سنيوريتا😍❤️

18

                                 
نواصل بي لسان سماح.........
صحتني وتين الصباح زي الساعه 4:30 كدا قالت لي قومي صلي الصبح وطبعا انا ما حصل صليت الصبح حاضر 💔لكن الحمد لله وتين دي غيرت فيني حاجات كتيره 😊بالجد بديت اتعلق بيها شديد ما عارفه حقدر اقعد بدونها كيف لمن نرجع بيتنا...  صليت الصبح ووتين صلت معاي وهي بعد انتهت من الصلاه بقت بتقرا في القرآن انا كنت دايره ارجع انوم واصحى بعد شويه البس لي الجامعة لكن بعد شفت وتين بدت تقرا في القرآن انا زاتي قلت اقرا لي حبة قران🙂 قعدت جمبها وبديت اقرا وتين استغربت فيني بقت بتعاين لي وبتتبسم😊 وانا قلت بس اي حاجه حتعملها وتين بعمل زيها لانو هي بي الجد بت مافي منها اتنين💕 انا مفروض من الاول كان لازم  اصاحبها واصاحب البنات الزيها مش زي نسرين دي لو قلت ليها ارح نصلي تقول لي بعدين 😏بالجد وتين دي الله يخليها🤲🏻.. يلا بعد خلصنا من قراية القرآن قمنا بدينا نلبس لبسنا وطلعنا شربنا الشاي تحت
امي قالت لي وتين : يا وتين سماح دي تعبتك عشان تصحى مش😂
وتين قالت ليها : لالا والله يا عمتو بالعكس الليله قامت صلت معاي الصبح حاااضر🙂
امي قالت ليها : شنننو صحي الكلام دا يا سماح؟؟!!
قلت ليها : اي يا امي تاني دايره ابقى زي وتين دي كل يوم اصلي الصبح حاااضر واقرا معاه شوية قرآن😊
امي قالت لي : بالجد كتر خيرها وتين دي ما قصرت معاك
قلت ليها : بالجد وتين دي طلعت ظريفه انا زمان كنت بكرههااا ساي😂
وتين قعدت تضحك قالت لي : والعجب انا والله  كنت ما بطيقك 😂💔
امي قالت لينا : انتوا بس خليكم صحبات ومع بعض تاني ما بتجيكم عوجه ويا سماح وتين دي ابقي عليها عشره والله زيها ما بتلقي اليومين دي🙂
وتين ابتسمت😊... وعلي كدا طلعنا وانا قلت بس الليله الا اعرف سبب مصاحبة نسرين لي دي ... وانا لازم اخليها لانها  حتخربني..... وعلي كدا مشينا لي وجدان وركبنا ركشتنا ومشينا الجامعه

...............

بي لسان وتين.....
بعد وصلنا الجامعه قعدت في اقرب بينش وسرحت.. يااااااه معقوله دي سماح الكانت ما بتطيقني وما بطيقها بقت صحبتي ياخ انا لمن صحت وصلت معاي الصبح حاضر استغربت وبقيت بعاين ليها كدا😳ولمن ما مشت واصلت نومها وقرت معاي قرآن انا استغربت اكتر ياخ بالجد زي ما قال منذر سماح دي بس دايره زول ينصحها ويصاحبها ويفهمها وتفهمه بالجد بقت قريبه مني شديد وكمان بقت بتساعدني في المطبخ زمان كانت قشه ما بترفعها😂 خلاص انا تاني بالجد حصاحبها اكتر واتقرب منها وهي في الاول والاخير بت عمتي❤️ ومستحيل اخليها لي نسرين دي☹️
جات وجدان لقتني سرحااانه
قالت لي : ماالك سرحانه
قلت ليها : سماح بقت قريبه مني وصحبتي كمان
قالت لي : جااادة انتِ😳
قلت ليها : اي جاده
قالت لي: كدي احكي لي.... بس حكيت ليها كل شي
بعديها جوا ناس لميس ولجين وبرضو حكيت ليهم
قالوا لي : ماشه كويس بس لسه محتاجه تفهميها اكتر
قلت ليهم:  اي
ويلا بعد دا نمشي على المحاضره.....
.........