سنيوريتا😍❤️

17

                              
لقيت وجدان قاعده لي بالمرصاد ومستنيه الشمااارات ( قلت ليكم فلانه دي جنها شمااارات😂)
قالت لي : دا شنو دا يا فلانه
قلت ليها : شنو
قالت لي : شايفاك كمان بقيتي تتونسي مع منذر😉
قلت ليها : بس وصاني على سماح وكدا
قالت لي : ااااا.... اها ما وريتيني اللبسه السمحه دي جبتيها من وين ما حصل شفتك لابساها لااازم انا اجربها😂
قلت ليها : جابها لي منذر
قالت لي : شننننو😳احلفي
قلت ليها : اقسسسم
قالت لي : لالا معناتها الموضوع داير ليه قعده تعالى احكي لي اصلا لسه بدري على المحاضره.. بس دايرين نقعد كدا جوا لميس ولجين وبدوا يشاغلوا فيني
قالوا لي : دا شنننو دا يا جميل يا ساده انت 😂
قلت ليه : غايتو انتوا
قالوا لي : مالك الليله سمحه كدا😂
طوالي وجدان قالت ليهم : هيييي اللبسه دي جابها ليها منذر تعالوا نسمع الشمار
يلا قعدنا وبديت احكي ليهم من ما دق باب الغرفه... حكيت ليهم اي شي ( وهم اصلا صحباتي وانا بحبهم شديد وما بدس منهم حاجه هم بشاركوني حاجاتهم وتفاصيل يومهم وانا كمان بعمل معاهم نفس الشي بنصحوني وبنصحهم  ودي الاسمها الصُحبه والصداقه الصاح👌) بعد حكيت ليهم
قالوا لي : لالا الولد بالجد زوقو حلوووو شديد
ورااااقي كمان💕
وجدان قالت ليهم: انتوا ما شفتوه انا شفتو ولد كدا عامل زي صباح العييد😂
قلت ليهم : هيييي دي كمان بتبالغ شديد
قالوا لي: خلاص نحن زاتنا دايرين نتعرف على الشخصيه دي
قلت ليهم : خلاص لو جات فرصه بعرفكم عليه
قالوا لي: لكن شكلوا الولد معجب بيك
قلت ليهم: لالا الحكاية ما كدا بس هو اداني هديه عشان مشيت معاهم السوق وكدا😊
قالوا لي : اهاااا
قلت ليهم : يلا بعد دا المحاضره ارح
مشينا حضرنا المحاضره وبعديها مشينا الكافتريا أكلنا وتاني كان فضل لينا محاضره واحده خلصناها.. لجين ولميس مشوا على بيوتهم وانا ووجدان انتظرنا سماح عشان لسه كانت عندها محاضره بعد انتهت جينا دايرين نمشي
سماح قالت: نضرب لي منذر يجي يودينا البيت؟؟
قلت ليها: لالا ارح نركب ركشه
ركبنا ركشه ووصلنا البيت واصلا كان امتحاناتنا فضل ليها 3 ايام انا دخلت سلمت على ناس البيت وطلعت فوق استحميت وجيت صليت وقعدت اقرا لحدي العصر كدا صليت العصر ونزلت تحت لقيت في امي وعمتي بس
عمتي قالت لي : يا وتين وينك الليله مختفيه كدا
قلت ليها : والله يا عمتو بس مع الجامعه والقرايه والله مرمطه شديده
قالت لي : اي والله الله يعينك
قامت امي قالت لي : تعالى جهزي معاي الغدا
مشيت جهزت مع امي الغدا ورصيناه
أمي قالت لي : امشي نادي ابوك ورائد وآسر ومنذر سماح
قلت ليها : كويس
مشيت لي بابا وكلمتو ونزل ومشيت لي سماح وكلمتها... بعديها مشيت لي رائد ( منذر قاعد مع رائد في نفس الغرفه يعني بنوموا مع بعض عشان غرفة رائد كبيرة)  دقيت الباب ودخلت لقيت منذر ورائد بتونسوا
قلت ليهم : يلا يا جماعة الغدا
رائد قال لي : جايين
منذر قال : انا شويه وبجي
رائد قال لي منذر : هوي لو ما نزلت وتين دي بتكمل الاكل من هسه انا كلمتك ( كلللللب 😂)
قلت ليهم : انا غايتو كلمتكم وما حنستناكم والله انا جيعانه وما بنتظر زول
رائد قال لي : هو انتِ ياتو يوم ما كنتي جيعانه بس كدي وريني 😂😂
منذر قعد يضحك😆
قلت ليهم : اضحكوا سمح انا ماشه زاتو..
بعديهم مشيت لي آسر كلمتو
قال لي : انا بقرا امتحاناتي بتاعت الشهاده فضل ليها اسبوع جيبي لي اكلي هنا
قلت ليه :كويس
مشيت تحت جبت لي آسر الاكل ووديتو ليه في غرفتو
وتاني نزلت عشان آكل لقيت رائد ومنذر نزلوا بدينا نااكل
سماح قالت لي : انتِ يا وتين امتحاناتك بعد 3 ايام مش
قلت ليها : اي والله.
قالت لي : بالتوفيق..
قلت ليها : تسسلمي 😊 ( وطبعا انا وسماح شبه بقينا صحبات أو ممكن نقول علاقتنا ماشه في تحسن الحمد لله)
امي قالت لي : بس اقري كويس تاني ما بتجيك عوجه
ابوي قال : انا بتي ما شاء الله عليها ذكيه وما بتخاف عليها
قلت ليه : اي انا م بت ابوي لااازم اكون زكيه 😂❤️(بت ابوكي بت ابوكي والشفاته ما يغشوكي🎶) .. هييي دا شنو دا يلا  نرجع لي موضوعنا 😂...
... أكلنا وانا وسماح لمينا العده وغسلناها وسوينا الشاي( بعلم في سماح😌😂) واصلا اليوم كان يوم أربع والامتحان بتاعي يوم السبت
بعد ودينا الشاي انا طلعت فوق عشان اقرا وسماح برضو كانت بتقرا... يلا قعدت اقرا لحدي المغرب كدا صليت وتاني رجعت اقرا قريت لحدي العشاء صليت وكنت زهجاانه شديد وسماح زاتها كانت زهجاانه قمنا نزلنا تحت لقينا منذر ورائد بلعبوا في ليدو
سلمنا عليهم وقلنا ليهم لعبونا معاكم ياخ...
قالوا لينا : خلاص ارح
ويلا لعبنا نحن الأربعه وانا ما شاء الله جيت الأولى😌 وكل ما اقتل زول أقول ليه بالغلط بالغلط ( وهو ما بكون بالغلط قااااصده والله 😂)
رائد قال لي : بالغلط بتاع شنو انتِ كل مره تقتلينا وتقولي بالغلط
منذر قال : ياخ قتلت لي الاربعه بقتني زي البتجاز😂
سماح قالت : وانا كمان ما بتقتلني الا لمن اصل قدام بيتي 😂
قلت ليهم : كلووووو بالغلط  معقوله انا اقتلكم انتوا يخس عليكم ياخ😂
قالوا لي : يا شيييخه بالله
قلت ليهم : والله 😂
قلت ليهم : يلا بعد دا ننوم يا سماح عشان بكره عندنا جامعة  ولازم نصحى بدري وانا زاتي عندي قرايه يلا سلام
منذر قال : تاني كل ما نزهج نلعب ليدو تمام
قلت ليه : تمام... يلا بعد دا تصبحوا على خير
قالوا لي : وانتِ من اهلوووو
وعلى كدا مشينا نمنا... 😴
..........

بي لسان منذر :  .....
ياخ دا كان احلى ليدو ألعبو💕 ياخ بت عفويه حتى في لعبها بت كدا لو شفت تصرفاتها تقول طفله ☺️زوله عقلها عقل حكيم وقلبها قلب طفل.. كل ما تقتلني في اللعبه وتقول لي بالغلط بتعجبني اكتر😂ياخ زوله بريئه وعفويه بي طريقه مبااالغ فيها... هسه انا احسن لي انوم😴.....

.......   
     بي لسان سماح :   ........
بديت احب وتين دي ياخ بت عسل وظريفه بي طريقه مباااالغه عديل... بت لطيفه وطيبانه انا احسن لي اصاحبها واخليها شويه شويه تتقرب مني واقرب منها عشان انا بالجد محتاجه زول ينصحني ويصلحني💕...  هسه اول حاجه لازم اعملها  اشوف نسرين دي بتستاهل اصاحبها ولا لا...

#كسره...
يا جماعة ماف احلى من أنو الزول يعرف غلطو ويبدأ يصلح فيه ويصلح في نفسه  وكل ما سرعت في تصليح نفسك بكون احسن ولو صاحبت الزول الصاح البعاتبك وبوريك غلطك وبنصحك خليك عارف ومطمن انو ما بتجيك عوجه بس صاحب صاح 🙂❤️..

#يتبع