سنيوريتا😍❤️

31

.... مرت الايام وانا اتخرجت من الجامعة🥳🥳 الحمد لله 🤲🏻 وكان التخريج حلو شديد ما خلينا ركن في الجامعه ما اتصورنا فيه وبي كدا اكون بقيت دكتوره صيدلانيه💕... حددنا العرس بعد شهرين...
في يوم.....
صحيت من الصباح عملت روتيني اليومي صحيت استحميت وجيت صليت وقريت شويه قرآن واصلا كان كل يوم بننزل انا وسماح السوق نجيب حاجات العرس...  سماح ضربت لي
قالت لي : يا هلا اخبارك
قلت ليها : تمام الحمد لله
قالت لي : اسمعيني الليله جاتنا بت خالتي وحنسوقها معانا السوق تمام
قلت ليها : تمام
قالت لي : اجهزي ساعة كدا ونجيك انا وهي ومنذر عشان نمشي السوق
قلت ليها : خلاص تمام...
قفلت منها.. ضرب لي منذر
قال  لي :يا هلا بمريودتي وغلاي😍❤️
قلت ليه : اهلين😊
قال لي: كيف أصبحتي
قلت ليه : الحمد لله
قال لي : يلا حنجيك بعد ساعه عشان نمشي السوق تمام
قلت ليه :  خلاص تمام
وقفل....
انا نزلت تحت شربت الشاي وكلمت امي انو نحن ماشين السوق وكدا بس شويه كدا جوا ناس منذر وسماح ومعاهم بت خالتهم اسمها(مها)
سلموا وقعدوا والبت تعاين لي من فوق لي تحت😒 وهي طبعا ماااايعه بي شكل
قالت لي أمي : يا خالتو كيفك
امي قالت ليها:  تمام الحمد لله انتِ كيف
قالت لي : تمام الحمد لله
طبعا طريقة الكلام براها تطمم البطن 🤢
مشيت المطبخ عشان اسوي ليهم عصير جات لاحقاني سماح
قلت ليها :بت خالتك دي مالها مايعه كدا سبحان الله زيك انتِ زمان😂
ضحكت وقالت لي : صحي والله لكن انا الحمد لله إسترجلت شويه 😂
قلت ليها : اي اي😂 وبعدين هي لي بتعاين لي بي طرف عينها زي الما عاجباها كدا 🤨
قالت لي : هي اصلا كانت خاته أمل انو منذر يعرسها لكن  ما عرسها ولمن جاء يعرسك هي اتغاظت.. واصلا منذر ما بطيقها
قلت ليها : بالله
قالت لي : اي والله عشان كدا انتِ ما تديها فرصه في أي شي وحاولي بي قدر الإمكان مغرزيها تمام😉
قلت ليها : لالا كان كدا بركه الوريتيني عشان أعمل معاها الواجب 😂+ ما توصي حريص😉
... وديت ليهم العصير شربوا
منذر قال : ارح يا جماعه بعد دا اتاخرنا
قلنا ليه : ارح
جينا نركب العربيه سماح قالت لي :  طبعا مها دي قبيل خلتني اركب ورا وهي ركبت قدام عشان كدا أجري اركبي انتِ قدام قبل ما تجدعنا نحن الاتنين ورا😂
قلت ليها : سمح اصبري لي بس... وجريت ركبت قدام ومها تحمر لي ومنذر بضحك بي تحت عرفنا قاصدين نعمل الحركة دي
وسماح قالت لي : شاطره😉
... وصلنا السوق اشترينا هدوم البيت واي حاجه وفضل بس التياب وطبعا اي واحد فينا بختار شي ونقعد نتناقر ونتشاكل في حلو وما حلو  واتعاورنا جنس عواره لحدي ما جاء دور التياب اشترينا التياب وطبعا انا وسماح ما ادينا فرصه لي مها عشان تختار معانا( خلاص ختينا البت في راسنا😂)... منذر اختار معانا التياب بعد خلاص اخترناهم وطقمناهم جاء دور الشباطة والجزم
قلت ليهم : ما دايره جزم عاليه دايره شباطة
قالوا لي : اي احسن
... بقينا بنختار اول شي اخترت شبط عجبني بي اللون الاسود وما فيه كعب حلو كدا وبسيط وقبل ما اشتري الشباطه  العاليه...
مها قالت لي : مالك ما اشتريتي شباطة عالية ما بتعرفي تلبسيهم ولا شنو شكلك كدا ما بتعرفي🙄 ( وطريقة الكلام ما كانت حلوه يعني بي افتراء ووقاحة)
قلت ليها : يختي نحن من الله عاااالين😌 + مالي ما بعرف البسهم😒
سماح قالت ليها : زي ما قالت ليك نحن من الله عاااالين😌
طبعا البت سكتناها تاني خشمها دا ما فتحته😂
ومنذر بضحك بي تحت ويعاين لينا 😂
بعد خلاص اشترينا الشباطة وانتهينا
منذر قال لينا : ارح ناكل وقت الغداء جاء ونحن فطور ما فاطرين
قلت ليه : بالجد انا جيعااانه
سماح قالت لي : ما بتلحقيني
مها قالت : انا زاتي جيعانة( هسه دي السألها منو؟ 😒🔪)
... مشينا مطعم طلبنا بيتزا أكلنا ومشينا اشترينا اسكريم ومشينا جمب البحر كدا نتمشى وناكل والبت الاسمها مها حالفة ما تزح من منذر بس ملصقه فيه هم الاتنين ماشين قدام وانا وسماح ورا
سماح قالت لي : أجري امشي جمب منذر يا عويره وشوتي مها دي بعيد
قلت ليها : اصلا انا من قبيل بطني طمت منها بس دقيقه اصبري لي😌
جريت جري مشيت لي منذر
قلت ليه : حبيبي تعال دايره اقول ليك حاجه
بس سقتو وخليت مها براها بتحمر لي😂 وسماح جات مشت معاها بقينا نحن ماشين قدام وهم ورانا
منذر قال لي : اها شنو
قلت ليه : ولا شي
قال لي : والله الليله انتِ وسماح طلعتوا زيت البت مها دي😂
قلت ليه : هي براها مايعه ولئيمة انت ما شايفها ملصقه فيك كيف 😒دي شنو دي خفيفة كدا  زي شاي البكى😏
ضحك😂 وقال لي : بتغييييري منها؟
قلت ليه : شنو شنو أسمع هنا يا الاخو انا وقت اجي أغير أغير من المايعه دي؟ 😒 وبعدين حتى لو حصل وغرت انا ما بغير من زول انا بغير على زول😌 تمام👍 (وحاااتكم انا غيرانه ونص وخمسه😂💔)
قال لي: فديتووو الغيووووور انا😂❤️
ضحكت😂 وقلت ليه : ما القاك واقف معاها والله بشرِحها ليك وصل👍
قال لي : غايتو انت😂 خلاص تمام وصل.... لكن والله انتِ وسماح طلعتوا خطيرات😂
قلت ليه : احممم دا كلامك 😌
ضحك😂 وكملنا الاسكريم  وطبعا صحبتكم مها لسانها اتبلع وخشمها دا ما فتحته يلا لمن جينا ماشين
مها جات وقفت قدامنا قالت : انت يا منذر بتحب وتين دي؟؟ 😒
منذر قال ليها : انا ما بحبها وبس انا بعشقها ❤️
قالت ليه : طيب وانا 🥺
قال ليها : انتِ مالك؟؟ ( واي طبعا كرفس مشاعر البت لكن احسن زاتو 😂)
انا طبعا كنت واقفه قلت بس الليله أشوف نهايتها شنو... جات سماح
قالت ليها : اسمعي يا مها منذر لي وتين ووتين لي منذر مفهوم وبي اختصار عشان تسمعي الكلام من خشم سيده انت يا منذر انا دايره أسألك سؤال وتين بالنسبة ليك شنو؟
منذر مسك يدي  وبقى بتكلم بي الفحصه وبتفلسف

قال ليها :
هي وتيني ونبضي وقلبي وغلاي وحبي وحبيبتي ومريودتي وسنيورتي هي عشقي ومعشوقتي هي دنيتي 💘..
وابتسم😊
*ہہـ٨ـــ٨ــــــہہـ٨ــ♡ـــــــــــــــــــــــ❥ــہہ00:00:0💕

سماح قالت لي : وانت يا وتين منذر بي النسبة ليك شنو؟
قلت مدام هو اتكلم بي الفصحه انا زاتي برد بي الفصحه مالي عاد ما بعرف قال ليكم 😌

قلت ليها :
هو منذري وطبيبي وحبيبي ودنيتي وملجئي وملهمي ونصفي وغلاااي وهواااي وسندي💘...
وابتسمت 😊
*ہہـ٨ـــ٨ــــــہہـ٨ــ♡ـــــــــــــــــــــــ❥ــہہ00:00:0💕

سماح قالت لي مها : يلا بعد كدا دا كلام منتهي
طبعا مها بي هناك اتحرقت لمن ريحت الدخان طلعت😂
وعلى كدا ابتسمنا 😊وركبنا العربيه( الله كلامو عجبني شديد يعني سكت مها ياخ بالجد يسلم لي 💘 وانا زاتي ما قصرت😂)

بي لسان منذر :
والله كلامها وردها عجبني شديد بالجد وتين مره
والنسوان ورا💘😊....

... مها قالت لي منذر : وصلني البيت عشان الوقت اتأخر
بس وصلناها.. وفضلنا انا وسماح ومنذر بعد ما مها نزلت
سماح قالت : احسن زاتو
قلت ليها : بررررركة
منذر ضحك وقال لينا : لكن يا فلانات طلعتوا خطيرات😂
قلنا ليه : من يومنا خطيرات😌
قال لينا : ما حصل لقيت لي بت ومرة اخوها متفقات شديد كدا زيكم😊
قلنا ليه : اها أسحرنا😂
ضحك😂💔
قلت ليهم : انتوا عمو ناصر( ابو منذر وسماح) وين ما حصل شفتو
منذر قال لي : ايوا زكرتيني أمس اتصل علي وقال لي لمن الاقيك اتصل عليه مكالمة فيدو قال داير يشوفك دقيقه اتصل عليه..
اتصل عليه ورد قال ليه : اوووو سندي اخبارك
قال ليه : تمام التمام داير اوريك مرة ولدك المستقبلية😉
قال ليه : حباااابها مرت ولدي وينها؟
... اداني ليه وكان بشبه منذر شبه مبااالغة
قلت ليه : اهلين عمو ناصر اخبارك وصحتك
قال لي : اوووو مرت ولدي اخيرا شفتك انا لي كم وكم بقول لي منذر دا يديني اتكلم معاك وكل مره بقول لي لمن الاقيها.... والله انا تمام كيف انتِ وكيف الولد منذر دا معاك؟ عاش من شافك يا بتي
قلت ليه : والله تمام الحمد لله... وانا زاتي والله كل مره بسأل عنك
قال لي: يسأل عنك الخير والله منذر عرف يختار ... يلا سلمي على ناس البيت وانا بجي ان شاء الله بحضر العرس بس الفتره دي للأسف مشغول شدبيييييد لكن بجي لي العرس تمام
قلت ليه :تمااام وفي انتظارك
قال لي : يلا في امان الله .... وقفل
قلت لي منذر : ابوك بشبهك شديد
قال لي :مش
سماح قال لي : ابوي شين كدا 🤨( وأشرت على منذر)
قلت ليها : هيييي كيف تقولي على خطيبي شين شينه انتِ بقوم بردح فيك هسه
منذر قال لي سماح : شفتي ما حأرد عليك تاني عشان عندي زول بدافع عني يلا يا وتيني دخليها لي في فتيلها بالله😌
قالت لي : لالا انا بعد دا احسن اتلم بعد الشفتك سويتيه في مها دا احسن لي ألم الدور مش😂
قلت ليها : اي اي احسن😂
قالت لي : شكلو كدا منذر دا سحرنا
قلت ليها : اي اي شكلو كدا
... ضحكنا😂 ووصلوني البيت دخلت ومشيت رتبت حاجاتي الجبتهم ووريتهم لي أمي وعجبوها شديييد... مشيت صليت وجيت أنوم ضربوا لي البنات مكالمة جماعية
قالوا لي : وينك يالعروس مختفيه كدا
قلت ليهم : والله مع السوق وحاجات العرس
قالوا لي : ااا والله تعب شديد كان كدا
قلت ليهم : اي والله
.... اتونسنا وبعد انتهينا وقفلت الخط ضرب لي منذر
قال لي: اهلييييين وتيني
قلت ليه: يا هلا
قال لي : مالك ما نمتي لي هسه
قلت ليه  : هسه دايره انوم
قال لي : خلاص بضرب ليك بكره هسه تصبحي على خير قلت ليه : وانت من اهلووو ...
وقفل.... وانا نمت 😴

......
كسرة....

الغيرة هي الطاغية في مملكة الحب💘💕...
.....

#يتبع