص بتلم لكن الصراحه بت عامله زي قطعت المارشملو😍
منذر : اسامه انا قلت شنو😒
اسامه : خلاص ابرد يا شاب معليش معليش😂
.......

... كان ماف موضوع وجونا ناس رائد
قالوا لينا : تعالوا نقعد نلعب لينا لعبه
مشينا قعدنا على شكل دائره كدا نحن والأولاد... البنات بي جهه والأولاد بي جهه
قلت ليهم : اها نلعب شنو
قالوا لي : اي شي
أسامه قال : انا جبت معاي الجيتار بتاعي رايكم شنو اجيبو ونغني
قلت ليه : بتعرف تعزف؟؟
قال لي : دا كلامك اصبري بس بوريك هسه😂
ومشى....
انا قلت لي منذر : هيي صحبك دا بعرف ولا بتشالق ساي؟ 😂
قال لي : لالا ما تخافي بعرف بعرف 😂
... شويه كدا اسامه جاء
قال لينا اها حنتقسم بت وولد بت وولد تمام
قلنا ليه: تمام
يلا اتقسنا والقسمه كانت كالآتي:
سماح واسامه..... رائد ووجدان.... آسر ولجين.... انا ومنذر...
اسامه قال : اها الحيبدأ منو
كلهم سكتوا
قال :خلاص نبدأ نحن يا سماح
قالت ليه: ارح خلاص
يلا غنو غنية ( سائلين عليك كل العباد)
بعدهم جاء دور رائد ووجدان.... بعديهم دور أسر ولجين... وكلهم كانو تووحفه وكل فريق احلى من التاني❤️.. واسامه طلع فنااان وبعزف حلوو😂.
يلا جاء دورنا انا ومنذر
قال لي: اها يا وتين نغني شنو؟؟
قلت ليه: ارح نغني غنية...
َ.....

# يتبع