سنيوريتا😍❤️

25

مررررت الايام وكان الليله نتيجة آسر أخوي 💕صحيت الصباح زي كل يوم دخلت الحمام واستحميت وجيت صليت وقريت شوية قرآن واصلا كانت عندي اجازه يومين... نزلت تحت نضفت وبخرت  حتى ناس البيت صحوا شربنا الشاي وقعدنا نتونس
رائد قال : اها يا آسر حاسي بي شنو
آسر قال : والله خايف ومتوتر
ابوي قال : خير خير ان شاء الله نسمع اسمك كدا في الإذاعة
امي قالت : اللهم ااااامين🤲🏻
قلت ليه : طبعا يا عمك لو زاعوك أن شاء الله بتقرش عديل كدا عليك الله بعدين اتزكرني بي١٠ولا ٢٠مليون كدا😂
قال لي : في أحلامك ولا جنية ما بديك ليه
قلت ليه : امشي يا جبار يا مقححححط😒
كلهم قعدوا يضحكوا😂... شربنا الشاي وسوينا الفطور فطرنا
وفتحنا التلفزيون عشان خلاص وقت المؤتمر قرب كلنا بقينا بندعي انو آسر يجيب درجه حلوه ويخش طب زي ما عايز دعينا لحدي ما وقت المؤتمر جاء.. وطبعا بقينا في شحتفة المقدمه😂 ياخ عواااااره بي شكل بتزيد التوتر وبترفع الضعظ😂💔  انتظرنا لحدي ما بدت الازاعه وطبعا علينا صوت التلفزيون وقعدنا يلا بدوا يزيعوا في الناس فجأه كدا قالوا.. آسر نبيل محمد أحمد... كلنا بقينا عاملين كدا 😳 جاب 93  ( إشي إشي قلت ليكم الولد دا ما هيّن😂❤️)امي بقت بتزغرت وانا زاتي زغردت واتحاضنا لمن بكينا🥺 بالجد فرحنا ورفع راسنا😊❤️ شويه كدا بدوا الضيوف والجيران يجوا والتلفونات تتطاقش وناس عمتي جوا والبيت اتقلب بيت عرس عديييل😂 وكل الناس كانت فرحانه ( وعساااااها فرحه دايمه يا رب🤲🏻) جونا ناس المدرسه بي خروفهم وضباحهم ضبحوا الخروف وباركوا ومشوا ( وطبعا آسر نار الضلع😂😂 جاء اول الدفعه ❤️) بقينا انا ووجدان وسماح  في موضوع الحلاااوه والبارد والفطور والغدا لحدي العشاء كدا الناس مشوا بس فضل ناس عمتي وناس وجدان شويه كدا ناس وجدان مشوا وفضلوا ناس عمتي بس
قلت ليهم : يا عمتو بيتوا معانا الليله
قالت لي : مره تانيه😊
قلت ليها : لي ياخ اقعدوا معانا
امي قالت ليها : اقعدي يا محاسن وامشوا بكره
عمتي قالت : خلاص رايكم شنو انا بقعد لكن بي شرط😌
قلنا ليها: شنو؟؟
قالت : بكره نمشي مزرعة ابوي ونشيل معانا أكلنا ونقضي اليوم هناك ونتبسط ونغير جو بي مناسبة نجاح آسر دا😊
قلت ليها : دي ياتو مزرعه يا عمتو
قالت لي : ابوي الله يرحمه عندو مزرعة كبيييره كنا بنعمل فيها مناسباتنا زمان وطولنا ما مشينا ليها لكن عندها غفير قاعد فيها ومهتم بيها
قلت ليها : اهاااا والله انا حبيت الفكره ارح
كلهم قالوا خلاص تمام نمشي بكره لي المزرعه
سماح قالت : لكن انا ما جبت معاي غياراتي
منذر قال : انا زاتي ما جبت معاي شي
عمتي قالت : ولا انا
قلت ليهم : سماح بديها انا من هدومي وانت يا منذر شيل من رائد وعمتو تديها امي اها تاني عندكم كلام
قالوا لي : خلاص كان كدا
قلت لي سماح : هو انتِ ماشه وين صحي اقعدي نضفي معاي البيت دا يلا
قالت لي : غايتو انتِ كملتي لي انوثتي وكسرتي لي اظافري😂
قلت ليها : هيهي انووثه لكن.. نحن ما عندنا حاجه اسمها انوثه.. نحن هنا كلنا عباااس وجفعر😂
كلهم قعدوا يضحكوا 😂وناس امي وعمتي وابوي مشوا ناموا وانا وسماح والأولاد بقينا بنضف
انتهينا من النضافه كدا قعدنا نرتاح شويه
قلت لي آسر : يا عسل انت ما داير تدي اختك جنيه جنيهين😉.
قال لي : ولا جنيه ما بديك ليه
قلت ليه : طول عمرك زباااله وحتفضل زباااله☹️
كلهم قعدوا يضحكوا😂
منذر قال : والله يا وتين بعد خليتيني انضف معاكم تاني ما بجيكم زاتو😂 ياخ ضيعتوا لي برستيجي😂
قلت ليه : برستيج لكن 😂 وحاتك شايف البقر الاتنين الجمبك ديل اليوم كلو مطلعه زيتهم بنضفوا وبقشوا وبمسحوا
قال ليهم : صحي الكلام دا يا آسر ورائد🤨
قالوا ليه : للأسف الاسيف 😂
قال ليهم: لالا كان كدا حالتكم صعبه😂
قلت ليه : هسه خليك منهم ارح نلعب ليدو
قال لي : خلاص ارح لكن قيم واحد بس عشان ننوم لانو بكره ماشين المزرعه ولازم نصحى بدري عشان هي ما قريبه
... بدينا نلعب كلنا وآسر جاء الأول وانا التانيه وسماح التالته ومنذر الرابع ورائد الأخير ( الطيييييش.. لوووزر😝)
وكل ما اقتل واحد فيهم اقول ليه بالغلط بالغلط😂
أسر قال لي : شفتي بعد قتلك لي البتقولي عليه بلغلط دا انا جيت الأول😌
قلت ليه : انا بس راعيت لي انو مزااجك رايق وفرحان عشان كدا قلت اخليك تجي الأول واعتبرها دي هدية النجاح 😉
قال لي : بالله
قلت ليه : والله
منذر قال : هيي خلاص يا اخوانا بعد دا النوم يلا تصبحوا على خير😊
قلنا ليه : وانت من أهلوا
... وعلى كدا اي زول مشي على غرفته وانا وسماح مشينا مع بعض دخلنا غرفتي سماح جات تنوم
قالت لي : وتين اقفل النور؟؟
ضحكت😂 وقلت ليها: اقفليه اقفليه😂💔
......

بي لسان منذر :   ....
يا ربي يوم بكره حيكون كيف؟؟🤔 ما عارف لكن اكيد ان شاء الله حيكون حلو🙂.. كدي اعزم واحد من أصحابي احتمال يجي واعرفه على آسر ورائد... ضربت لي صحبي اسمه أسامة
قلت ليه : اهلللين ابو الشباب
قال لي :  اووووو منذر اخبارك شنو؟؟
قلت ليه : تمام الحمد لله كيف انت وكيف ناس البيت
قال لي: طيبين وفي أمان الله
قلت ليه : اسمعني نحن بكره ماشين المزرعه بي مناسبة نجاح ولد خالي وكدا اها تمشي معانا؟
قال لي: الف مبروك والله + والله بكره ما عندي شغل خلاص يا شاب قدااام بس انت وصف لي وانا بجي برأي بي عربتي
قلت ليه :خلاص ظابط يلا سلام
قال لي : يلا مع السلامه...
طبعا أسامة دا صحبي من الطفوله وساكن جمبنا والله ولد بالجد يستاهل كلمة صاحب زول كدا مررح بي شكل وزول خدوووم وزول حاره😊 والله ما حصل كنت متضايق ومشيت ليه وجيت زعلان ابداااا والله بمشي ليه كلي هموم وبجي راجع وكلي فرح...
زول كدا يستاهل يتقال عليه صديق وسند وربنا يديم الصحبه🤲🏻 ويلا بعد دا انوم عشان اصحى بدري😴...
....

#يتبع