سنيوريتا😍❤️

20

                                  
ما عارفه لي انا زعلت شديد لمن ناس عمتي مشوا بكيت زي كانو تاني ما حشوفهم😭💔 بالجد اتعودته عليهم شديييد🥺 عمتي زولة طيبااانه وقلبها ابيض وظريفه شديييد وبتحبني وانا كمان بحبها❤️.. سماح بت عسل  وبقت صحبتي شديد ما عارفه الليله حنوم كيف من دونها 🥺 ياخ كنت بتشاكل معاها في النور ومطينه ليها عيشتها وهي زاتها ما مقصره فيني 😂 ياخ حبيتها شديد.. وحتى منذر كنت بلعب معاه الليدو ونشيل ونتناقر انا وهو بالجد بعد مشوا البيت بقى لينا كئيييب شديد💔 تاني حارجع اقعد براي مع الاولاد.. ياخ سماح كانت ماليه لي وقتي والله بالجد بت طيبانه شديد وانا مبسوووطه شديد من نفسي عشان قدرت اغيرها للأحسن☺️ بالجد هي بس كانت دايره زول ينصحها ويصاحبها....
.... تميت بكيتي ديك ومشيت صليت العشاء ورقدت في السرير قلت انوم عاينت لي المحل الكانت بتنوم فيه سماح بس طوالي بديت ابكي تاني😭💔 ( اصلا انا كدا لو اتعودته على زول ما بقدر افارقه بي الساهل وحنينه شديد ودموعي قريبه😔)... قلت اضرب لي وجدان اتكلم معاها ضربت ليها وردت
وجدان : يا هلا بالسنيوره اخبارك شنو
قلت ليها : تمام الحمد لله انتِ كيفك
قالت لي : تمام... مالك صوتك متغير كدا كنتي بتبكي؟؟
قلت ليها : اي🥺
قالت لي: مالك خير؟؟
قلت ليها : ناس عمتي مشوا بيتهم
قالت لي : وطيب انتِ بتبكي لي يا عويره
قلت ليها : انا اتعودته عليهم شديييد وما صدقت صاحبت سماح وبقت معاي بت في البيت🥺
قالت لي : هم ما طايرين اكيد بجوكم كل مره
قلت ليها : عارفه لكن انا كنت دايراهم يقعدوا معانا للأبد
قالت لي : ما مشكله هم بجوكم وانتوا امشوا ليهم تمام
قلت ليها : تمااام... وسماح بتسلم عليك
قالت لي : الله يسلمها خلاص يلا اها بكره مستعده لي الامتحان
قلت ليها : اي ان شاء الله
قالت لي : يلا خلاص بطلي بكى ونومي عشان بكره ما تكوني تعبانه وعيونك مورمه خليك عارفه ولو عيونك اتورمت ما بتمشي معاي عشان بتبقى شيييينه😂
ضحكت😂 وقلت ليها : شينه انتِ يلا زاتو اقطعي وشك انا ماشه انوم
قالت لي : تصبحي على خير
قلت ليها : وانتِ من أهلوا
وعلى كدا نمت 😴.......
......

كسره.....
  شايفين الزول اللمن تضايق تتصل عليه وتتكلم معاه من جمله وااااحده بس بخليك تضحك لي آخر ضرس الزول المهما عملت وفعلت بفهمك وبنصحك وبعاتبك وبواجهك وبغلِطك وما بطبل ليك ساي  دا الاسمه صاحب وصديق غير كدا ماف 💕الزول اللمن يصاحبك بكون دايرك كسند واخو أو أخت ما عشان قروشك ولا مظهرك عمرها ما كانت الصداقه بي القروش والمظاهر.. وزي ما بقولوا المظاهر خداعه.. انت صاحب الزول البستاهلك وتستاهله ووقت تصاحب صاحب صاح  ما اي زول بتصاحب 👍
.....

بي لسان منذر :   .....
لمن كنا في العربيه وراجعين على البيت امي كانت بتتكلم
قالت : والله وتين دي بكتني معاها عديل 🥺 بت حنييييينه لي درجه كلمة حنينه دي زاتها بسيطة عليها.. وحساسه والله انا اتعلقت بيها شديد بت خلقه وأخلاق والله اخوي عرف يربي❤️
سماح : اي والله يا أمي وتين بت طيبااانه وقلبها ابيض وما بتشيل في قلبها على زول 😊انا في الأول كنت ما بطيقها😂 لكن هي بي عفويتها خلتني احبها واتعلق بيها غصباً عني وعلمتني كمان اصلي الصبح حاضر واقرا سورة الكهف يوم الجمعة بالجد بت ماف منها أتنين 😊
امي قالت : بالجد ياريت لو كانوا كل البنات زي وتين❤️
.... انا اكتفيت بي الصمت وقعت اتبسم 😊بعد ما وصلنا البيت وامي وسماح ناموا انا رقدت في سريري وختيت يدي ورا راسي وبقيت بعاين لي المروحه واتبسم...
....ااااه انا من وتييين ياخ بت حسااااسه بي شكل وحنييينه بي شكل بكت بكى لمن جينا ماشين زي كأنها بتعرفنا ليها سنين.. اتعلقت بينا شديد ونحن زاتنا اتعلقنا بيها ياخ بتبكي زي الأطفال قلبها قلب طفل وعقلها عقل حكييم 😊والعجب لمن قالت لينا انا ومنذر يا بقر قريتوا سورة الكهف 😂 ياخ الشتيمه منها زاااتها حلوه😂❤️ انا عرفت بنات كتاااار ما حصل وحده سألتني هل قريت سورة الكهف ولا ما قريتها؟؟ بالجد كل مره بجي منها موقف بزيد إعجابي بيها.. والعجب لمن حضنت امي وقعدت تبكي بالجد زي الطفل الكان ضايع ولقى امو... ولمن لقيتها بتبكي في المطبخ زي الميت ليها زول دا كلو عشان نحن حنمشي 💔وكمان غيرت في سماح حاجات كتيره وبقتها احسن من زمان وحتى سماح بعد كانت ما بتطيقها هي بي طريقة حبها وبرائتها خلت سماح تحبها غصباً عنها.. بالجد بت بريئه وعفووويه وطيبااانه وحنينه وحساااسه وماف منها اتنين ... وزي ما قالت امي ياريت كل البنات زي وتين .... ونحن ما حنتقطع منهم حنمشي ليهم كل ما نلقى فرصه وكل جمعة..  يلا بعد دا الوقت اتأخر احسن لي انوم... وعلى كدا نمت 😴....
.....

# يتبع