سنيوريتا😍❤️

33

                                
الليله عرسسسسسسي💃🥳... صحيت من الصباح زي كل يوم وصحت معاي وجدان دخلت الحمام استحميت ووجدان برضو بعديها جينا صلينا وانا قريت سورة "يس" بالجد بحبها وبتريحني شديد وزي ما قالوا هي قلب القرآن❤️ بعديها قريت سورة الكهف لانو كان يوم الجمعة.. دعيت ربنا يسعدنا 🤲🏻.. بعديها مشينا شربنا الشاي مع مريومه ودلال وعمو حسام...
مريووومه قالت لي : يحليلك والله تاني نلقاك وين🥺
دلال قالت : اي والله حتفرقي معانا🥺
عمو حسام قال : بالجد والله
وجدان قالت : اي والله حنشتااق ليك شديد🥺💔
قلت ليهم : انا زاتي والله لكن ما تخافوا بجيكم كل فتره...
... شربنا الشاي وفطرنا ومريومه مشت تساعد امي في البيت وعمو حسام مشى يساعد ناس ابوي وانا ووجدان ودلال مشينا الكوفير وضربنا لي لجين ولميس وسماح ورغد يجونا هناك... بعد وصلنا الكوفير بقينا شغالين ماسكات وحاجات غايتو... شويه كدا جونا لجين ولميس وسماح ورغد  قعدنا وكوينا شعرنا..
................. ضرب لي منذر
شلت التلفون وطلعت برا
قال لي : يا هلا بوتيني😊❤️
قلت ليه : اهلييين
قال لي : مشيتي الكوفير؟
قلت ليه : اي + اها انت وين
قال لي : انا في الحلاق
قلت ليه : ااا تمام قريت سورة الكهف؟
قال لي : اي قريتها الصباح
دايره ارد كدا بس وجدان جات قلعت مني التلفون
قالت لي منذر : العريسسس ما ممكن تخلي لينا العروس دي شويه😂
قال ليها : غايتو انتِ دايماً بتخربي لينا اللحظات السعيده😂💔
قالت ليه  : سعيييده لكن😂❤️
قال ليها : خلاص يلا بضرب بعد شويه
قالت ليه : تمام... وقفلت
قلت ليها : دا شنو يا زفتونه
قالت لي : ارح بالله اتكلموا بعدين😂
مشيت وقعدنا شويه كدا جاء وقت العقد... انا قاعده  جاتني سماح جاريه
قالت لي : مررررت اخوي الف مبروك ياخ عقدو خلاص🥳❤️
والبنات بدو يزغرتوا وباركوا لي وحضنوني وانا تلقائياً لقيت نفسي ببكي😭 ما عارفه لشنو ولي؟؟ لكن بس بكيت بالجد ياخ شعور حلو شدييد..  بعد  شويه ضرب لي ابوي وبارك لي وامي برضو واخواني وعمتي ومريومه... بعديهم ضرب لي منذر
قال لي : وتيييني وحلاااالي الف مبروك لينا😊❤️
قلت ليه : الله يبارك فينا😊
قال لي : واخيرا بقيتي حقتي براي❤️!
قلت ليه : شفت كيف😂 ( وانا طبعا ببكي ويضحك وبتكلم 😂إعاقه شديده بعيد عنكم 😂)
قال لي : خلاص اسمك بقى وتين منذر😌
قلت ليه : واااي وتين منذر عديل كدا دا استعمار ولا احتكار ولا شنو 😂💔
قال لي: دا كل شي 😂
قلت ليه : غايتو انت
قال لي : هسه بتبكي مالك دي دموع الفرح مش
قلت ليه : اكييد 😊
قال لي : عساها فرحة دايمة وخليك دااايماً فرحانه اصلو الحزن ما ليك!
قلت ليه : اللهم آمين وابتسمت😊
قال لي : خلاص يلا لي بعدين قبل ما تجينا وجدان ناطه😂
ضحكت 😂وقلت ليه : خلاص مع السلامه
قال لي : يلا في امان الله😊

......قفل ورسل لي رساله كان محتواها : ...

كالياسمين انتِ بسيطة❤️...
رقيقه قلبك ليس للحزن حقاً فيه😊
ولا سبيل اليه...
                                      # وتيني الحلاااال❤️!
........