سنيوريتا😍❤️

16

                                 

يلا بعد ما وديت الشاي نقلت مع سماح الحاجات الجبناهم من السوق لي الغرفه ومشيت صليت وسماح نامت جيت انا عايزه انوم كدا باب الغرفه دق مشيت فتحتو لقيت ماف زول دنقرت لقيت في كيس هدااايه لونو اسود وفيه لمعه بي الذهبي الكيس براه حكاااايه عاينت يمين شمال ما لقيت زول شلت الكيس ودخلت فتحت الكيس وكانت المفاجئه 😳 لقيت جوا الكيس الكبير دا كيسين تانين فتحت واحد من الكيسين لقيت فيه تونك بي اللون الرمادي طويل لحدي الركبه وبي اكمام تلت اربع وفيه صفق وورود بي اللون الحمي والاكمام ساده ما فيها ورود وصفق ومعاه بنطلون رمادي وطرحة واسبورت والاتنين بي اللون اللحمي كان حاجه كدا في منتهى الفخامه كان حلو وبسيط وراقي.... فتحت الكيس التاني لقيت فيه فستان بي اللون الكبدي الفستان ساااده لكن اكمامه مشغوله بي الدانتل أو ممكن نقول شفافه شويه كدا وفيها صفق عريض يلا الفستان كلو كان بي اللون الكبدي وكان من فوق مع الجسم وفي الوسط كدا مخنصر ومن تحت واسع ومعاه طرحه مشكله بي الاوف وايت والكبدي  وشبط بسيط بي اللون الاسود ومعاه شنطة صغيره بي اللون الاوف وايت يلا بقيت عامله كدا 😳 يعني الفستان براه كان حاجه كدا في منتهى الوبعلي وكان بسيط وفي نفس الوقت فخخخخخم وحاجه كدا راقيه يعني قلت يا ربي الجاب لي الحاجات دي منو يا ربي بكون آسر ولا رائد؟ 🤔 لالا ياخ ديل حتى في عيد ميلادي ما بعبروني😂 قلت كدي اشوف احتمال القى لي رساله ولا حاجه في الكيس... وبقيت بفتش في الكيس لقيت لي ظرف كدا جواه ورقه ... فتحت الورقه  وكان محتواها.....

........
    ... عارف انو انا لو اديتك الفستان دا بي نفسي ما كنتي حترضي تشيليه وانا بس كنت داير أقدم ليك حاجه بسيطه عشان مشيتي معانا السوق وتعبتي وكدا.. وانتِ ابيتي تشتري انا قلت اجيب ليك من نفسي وان شاء الله زوقي يكون عجبك بتمنى تقبلي مني الهديه دي وما تحرجيني وما تفهميني غلط انا ما قاصد شي غير بس أقدم ليك حاجه مقابل تعبك معانا  وبتمنى تقبليها وما تجي تجوطي فيني.. ولو قبلتي مني الهديه ان شاء الله بس لو ممكن يعني تلبسي التونك الرمادي بكره انا ما بجبرك بس عشان اعرف انك قبلتيها لو ممكن يعني بس تنفذي لي الطلب دا وبتمنى تكون الهديه عجبتك 😊

                                            # منذر
...........

انا بعد قريت الرساله دي اتفاجأته وبقيت عامله كدا 😳 قلت معقوله منذر يديني انا هديه معقوله بس انا كم مره ومره اتشاكل معاه وهو في النهايه يجي يهديني... لكن الصراحه زوقو خراااافي يعني حاجه كدا في منتهى الوبعلي ياخ فخاااامه ورقي وبساااطه في نفس الوقت وكمان قال بقول لي عجبتك ياخ دي عجبتني ونص وخمسه 😂 ياخ الكيس براه حكاااية 🤤 يا ربي هسه أقبل منو الهديه دي ولا امشي اشاكلو كالعاده 🤔 طيب انا لي ارجعها لو هو اصلا زي ما قال ما قاصد حاجه غلط.. والله انا شخصياً محتاره ما عارفه هل أقبل الهديه دي ولا ما اقبلها.... كدي هسه انوم والصباح رباح... وعلى كده نمت😴...